ನತಾಲಾಂ ಫೆಸ್ತಾಕ್ ತಯಾರಾಯ್ ಜಾವ್ನ್ ,

ನತಾಲಾಂ ಫೆಸ್ತಾಕ್ ತಯಾರಾಯ್ ಜಾವ್ನ್ ,

ಗರ್ದನಾಚೊ‌ ಗೊಟೊ ಕೆಲೊ,

ರಾಯಾಂಕ್ , ಗೊವ್ಳ್ಯಾಂಕ್ ,

ಶೆಳಿಯಾಂಕ್ ಹಾಡ್ನ್ ಅಯ್ಲೊಂ....

ಬಗರ್ ಹಾಂವೆ ಆಶೆಲ್ಲೊ

ಜೆಜು ಮ್ಹಾಕಾ ಮೆಳಾನಾ ಜಾಲೊ .....‌.

ನತಾಲಾಂ ಫೆಸ್ತ್ ಮ್ಹಣ್ತಾನಾ ...

ತಯಾರಾಯ್ ಕರ್ತಾಂವ್ ..

ಗರ್ದನಾಚೊ ಗೊಟೊ ಕರೊಂಕ್

ಸೊಬಿತ್ ಸೊಬಿತ್ ನೆಕೆತ್ರಾಂ ಕರೊಂಕ್

ವಿವಿದ್ ಥರಾಂಚಿ ಕುಸ್ವಾರ್ ಕರೊಂಕ್

ಮೊಲಾದಿಕ್ ವಸ್ತುರಾನಿಂ ಕುಡಿ ಸಜೊಂವ್ಕ್

ವೀಜ್ ದಿವ್ಯಾನಿ ಘರಾಂ ಸಜೊಂವ್ಕ್

ಪರ್ಗಾವಾಂ ಥಾವ್ನ್ ಮಾಂಯ್ ಗಾವಾಕ್

ಪಯಣ್ ಕರೊಂಕ್

ಮೊಲಾದಿಕ್ ಬರ್ಯ್ಯಾಂತ್ಲೊ ಬರೊ

ಸೊರೊ ದಾಸ್ತಾನ್ ಕರೊಂಕ್

ಪುಡ್ಪುಡಿತ್ ದುಕ್ರಾಚ್ಯಾ ಮಾಸಾಕ್

ಆಮಾನತ್ ಕರ್ನ್ ದರೊಂವ್ಕ್

ಬಗಾರ್ ......

ಆತ್ಮಿಕ್ ಥರಾನ್

ಆಮಿ ಸೊಮ್ಯಾಚ್ಯಾ ಯೆಣ್ಯಾಕ್

ತಯಾರಾಯ್ ಕರ್ತಾಂವ್ ಗಿ.....????

ಸೊಮ್ಯಾನ್ ಶಿಕಯಿಲ್ಯಾ

ವಾಟೆನ್ ಚಲ್ತಾಂವ್ ಗಿ......?????

ಸೊಮ್ಯಾಚ್ಯಾ ಉಜ್ವಾಡಾನ್

ಹೆರಾಂಚೆ ಅಂದ್ಕಾರ್ ದಾಂವ್ಡೆಂವ್ತಾಂವ್ ಗಿ....????

ತರ್ ..

ಅಜ್ ಚ್ ಆಮಿ ನಿಚೆವ್ ಕರ್ಯಾಂ

ಸೊಮ್ಯಾಕ್ ಗರ್ದನಾಚ್ಯಾ ಗೊಟ್ಯಾಂತ್ ನ್ಹಯ್

ಬಗಾರ್ ಆಮ್ಚ್ಯಾ ಕಾಳ್ಜಾಂತ್

ಆಮ್ಚ್ಯಾ ಮ್ಹನಾಂತ್ ,

ಆಮ್ಚ್ಯಾ ಘರಾಂತ್ ಜಲ್ಮೊಂವ್ಕ್

ಜಾಗೊ ತಯಾರ್ ಕರ್ನ್ ದವರ್ನ್

ಹ್ಯಾ ನತಾಲಾಂ ಫೆಸ್ತಾಕ್

ತಯಾರಾಯ್ ಕರ್ಯ್ಯಾಂ..

:- ಸುರೇಶ್ ಸಲ್ಡಾನ್ಹಾ, ಸಕಲೇಶ್ಪುರ.