ತಾಳಿಯಾಂಚೊ ಆಯ್ತಾರ್ ‌..

ತಾಳಿಯಾಂಚೊ ಆಯ್ತಾರ್ ‌..

(ಜುವಾಂವ್ 12:12-15) ಜೆಜು ಸರ್ಗಾ ಆನಿ‌ ಸಂಸಾರಾಚೊ ರಾಯ್ ಜೆರುಜಲೆಮಾಕ್ ಪ್ರವೇಶ್ ಜಾತಾನಾ, ಖಾಜ್ರಾಚ್ಯಾ ಮಾಡಾಚ್ಯೊ ಚುಡೆತ್ಯೊ ಘೆವ್ನ್ (ತೆದ್ನಾಂ ತಾಂಚೆ ಕಡೆ ಆತಾಂಚ್ಯಾ ಬರಿ ಝೆಲೊ ಯಾ ಫುಲಾಂಚೊ ಬುಕ್ಕೊ ನಾತುಲ್ಲೊ, ದೆಕುನ್‌ ಖಾಜುರಾಚ್ಯಾ ರುಕಾಚ್ಯೊ ಚುಡೆತ್ಯೊ‌ (ತಾಳಿಯೊ) ಘೆವ್ನ್ ಜೆಜುಚೆ ಯೆವ್ಕಾರ್ ಕರೊಂಕ್ ಲಾಗ್ಲೆ, ತ್ಯಾ ವೆಳಾರ್‌ ಖಾಜುರಾಚ್ಯಾ ರುಕಾಕ್ ಬೋವ್ ವರ್ತೆಂ ಸ್ಥಾನ್ ಅಸುಲ್ಲೆಂ) ಜೆಜುಕ್ ಮೆಳೊಂಕ್ ತೆ ಮುಖಾರ್‌ ಗೆಲೆ ಆನಿ ಸಂತೊಸನ್ , ಆನಂದಾನ್, ಮಹಿಮೆಬರಿತ್ ಜಾವ್ನ್ ಆಶೆಂ ಬೊಬ್ ಘಾಲೊಂಕ್ ಲಾಗ್ಲೆ

ಹೊಸಾನ್ನಾ!!
ಸದೆಂವ್ ಸರ್ವೆಸ್ಪರಾಚ್ಯಾ ನಾಂವಿಂ ಯೆತಾ ತೊ, ಸದೆಂವ್ ಇಸ್ರಾಯೆಲಾಚೊ ರಾಯ್ !!!

ಜೆಜು ಜೆರುಜಲೆಮಾಕ್ ಪ್ರವೇಶ್ ಕರ್ತಾನಾ ತಾಕಾ ಎಕ್ ಲ್ಹಾನ್ಶೆಂ ಗಾಡಾಂವ್ ಮೆಳ್ತಾ ಆನಿ ತೊ ತಾಚೆರ್ ಬಸೊನ್‌ ಯೆತಾ , ಕಿತ್ಯಾಕ್‌ಗೀ ಮ್ಹಳ್ಯಾರ್ ಪವಿತ್ರ್ ಪುಸ್ತಾಕಾಂತ್ ಬರಯಿಲ್ಲೆಂ ರುಜು ಜಾಂವ್ಚ್ಯಾಕ್

"ಭಿಯೆನಾಕಾ ತುಂ ಸಿಹೊನಾಚ್ಯಾ ಶಹರಾ
ಆಬ್ಳೆ ತುಜೊ ರಾಜಾ ಯೆತಾ , ಗಾಡ್ವಾಚ್ಯಾ ಶಿಂಗ್ರಾಚೆರ್ ಬಸುನ್ ಯೆತಾ"

ಆಮಿ ಆಯ್ಕಾಲ್ಲಿಂ ಯಾ ವಾಚುಲ್ಲಿಂ ಹರ್ಯೆಕ್ ಉತ್ರಾಂ ಪವಿತ್ರ್ ಪುಸ್ತಾಕಾಂತ್ಲಿಂ ಸತ್ ಜಾಂವ್ಕ್ ಪಾವ್ಲ್ಯಾತ್.

ಹೊ ತಾಳಿಯಾಂಚೊ ಆಯ್ತಾರ್ ಎಕಾ ವಾಟೆನ್‌ ಜೆಜುಚ್ಯಾ ಕಷ್ಟಾಂಚೊ ಆಯ್ತಾರ್ ಜಾವ್ನಾಸಾ. ಕಶೆಂ ಎಕಾ ಶೆಳಿಯೆಕ್ ಬಲಿ ದೀಂವ್ಕ್ ವೆತಾನಾ , ಪುಲಾಂಚೊ‌ ಹಾರ್ ಗಾಲ್ನ್ , ಬ್ಯಾಂಡಾ ವಾಜ್ಪಾರ್ , ವ್ಹಡಾ ಪುರ್ಶಾಂವಾರ್ ವರ್ತಾತ್ ಗೀ ತಶೆಂಚ್ ಜೆಜುಕ್‌ ಯಿ ಅಪೊವ್ನ್ ವರ್ನ್ ಗೆಲೆಂ , ಆನಿ‌ ನಿಮಾಣ್ಯಾ ಸುಕ್ರಾರಾ ತಾಕಾ ಖುರ್ಸಾರ್ ಬಲಿ ದಿಲೊ...

ತರ್ ಆಮಿ ಹೊ ಭಗೆವಂತ್ ಹಪ್ತೊ ಭಗೆವಂತ್ಪಣಿ ಜಿಯೆಂವ್ಕ್ ಪ್ರಯತ್ನ್ ಕರ್ಯಾಂ , ವಯ್ ಆಮ್ಕಾಂ ಇಗರ್ಜೆಕ್‌ ಯಾ ಬಾಯ್ರ್ ವಚೊಂಕ್ ಆಡ್ವಾರ್ಲಾಂ ತರೀ, ಜೆಜು ಆಮ್ಚೆಂ ಸವೆಂ ಆಸಾ, ಆಮ್ಚ್ಯಾ ಕಾಳ್ಜಾಂತ್ ತೊ ಅಸಾ , ತರ್ ಹ್ಯಾ ಹಪ್ತ್ಯಾ ಆಮಿ ಆಮ್ಕಾಂಚ್ ಜೆಜುಚ್ಯಾ ಹಾತಿಂ ಸಮರ್ಪುಣ್ ದಿಂವ್ಯಾ. ಜಾತಾ ತಿತ್ಲೊ ವೆಳ್ ಸೊಮ್ಯಾಸಂಗೀ ಖರ್ಚುಂವ್ಯಾ , ಆನ್ ಲ್ಯೆನ್ ಅಸ್ಚ್ಯಾ ಮಿಸಾಂ ಬಲಿದಾನಾನಿ ಭಾಗ್‌ ಘೆಂವ್ಯಾ, ಆಮ್ಚಿಂ ಪಾತ್ಕಾಂ ಸೊಮ್ಯಾಚ್ಯಾ ಪಾಂಯಾಂಥಳಿ ದವರ್ಯಾಂ ಆನಿ ತಾಚೆಂ ಬೊಗ್ಸಾಣೆ ಮಾಗ್ಯಾಂ

ಪ್ರತ್ಯೆಕ್ ಜಾವ್ನ್ ಸಗ್ಳ್ಯಾ ಸಂಸಾರಾಕ್ , ಹ್ಯಾ ಕೊರೊನಾ ಮ್ಹಳ್ಯಾ ಮಾರೆಕಾರ್ ಪಿಡೆಥಾವ್ನ್ ಮುಕ್ತ್ ಜಾಂವ್ಕ್ ಮಾಗ್ಯಾಂ. ಸರ್ವ್ ಪುಡಾರ್ಯ್ಯಾಂಕ್ , ದೊತೊರಾಂಕ್, ನರ್ಸಾಂಕ್ , ಆನಿ ಆಸ್ಪತ್ರಾನಿಂ ವಾವ್ರ್ ಕರ್ಚ್ಯಾ ಹರ್ಯೆಕ್ಲ್ಯಾಂಕ್ ಸೊಮ್ಯಾಚ್ಯಾ ಹಾತಾಂತ್ ಸಮರ್ಪುಣ್ ದಿಂವ್ಯಾ , ಆಮ್ಕಾಂ‌ ಬಚಾವಿ ದಿಂವ್ಕ್ , ಮ್ಹನ್ಶಾರುಪಾರ್ ಆಮ್ಚೆಂ ಸಂಗೀ ಅಸ್ಲೆಲ್ಲೊ ಜೆಜು ಖರೆಂಚ್ ಆಮ್ಕಾಂ ರಾಕ್ತೊಲೊ ಆಮ್ಕಾಂ ಸಾಂಬಾಳ್ತಾಲೊ.‌

ತರ್ ಹ್ಯಾ ತಾಳಿಯಾಂಚ್ಯಾ ಆಯ್ತಾರಾ , ತಾಳಿಯೊ ಉಬಾರುನ್ , ಯಾ ತಾಳಿಯೊ ಮಾರುನ್ ಸೊಮ್ಯಾಕ್ ಆಮಿ ಆಮ್ಚ್ಯಾ ಘರಾನಿಂ , ಆಮ್ಚ್ಯಾ ಕಾಳ್ಜಾನಿಂ ಯೇವ್ಕಾರ್ ಮಾಗ್ಯಾಂ ಆನಿ ತಾಚೆಂ ಸಂಗಿ ಥೊಡೊ ವೆಳ್ ಖರ್ಚೊಂಕ್ ಪ್ರಯತ್ನ್ ಕರ್ಯಾಂ

:- ಸುರೇಶ್ ಸಲ್ಡಾನ್ಹಾ, ಸಕಲೇಶ್ಪುರ್