ಸುರ್ಯಾಫುಲಾ......

ಸುರ್ಯಾಫುಲಾ......

ಚುಪಾಲಿಪಿ

ಖೆಳ್ಯಾಂ ಮ್ಹಣೊನ್

ದೊಳ್ಯಾಂಕ್ ಮ್ಹಜ್ಯಾ

ಕುಡ್ಕೊ ಬಾಂದೊನ್

ಲಿಪ್ತಾಂ ಮ್ಹಣ್ ಗೆಲ್ಲೆಂಯ್

ಚುಪಾಲಿಪಾ ಖೆಳ್ತಾಂ ಖೆಳ್ತಾಂ

ಮಾಯಾಕ್ ಚ್ ಜಾಲೆಂಯ್

ಹ್ಯಾ ಸೊಬಿತ್ ವೊಡ್ತಾಂತ್

ಖ್ಯೆಂಸರ್ ಮ್ಹಣೊನ್

ಹಾಂವ್ ಸೊದುಂ ತುಕಾ ‌‌‌‌..‌..

ಕೊಣಾಚ್ಯಾ ಕಾಳ್ಜಾಂತ್

ರಿಗ್ಲಾಂಯ್ ಮ್ಹಣ್ ತಿಳುಂ ತುಕಾ....

ಸುರ್ಯ್ಯಾಚ್ಯಾ ಉಜ್ವಾಡಾನ್

ಸಂಸಾರ್ ಸೊಬೊಂವ್ಕ್

ಆಶೆಲ್ಯಾ ಮ್ಹಾಕಾ

ಸುರ್ಯಾಕ್ ದೆಕ್ತಾಚ್

ಮುಸ್ಕಾರ್ ತುಜೆಂ

ಕಿತ್ಯಾಕ್ ಗುಂವ್ಡೆಯ್ತಾಯ್

ಹ್ಯಾ ಮೊಗಾ ವೊಡ್ತಾಂತ್

ಹೆವ್ಶಿನ್ ಮ್ಹಣಿ ಪಳೆಶಿಗಿ

ಎ ಸುರ್ಯಾ ಫುಲಾ.....

ತುಜ್ಯಾಖಾತಿರ್ ಚ್

ದೀಸ್ ರಾತ್ ರಾಕೊನ್

ಥಕೊನ್ ಗೆಲಾಂ....

ಎ ಸುರ್ಯಾಫುಲಾ

ಬಗ್ಲೆಕ್ ಮ್ಹಜ್ಯಾ ಅಸ್ಲ್ಯಾರಿ

ದೊಳ್ಯಾಂಕ್ ತುವೆಂ

ಬಾಂದ್ಲೆಲ್ಯಾ ತ್ಯಾ

ಕುಡ್ಕ್ಯಾಥಾವ್ನ್ ಸಗ್ಳ್ಯಾನಿ

ಅಂದ್ಕಾರ್ ಚ್ ಬರೊನ್ ಗೆಲಾ...

:- ಸುರೇಶ್ ಸಲ್ಡಾನ್ಹಾ, ಸಕಲೇಶ್ಪುರ