*ಪೊಲಿಟಿಕ್ಸ್ (ಪೊಲಿ+ಟಿಕ್ಸ್)*

*ಪೊಲಿಟಿಕ್ಸ್ (ಪೊಲಿ+ಟಿಕ್ಸ್)*

ಪೊಲಿಟಿಕ್ಸ್ , ಪೊಲಿಟಿಕ್ಸ್ , ಪೊಲಿಟಿಕ್ಸ್ 

ಸಗ್ಳಾನಿ ಬುಡೊನ್ ಗೆಲಾಂ ಪೊಲಿಟಿಕ್ಸ್ ,

ಪೊಲಿಟಿಕ್ಸ್ , ಪೊಲಿಟಿಕ್ಸ್ , ಪೊಲಿಟಿಕ್ಸ್ 

ಸಗ್ಳಾನಿ ರೊಂಬೊನ್‌ ಗೆಲಾ ಪೊಲಿಟಿಕ್ಸ್

ಸಂಸಾರ್ ಬರ್ ಕದೆಲಾಖಾತಿರ್ ಪೊಲಿಟಿಕ್ಸ್ 

ವಾವ್ರಾಕಡೆ ಹುದ್ದ್ಯಾಖಾತಿರ್ ಪೊಲಿಟಿಕ್ಸ್

ಕುಟ್ಮಾಬಿತರ್ ಆಸ್ತಿಖಾತಿರ್ ಪೊಲಿಟಿಕ್ಸ್

ರಸ್ತ್ಯಾದೆಗೆರ್ ಅಂಗ್ಡಿಖಾತಿರ್ ಪೊಲಿಟಿಕ್ಸ್

ಇಗರ್ಜೆ ವಠಾರಾರ್ ಪೊಲಿಟಿಕ್ಸ್ 

ಇಸ್ಕಾಲಾ ಮ್ಯೆದಾನಾರ್ ಪೊಲಿಟಿಕ್ಸ್ 

ಸಿನಿಮಾ ಘರಾಬಿತರ್ ಪೊಲಿಟಿಕ್ಸ್

ಉದ್ಯಾಮಿ ಕ್ಷೇತ್ರಾರ್ ಪೊಲಿಟಿಕ್ಸ್‌

ಪೊಲಿಟಿಕ್ಸ್ ಇಷ್ಟಾ ಎಕಾ ಉಬಿರಾಬರಿ

ರೊಂಬ್ಲೆಲೊ‌ ವಯ್ರ್ ಯೆಂವ್ಚೊನಾ

ಪೊಲಿಟಿಕ್ಸ್ ಗಲಿಜಾಂತ್ ಬುಡ್ಲೆಲ್ಯಾ ದುಕ್ರಾಬರಿ

ಕಿತ್ಲೆಂಯ್ ದುಲ್ಯಾರಿ ಘಾಣ್ ವೆಚಿನಾ

ಪೊಲಿಟಿಕ್ಸ್ ಇಷ್ಟಾ ಎಕಾ ವಾಳೆಯೆಬರಿ

ದಿಸಾಂದಿಸ್ ತಿ ತುಕಾ ಖಾಂತೆಯ್ತಾಲಿ

ಸಂತೊಸಾಚ್ಯಾ ಜಿಣ್ಯೆಕ್ ತುಜ್ಯಾ ದುಃಖಾಂತ್ ಬುಡೆಯ್ತೆಲಿ

ಜಿಣ್ ಬರ್ ತುಕಾ ತಿ‌ ಪೊಕೊಳ್ ಕರಿತ್ ಅಸ್ತೆಲಿ

ಇಷ್ಟಾ ಮ್ಹಜ್ಯಾ 

ಉತ್ರಾಂ ಮ್ಹಜಿ ಮನಾಂತ್ ದವರ್‌

ಪೊಲಿಟಿಕ್ಸಾವಿಣೆ ಜಿವಿತ್ ತುಜೆಂ ಸರ್ 

ಸರ್ವಾಂಕ್ ಸಂಗಿ‌ ಗೆವ್ನ್ ಚಲ್‌ ತಾಂಚ್ಯಾ ಬರಾಬರ್‌

ನಾ ತರ್ , ಪೇಟೆಕ್ ತುಜ್ಯಾ ಖಾಂದ್ ದೀಂವ್ಕ್ 

ಅಸ್ಚೆನಾಂತ್ ಕೋಣ್ಂಚ್ ತುಜ್ಯಾ ಲಾಗ್ಸಾರ್ ....

✍ *ಸುರೇಶ್ ಸಲ್ಡಾನ್ , ಪನ್ವೆಲ್*

(ನಕಲ್ ಕರ್ತಾನಾ ಬರೆಯ್ಣಾರಾಚೆಂ‌ ನಾಂವ್ ನಕಲ್ ಕರೊಂಕ್ ವಿಸ್ರನಾಕತ್)