ಕನ್ನಾಡಾಂಬೆ ವಯ್ರ್ ದೀಷ್ಟ್ ಪಡ್ಲಿ ಪಾವ್ಸಾಚಿ ......

ಕನ್ನಾಡಾಂಬೆ ವಯ್ರ್ ದೀಷ್ಟ್ ಪಡ್ಲಿ ಪಾವ್ಸಾಚಿ ......

ಆಗೋಸ್ತ್ ಮ್ಹಹಿನೊ ಉದೇವ್ನ್ ಆಯ್ಲೊ

ಸರ್ವಾಂಕಿ ಆಕಾಂತಾಂತ್ ಬುಡೊಂವ್ಕ್ ಲಾಗ್ಲೊ

ಸಗ್ಳಾನಿಂ ಪಾವ್ಶಾಚೊ ವಾಳೊ‌ ವಾಳ್ಳೊ

ಗಾವಾಂತ್ ಗಾಂವ್ ಉದ್ಕಾಂತ್ ಬುಡ್ಲೊ

ಹಾಯ್ ಹಾಯ್ ಕಿತೆಂ ಜಾಲೆಂ ಕರ್ನಾಟಕಾಕ್ ...???

ಕೊಣಾಚಿ ದೀಷ್ಟ್ ಪಡ್ಲಿ ಆಮ್ಚ್ಯಾ ಕನ್ನಡಾಂಬೆಕ್ ..???

ಹಪ್ತ್ಯಾ ಥಾವ್ನ್ ವೊತ್ಲೆಲ್ಯಾ ಪಾವ್ಸಾಕ್

ಕಾಳೊ ತಿಬೊ ಲಾಗ್ಲೊ ತಿಚ್ಯಾ ಸೊಭಾಯೆಕ್

ಪಾವ್ಸಾಖಾತಿರ್ ಸರ್ವಾನಿ ಮಾಗ್ಲೆಂ

ತೊಡ್ಯಾನಿಂ ಮಾಣ್ಕ್ಯಾಂಕ್ ಕಾಜಾರ್ ಸಯ್ತ್ ಕೆಲ್ಲೆಂ

ಸಂಸಾರಾರ್ ಅನೀತ್ಪಣ್, ಪೀತಿಸ್ಪೊಣ್ ವಾಡ್ಲೆಂ

ದೆವಾಚೆಂ ಮ್ಹನ್ ಹಾಕಾ ಲಾಗೊನ್ ಮೊಡ್ಲೆಂ

ಜಾತ್ - ಕಾತ್ ಮ್ಹಣ್ ಮಾಸಾ ರಗ್ತಾನ್ ನಾಲೆ

ಎಕಾಮೆಕಾಕ್ ದುರ್ಸೊನ್ ಉಲೆಯ್ಲೆ

ಅಧಿಕಾರಾಕಾತಿರ್ ಕಿತೆಂ‌ ಕಿತೆಂ ನಾಟಕ್ ಕೆಲೆಂ

ತಾಂಕಾ ಪಾತ್ಯೆಲ್ಲೆ ಲೋಕ್ ಅಜ್ ಅವ್ರಾಕ್ ಸಾಂಪಡ್ಲೆ

ದೆವಾನ್ ಮ್ಹನ್ಶಾಚ್ಯಾ ಮೆಂದ್ವಾಂತ್ ಜಾಣ್ವಾಯ್ ದಿಲಿ

ಜಾಣ್ವಾಯೆಕ್ ಲಾಗೊನ್ ಟೆಕ್ನಾಲೋಜಿ ವಾಡ್ಲಿ

ಟೆಕ್ನೊಲೋಜಿಕ್ ಲಾಗೊನ್ ದೆವಾಚೆರ್ ವಿಸರ್ ಪಡ್ಲಿ

ಅತಾಂ ದೆವಾಕ್ ಆಮ್ಚೆರ್ ವಿಸರ್ ಪಡ್ಲಿ

ಉಡಾಸ್ ಅಯ್ಲೊ ಮ್ಹಾಕಾ ಸೊದೊಮ್ ಆನಿ‌ ಗೊಮೊರಾಚೊ

ಆಬ್ರಹಾಮಾನ್ ದೆವಾಕಡೆ ಗಾಂವ್ ಉರೊಂವ್ಕ್ ಮಾಗ್ಚೊ ( ಉತ್ಪತಿ 18:20)

ಸ ದಿಸಾನಿಂ ಪ್ರಥ್ವಿ, ಆಕಾಶ್ ಆನಿ ಸರ್ವ್ ವಸ್ತು ರಚ್ಲೆಲ್ಯಾ ದೆವಾಕ್

ಎಕ್ ಚ್ ಘಡಿ ಪುರೊ ತೆಂ ವಿಬಡುನ್ ನಾಶ್ ಕರ್ಚ್ಯಾಕ್

ಅತಾಂ ಮ್ಹಣಿ ಆಮಿ‌ ಆಮ್ಚೆಂ ದೊಳೆ ಉಗಡ್ಯಾಂ

ರಚ್ಲೆಲ್ಯಾ ದೆವಾಕ್ ಆಮಿ‌ ಪಯ್ಲೊ ಮಾನ್ ದಿಂವ್ಯಾ

ಜಾತ್ ಕಾತ್ ರಾಗ್ ಮೊಸೊರ್ ಸಾಂಡೊನ್

ಹ್ಯಾ ಪಾವ್ಸಾದ್ವಾರಿಂ ನವೆಂ‌ ಲಿಸಾಂವ್ ಶಿಕ್ಯಾಂ

✍ ಸುರೇಶ್ ಸಲ್ಡಾನ್ಹಾ, ಸಕಲೇಶ್ಪುರ (ಪನ್ವೆಲ್)

( ನಕಲ್ ಕರ್ತಾತ್ ತರ್ ಮೂಳ್ ಲೇಖಕಾಚೆಂ ನಾಂವ್ ನಕಲ್ ಕರೊಂಕ್ ವಿಸ್ರನಾಕತ್ . ದೇವ್ ಬರೆಂ ಕರುಂ )