ಕಳಿತ್ ಜಾಲೆಂ ನಾ ....

ಕಳಿತ್ ಜಾಲೆಂ ನಾ .... 

ಚೊಯ್ತಾಂ ಚೊಯ್ತಾಂ ತುಜೆರ್ ಮೋಗ್ ಜಾಲೊ ಗೊ

ವೆಂಗ್ತಾಂ ವೆಂಗ್ತಾಂ ತುಜೆರ್ ಮ್ಹನ್ ಜಾಲೆಂ ಗೊ

ಮ್ಹಜ್ಯಾ ಕಾಳ್ಜಾಚಿ ರಾಣಿ ತುಂಚ್ ಜಾ ಗೊ....

ಹಾಲೊನ್ ದಲೊನ್ ಚಿತ್ಳಾ ಸಾರ್ಕೆಂ ತುಂ ಚಲ್ತಾನಾ

ಲಾಂಬ್ ಕೇಸ್ ತುಜೆ ವಾರ್ಯ್ಯಾರ್ ಉಬ್ತಾನಾ

ಮ್ಹನ್ ತುಜೆಶಿಂ ಕಶೆಂ ಮಾಲ್ವಾಲೆಂ ಕಳಿತ್  ಜಾಲೆಂ ನಾ

ತಾಂಬ್ಶೆ ತಾಂಬ್ಶೆ ವೊಂಟ್ ತುಜೆ ಚೊಯ್ತಾನಾ

ಗಾಲಾರ್ ತುಜ್ಯಾ ಡಿಂಪಲ್ ದೆಕ್ತಾನಾ

ಕಾಳಿಜ್ ಕೆದ್ನಾಂ ಸೊರ್ಲೆಂಯ್ ಮ್ಹಳ್ಳೆಂ ಕಳಿತ್  ಜಾಲೆಂ ನಾ

ಪಾಚ್ವ್ಯಾ ತುಜ್ಯಾ ದೊಳ್ಯಾಂಕ್ ದೊಳೆ ಬೆಟ್ತಾನಾ

ದಾಂಳ್ಬ್ಯಾ ಸಾರ್ಕ್ಯಾ ದಾಂತಾನಿಂ ಹಾಸೊ ದಿತಾನಾ

ತುಜೆಶಿಂ ಮ್ಹಾಕಾ ಕೆದ್ನಾಂ ವೊಡ್ಲೆಂಯ್ ಕಳಿತ್  ಜಾಲೆಂ ನಾ

ಮೇಕಪ್ ನಾತ್ಲೆಂ ತುಜೆಂ ರುಪ್ಣೆಂ ಚೊಯ್ತಾನಾ

ವೆಂಗೊನ್ ತುಂವೆ ಮ್ಹಾಕಾ ಕೀಸ್ ದಿತಾನಾ

ತುಜ್ಯಾ ಜಾಲಾಂತ್ ಕೆದ್ನಾಂ ಶಿರ್ಕಾಲೊ ಕಳಿತ್  ಜಾಲೆಂ ನಾ

ಚೊಯ್ತಾಂ ಚೊಯ್ತಾಂ ತುಜೆರ್ ಮೋಗ್ ಜಾಲೊ ಗೊ

ವೆಂಗ್ತಾಂ ವೆಂಗ್ತಾಂ ತುಜೆರ್ ಮ್ಹನ್ ಜಾಲೆಂ ಗೊ

ಘರ್ಚ್ಯಾಂಕ್ ಆಮಿ ಸಾಂಗ್ಯಾ, 

ಜಾಲಾಂತ್ ಮಾಟೊವ್ ಗಾಲ್ಯಾಂ

ವೆಂಗಿಂಚ್ ಆಮಿ ಲಗಿನ್ ಜಾವ್ನ್ ಏಕ್ ಜಾವ್ಯಾಂ...

:- ಸುರೇಶ್ ಸಲ್ಡಾನ್ಹಾ, ಸಕಲೇಶ್ಪುರ್ (ಪನ್ವೆಲ್)