ಅಂತಸ್ತಾಚ್ಯಾ ಘೊಂಟೆರಾಥಾವ್ನ್ .......

ಅಂತಸ್ತಾಚ್ಯಾ ಘೊಂಟೆರಾಥಾವ್ನ್ .......

ಆಜಾಪಾನಿಂ ಸುರ್ವಾತ್ ಜಾಲಿ

ಆಮ್ಚಿ ಹಿ ಇಷ್ಟಾಗಾತ್

ಗುಸ್ಲಾ ಆತಾಂ ಆಮ್ಚೆ ಮದೆಗಾತ್ 

ದುಭ್ಳೊ- ಗ್ರೇಸ್ತ್ ಮ್ಹಳ್ಳೊ ಭುತ್ 

ತುಜ್ಯಾ ಕಾಲ್ಚ್ಯಾ ತ್ಯಾ ಉಗ್ಡಾಸಾಂತ್

ಕಾಳ್ಜಾಂತ್ ವಾಳ್ತಾತ್ ಲಾರಾಂ

ತುಜ್ಯಾ ತ್ಯಾ ಮದುರ್ ರುಪ್ಣ್ಯಾಂತ್

ಮ್ಹನಾಂತ್ ಪರ್ಜಳ್ತಾತ್ ತಾರಾಂ

ತುಜೆ ಸಂಗಿ ಕರ್ಚಿಲ್ಲ್ಯೊ ತ್ಯೊ ಮೊವಾಳ್ ಘಡಿಯೊ

ಸಾವ್ಳೆಬರಿ ಪರತ್ ಪರತ್ ಪಾಟ್ಲಾವ್ ಕರೊನ್ ಆಸಾತ್

ತುಜ್ಯಾ ಲಗ್ನಾಕ್ ಮ್ಹಣ್ ಹಾಡ್ಲೆಲ್ಲ್ಯೊ ತ್ಯೊ ರಸ್ಮಾ ಸಾಡಿಯೊ

ಅಜುನಿ ಅಲ್ಮಾರಿಂತ್ ಘಡಿಯೆಕ್ ವೆಂಗೊನ್ ಆಸಾತ್...

ತುಕಾ ಆನಿ ತುಜ್ಯಾ ಮದುರ್ ಯಾದಿಂಕ್ 

ವಿಸ್ರೊನ್ ಜಿಯೆಂವ್ಕ್ ಜಾಂವ್ಚೆನಾ ಕೆದಿಂಚ್

ದೊಳ್ಯಾನಿ ವಾಳ್ಚ್ಯಾ ತ್ಯಾ ದು:ಖಾಂ ಝರಿಂಕ್

ಕಾಟ್ ಭಾಂದೊಂಕ್ ಜಾಂವ್ಚೆನಾ ಕೊಣಾಚ್ಯಾನ್ಂಚ್

ಮ್ಹನಾಂತ್ಲ್ಯಾ ತ್ಯಾ ಉತ್ರಾಂಕ್ ಮಾಣ್ವೊನ್

ದೊಳ್ಯಾಂಚ್ಯಾ ನಜ್ರೆಕ್ ತೆ ದೊಳೆ ಮೆಳೊವ್ನ್

ಅಂತಸ್ತ್ ಮ್ಹಳ್ಯಾ ಘೊಂಟೆರಾಥಾವ್ನ್ ಬಾಯ್ರ್ ಯೇವ್ನ್

ಮೊಳ್ಬಾರ್ ಉಬ್ಯಾಂ ಆಮಿ ಪಾಕಾಟೆ ಪುಲೊವ್ನ್

ಮನಾಂತ್ ಉಬ್ಜೊಂವ್ಚ್ಯಾ ಹಜಾರ್ ಸ್ವಪ್ಣಾಂಕ್

ಪಾತ್ರಾ ದೊರೊ ಪುಣಿ ಬಾಂದಿಯೆತ್.....

ಕಾಳ್ಜಾಂತ್ ವಾಳ್ಚ್ಯಾ ಮೊಗಾ ಉಶ್ವಾಸಾಕ್

ಸಾಂಗ್ ಕಸಲೊ ದೊರೊ ಬಾಂದಿಯೆತ್ ...??

ರಾಕಾತ್ ತುಕಾ ಆಸಾಂ ತ್ಯಾಚ್ ರುಕಾ ಮುಳಾಂತ್

ಖ್ಯೆಂಸರ್ ಆಮಿ ಭೆಟ್ಲೆಲ್ಯಾಂವ್ ಪಯ್ಲ್ಯಾ ನಜ್ರೆಂತ್

ಜತನ್ ತುಜೊ ಘೆತೊಲೊಂ ದುದಾ - ಮೊವಾಂತ್

ದಾಂವೊನ್ ಯೇವ್ನ್ ಘೆ ಗೊ ಮಾಕಾ ತುಜ್ಯಾ ವೆಂಗೆಂತ್..

: - ಸುರೇಶ್ ಸಲ್ಡಾನ್, ಸಕಲೇಶ್ಪುರ್