#ಗೊವಾಚೆಂ_ರುದಾನ್

#ಗೊವಾಚೆಂ_ರುದಾನ್

ತಾಂದು ವೆಲ್ಯಾರ್ ಬೊರೊ ನಾ ಮ್ಹಣ್ತಾ

ವರಿನಾ ತರ್ ಜೆವಣ್ ನಾ ಮ್ಹಣ್ತಾ

ರಾಂದ್ವಯ್ ವೆಲ್ಯಾರ್ ಬರಿ ನಾ ಮ್ಹಣ್ತಾ

ವರಿನಾ ತರ್ ಲೊಂಣ್ಚ್ಯಾನ್ ಜೇವ್ ಮ್ಹಣ್ತಾ

ಘರಾ ವೆಗ್ಗಿ ಗೆಲ್ಯಾರ್ ಸಿರಿಯಲಾಂತ್ ಅಸ್ತಾ

ವೇಳ್ ಕರ್ನ್ ಗೆಲ್ಯಾರ್ ಸವಾಲಾಂ ಕರ್ತಾ

ಮೊಗ್ರ್ಯಾ ಫುಲಾಂ ವೆಲ್ಯಾರ್ ಮೂಡ್ ನಾ ಮ್ಹಣ್ತಾ

ವರಿನಾ ತರ್ ತುಕಾ ಮ್ಹಜೊ ಮೋಗ್ ನಾ ಮ್ಹಣ್ತಾ

ಕವನ್ ಬರೆಂವ್ಕ್ ಬಸ್ಲ್ಯಾರ್ ಪುರೊ‌ ನಿದೆ ಮ್ಹಣ್ತಾ

ನಿದ್ಲ್ಯಾರ್ ಕುಂಬಕರಣಚೊ ಭಾವ್ ಮ್ಹಣ್ತಾ

ವೊಲ್ ಘಡಿ ಕರ್ತಾನಾ, ಕರಿನಾಕಾ ಮ್ಹಣ್ತಾ

ಕರಿನಾ ತರ್ ಆಳ್ಸಿ ರೆಡೊ ಮ್ಹಣ್ ಚಿಡಾಯ್ತಾ

ಕಾಮಾಕಡೆ ಶೆಂಬೊರ್ ಕೊಲಾಂ ಕರ್ತಾ

ಘರಾ ಅಸ್ತಾನಾ ಮುಡೊ ಪುಗೊನ್ ಬಸ್ತಾ

ಮೊಗಾನ್ ಅಪಯ್ಲ್ಯಾರೀ ಕೆಪ್ಪ್ಯಾಬರಿ ಕರ್ತಾ

ವಗೊಚ್ ಬಸ್ಲ್ಯಾರ್ ತುಕ್ಲಾವ್ನ್ ಅಸ್ತಾ..

ಮ್ಹಜೊ ಪೇಸ್ ಬುಕ್ಕ್ ಯಿ ತೆಂಚ್ ವಾಪಾರ್ತಾ

ಚೆಡ್ವಾಂಚೆ ರಿಕ್ವೆಸ್ಟ್ ಅಯ್ಲ್ಯಾರ್ ಡಿಲಿಟ್ ಕರ್ತಾ

ಕಮೆಂಟ್ಸ್ ಯೆನಾತ್ಲ್ಯಾರ್ ದುಬಾವ್ ಕರ್ತಾ

ತುಜೆ ಕಡೆ ದುಸ್ರೆಂ ಎಕೌಂಟ್ ಅಸಾ ಮ್ಹಣ್ತಾ

ಕಳಿತ್ ನಾ ಮ್ಹಾಕಾ ಕಂಯ್ಸರ್ ಪಸ್ಲಾಂ ಹಾಂವ್

ತಾಚ್ಯಾ ಪಸಂದೆಕ್ ಸಗ್ಳೊಚ್ ತಕ್ಲಾಂ ಹಾಂವ್

ತಾಚ್ಯಾ ಮೊತಿಂತ್ ಕಿತೆಂ ಅಸಾ ನೆಣಾ ಹಾಂವ್

ಕಿತೆಂಯೀ ಜಾಂವ್ ತಾಚ್ಯಾ ಕುಶೆ ಪ್ರಕಾರ್ ಚ್ ಜಾಂವ್ ....

✍ಸುರೇಶ್ ಸಲ್ಡಾನ್, ಸಕಲೇಶ್ಪುರ್

**********************************

#ವಿಶೇಷ್_ಸೂಚನ್ :- ಹೆಂ ಕವನ್ ಬರೆಂವ್ಕ್ ಪ್ರೇರಣ್ , ಎಚ್ ಡುಂಡಿರಾಜ್ ಹಾಣಿಂ ಬರಯಿಲ್ಲೆಂ ಗಂಡನ ಹಾ(ಪಾ)ಡು ಮ್ಹಳ್ಳೆಂ ಕವನ್ ಜಾವ್ನಾಸಾ. ಹಾಂತು ಉಲ್ಲೇಖ್ ಕೆಲ್ಲೊ ಬಾಯ್ಲೆಚೊ ಪಾತ್ರ್ ಕೇವಲ್ ಕಾಲ್ಪನಿಕ್ ಶಿವಾಯ್, #ಮ್ಹಜೆಂ_ಬಾಯ್ಲ್_ತಶೆಂ_ಕೆದಿಂಚ್_ಮ್ಹಣಾನಾ . ....( ಕೇವಲ್ ವಿನೊದಖಾತಿರ್ ಮಾತ್ರ್)