ಪೋಲಿಟಿಕ್ಸ್ - ರಾಜಕಾರಣಿ

ಪೋಲಿಟಿಕ್ಸ್ - ರಾಜಕಾರಣಿ

ಏರ್ ಕಂಡಿಶನ್ ಕುಡಾನಿ ಬೊಸೊನ್

ಮೊವ್ ಕದೆಲಾರ್ ಕುಲೊ ತೆಂಕೊನ್

ತೊಂಡಾಕ್ ಅಯಿಲ್ಲೆಂ ಬೊಗೊಳೊನ್

ಅಸ್ತಾತ್ ಸಂಸಾರಾಚಿ ಶಾಂತಿ ಕದ್ಳೊನ್

ಪೆಸ್ತಾಚೆಂ ಜೆವಣ್ ಬೊಶಿಯೆಂತ್ ಗೆವ್ನ್,

ವಿದೇಶಿ ಬಾಟ್ಲೆಂತ್ಲೆಂ ನಾಕ್ ಬರ್ ಘೊಟೊನ್

ಸುಂದರ್ ನಾರಿಕ್ ಬಗ್ಲೆಕ್ ಗೆವೊನ್

ಆಸ್ತಾತ್ ಸುಶೆಗಾತ್ ನಿದೊನ್ ಪಡೊನ್

ಬೀಪ್ ಯಾ ದುಕೊರ್ ಕಾಯ್ನಾಕಾ ಮ್ಹುನೊನ್,

ಬೀಪ್ ಪ್ರಾಯ್, ಪೊರ್ಕ್ ಚಿಲ್ಲಿ, ಪ್ಲೇಟಿಂತ್ ಗೆವ್ನ್

ಸುಪ್ ಪಿಯೆವ್ನ್, ಬೊಕ್ರ್ಯಾಚಿ ಹಾಡಾ ಚಿವೊನ್

ಬಾಷಣ್ ದಿತಾತ್ ಅಪ್ಲೆಂ ಬಣಾತೆದೆಂ ಪೊಟ್ ಪೊಶೆವ್ನ್

ಬೆಕಾರ್ ಅಸುಲ್ಲೆಂ ತೊಡೆ ತಾಂಚೆ ಅಯ್ಕೊನ್,

ಮೊಡುಂ ಪಾತೊರ್, ತಲ್ವಾರಿ ಹಾತಾಂತ್ ಘೆವೊನ್ 

ಕೊಣಾ ಕೊಣಾಚ್ಯಾ ಮಾಂಡ್ಯಾಕ್ ಮಾರೊನ್,

ಅಸ್ತಾತ್ ಮಾರ್ಗಾರ್ ದಂಗೆ ಕರೊನ್

ದಂಗೆ ಸಂಪ್ತಾನಾ ಕಿತ್ಲಿಶಿಂ ಬಾಯ್ಲಾಂ ಜಾತತ್ ವಿದವ್

ಕಿತ್ಲೆಶೆ ಕುಟ್ಮಾ ಅಸ್ತಾತ್ ದು:ಖಾ ಕೊಡಾಂತ್ ಬುಡೊನ್ 

ದಂಗೆ ಉಬ್ಜಾಯಿಲ್ಲೊ ತಾಂಚ್ಯಾ ಘರಾನಿ ವ್ಹಚೊನ್,

ಪರತ್ ಚಳ್ವೆಯ್ತಾತ್ ತಾಂಕಾ ಸಿಸ್ರಿಚಿ ದು:ಖಾ ಕಾಡೊನ್,

ದೆವಾನ್ ರಚ್ತಾನಾ ಹೊ ಸಂಸಾರ್, 

ಕೆದಿಂಚ್ ಕರೊಂಕ್ ನಾ ಪರಕ್

ಕ್ರಿಸ್ತಾಂವ್, ಮುಸುಲ್ಮಾನ್, ಹಿಂದು, 

ಜೈನ್, ಬುದ್ ಯಾ ಸಿಖ್

ರಗ್ತಾಚೊ ರಂಗಾಂತ್, ಜೆಂವ್ಚ್ಯಾ ಜೆವ್ನಾಂತ್

ಯಾ ರಾಂವ್ಚ್ಯಾ ಘರಾನಿ ನಾ ಪರಕ್

ತರ್ ದರ್ಮಾಕ್ ಲಾಗೊನ್ ಇಷ್ಟಗತಿಕ್

ಕಿತ್ಯಾಕ್ ಕರ್ತಾತ್ ತುಮಿ ಬುರಾಕ್

ಬಾವನೊ ಜಾಗೆ ಅಮಿ ಜಾಂವ್ಯಾ

ಜಾತ್-ಕಾತ್ ಪಯ್ಸ್ ಕರೊನ್

ಪೊಲೆಟಿಕ್ಸಾಕ್ ಲಾತ್ ಮಾರೊನ್..

ಮಾಯಾ ಮೊಗನ್ ಅಮಿ ಜಿಯೆಂವ್ಯಾ

ಬರೆಯ್ಣಾರ್ : ಸುರೇಶ್ ಸಲ್ಡಾನ್ಹಾ, ಅಬುಧಾಬಿ.

(ಸೂಚನ್ : ಯೆ ಮ್ಹುಜೆಂ ಕವನ್ ಸ್ವ ಕಲ್ಪಿತ್ ಜಾವ್ನಾಸಾ. ಕಂಚ್ಯಾಯ್ ಸಮಾಜಿಕ್ ಪಾಡ್ತಿಕ್, ಯಾ ದರ್ಮಾಕ್, ಯಾ ರಾಜಕರಣಿಂಕ್ ಲಾಗು ಜಾಯ್ನಾ.)

Like