ಮೊಗಾ ವರ್ಣುಂ ಕಶೆಂ ಹಾಂವ್ ...????

ಮೊಗಾ ವರ್ಣುಂ ಕಶೆಂ ಹಾಂವ್ ...????

ತೆದ್ನಾಂ

ಪಯ್ಲ್ಯಾ ಪಾವ್ಸಾಕ್

ಬಿಜಾತ್

ಉಡ್ಕಾಣಾ ಗಾಲೊನ್

ಏಕಚ್ ಬೊಂಡ್ಯಾಚೆಂ

ಉದಾಕ್ ಪಿಯೇವ್ನ್

ಕಾಜುಚ್ಯಾ ಬಿಯೆಬರಿ

ಎಕಾಮೆಕಾಕ್ ಚಿಡ್ಕೊನ್

ಪಣ್ಶಾಚ್ಯಾ ಪಾಂಕಾಬರಿ

ಎಕಾಮೆಕಾಕ್ ಘಡ್ಸೊನ್

ವೊಂಠಾಕ್ ವೊಂಠ್

ಮೆಳೆಯ್ತಾನಾ

ಮೆಳೊನ್

ಆಸ್ಲೆಲಿ ತಿ ಮ್ಹಜಾ........

ಅತಾಂ

ತುಂ ಸಂಗಿ ನಾಸ್ತಾನಾ

ತುಜ್ಯಾಚ್ ಉಗ್ದಾಸಾನ್

ಅಮಲ್ ಜಾವೊನ್

ಲಕೊನ್ ಲಕೊನ್

ಗುಂಡಿಯೆಂತ್ ಪಡೊನ್

ಪಾಯ್ ಮೊಡೊನ್

ಅಸ್ಪತ್ಲೆಂತ್ ನರ್ಸಾನ್

ಸುವಿ ತೊಪ್ತಾನಾ

ಮೆಳೊನ್

ಆಸ್ಚಿ ಹಿ ಸಜಾ..........

✍ *ಸುರೇಶ್ ಸಲ್ಡಾನ್ಹಾ, ಸಕಲೇಶ್ಪುರ*

(ಕೇವಲ್ ವಿಡಂಬನಖಾತಿರ್ ಬರಯಿಲ್ಲೆಂ ಜಾವ್ನಾಸಾ

ಬರಯ್ಣಾರಾ ವಿಶಿಂ ಜಾಣಾ ಜಾ.

ಸುರೇಶ್ ಸಲ್ಡಾನ್ಹಾ, ಪ್ರಸ್ತುತ್ ಆಭುದಾಬಿಂತ್ ವಾವ್ರ್ ಕರ್ನ್ ಆಸ್ಚೊ ಗೂಂಡ್ ಚಿಂತ್ಪಾಚೊ ಕವಿ. ಮಾಂಯ್ ಗಾಂವಾಂತ್ ಸಕಲೇಶಪುರಾಚೊ. ಪಾಟ್ಲ್ಯಾ ವೀಸ್ ವರ್ಸಾಥಾವ್ನ್ ನವಿ ಮುಂಬಯಾತ್ಲ್ಯಾ ಪನ್ವೆಲಾಂತ್ ಆಪ್ಲ್ಯಾ ಕುಟ್ಮಾ ಸವೆಂ ವಸ್ತಿ ಕರ್ನ್ ಆಸಾ. ಹಾಚಿಂ ವಿಂಚ್ಣಾರ್ ಕವನಾಂ ಮಾಂಯ್ ಭಾಸ್.ಕೊಮ್, ಕೊಂಕ್ಣಿ ಲವ್, ಆಂಕ್ರಿ, ವೀಜ್ ಹಪ್ತ್ಯಾಳೆಂ ತಸಲ್ಯಾ ಜಾಳಿ ಜಾಗ್ಯಾನಿ೦ ಪರ್ಜಳ್ಳ್ಯಾಂತ್ ತರ್, ದಿವೊ, ಕುರೊವ್ ಆನಿಂ ಝೆಲೊ ತಸಲ್ಯಾ ಕೊಂಕ್ಣೆಚ್ಯಾ ಮಾಲ್ಘಡ್ಯಾ ಪತ್ರಾನಿಂ ಫಾಯ್ಸ್ ಜಾಲ್ಯಾಂತ್. ಕಾನಡಿ ಲಿಪಿಂತ್ ವರೆಗ್ ಕವನಾಂ ಬರಯ್ಲೆಲಿ ಹೊಗ್ಳಿಕ್ ಆನಿ ಕೀರ್ತ್ ಹಾಕಾ ಫಾವೊ. ಕೊಂಕಣಿಂತ್ ಆಯ್ಲೆವಾರ್ ಸರಾಗ್ ಬರೊಂವ್ಚ್ಯಾ ಕವಿ/ಲೇಖಕಾಂ ಪಯ್ಕಿ ಎಕ್ಲೊ ಜಾವ್ನಾಸಾ. ಫೇಸ್ ಬುಕ್, ಅಂತರ್ ಜಾಳಿ ಜಾಗೆ ಆನಿ ವಾಟ್ಸಾಪ್ ಪಂಗ್ಡಾಂನಿ ಪ್ರಸ್ತುತ್ ವಿಷಯಾಂ ವಯ್ರ್ ಬರಯ್ತಾ. ಕವಿತಾ ಕಾಮಾ ಶಾಳಾಂನಿ ಚುಕಾನಾಸ್ತಾಂ ಪಾತ್ರ್ ಕಾಣ್ಘೆತಾ. ಆಪುಟ್ ಕೊಂಕಣಿ ಮೊಗಿ ಜಾವ್ನಾಸಾ.

ಮೊಗಾ ವರ್ಣುಂ ಕಶೆಂ ಹಾಂವ್ ...????

0 comments:

Post a Comment

Translate

ಪಿರ್ಗಜೆಂತ್ಲ್ಯಾ ಖೆಳಾ ಪಂದ್ಯಾಂತ್ ವ್ಹೆಳಾ/