ಮ್ಹಜ್ಯಾ ಮಾಂಯ್ಚೊ ಪಾಲೊಂವ್

 ಮ್ಹಜ್ಯಾ ಮಾಂಯ್ಚೊ ಪಾಲೊಂವ್

ರಡೊನ್ ರಡೊನ್ ದೊಳ್ಯಾಂತ್ ದು:ಖಾಂ ದೆಂವ್ತಾನಾ

ಶೆಳ್ ಜಾವ್ನ್ ನಾಕಾಥಾವ್ನ್ ಉದಾಕ್ ದೆಂವ್ತಾನಾ

ಮಾಂಯ್ ಆಪ್ಲ್ಯಾ ಪಾಲ್ವಾಂತ್ ತೆಂ ಪುಸೊನ್

ಗಾಲಾಕ್ ಎಕ್ ಮೊಗಾಚೊ ಕಿಸ್ ದಿತಾಲಿ.....

ರಾಂದ್ಣಿರ್ ದುದ್ ವೊತೊಂಕ್ ಲಾಗ್ತಾನಾ

ಯಾ ಸಿತ್ ಕತ್ಕತೊಂಕ್ ಲಾಗ್ತಾನಾ

ಪಾಲ್ವಾಕ್ ಬಾಣ್ಶಿರೆಂ ಕರೊನ್

ರಾಂದ್ಣಿ ವಯ್ಲೆಂ ಸಕ್ಲಾ ದೆವೆಯ್ತಾಲಿ

ನಿದೆಂತ್ ಪಿಕ್ಲೆಲ್ಯಾ ಆಮ್ಕಾಂ

ಉಸ್ಕ್ಯಾರ್ ಆಪ್ಲ್ಯಾ ನಿದೊವ್ನ್

ಆಪ್ಲ್ಯಾ ಪಾಲ್ವಾಕ್ ವೊಲ್ ಕರೊನ್ 

ಆಮ್ಕಾಂ ಪಾಂಗೊರ್ತಾಲಿ

ಘರಾಂತ್ ಸ್ಯೆರಿಂ ಯ್ಯಾ ಕೊಣಿ ಆಯ್ಲ್ಯಾರ್

ಬಿಯಾನ್ ಅನಿ ಲಜೆನ್ 

ಮಾಂಯ್ಚ್ಯಾ ಪಾಲ್ವಾ ಪಾಟ್ಲ್ಯಾನ್ ಲಿಪೊನ್

ತೀಳ್ಣ್ ತೀಳ್ಣ್ ಪಳೆತೆಲ್ಯಾಂವ್

ಸಾಂತೆಕ್ ಗೆಲ್ಯಾ ತವಳ್ ಜಣಾಂಚ್ಯಾ 

ಮದೆಂ ಖ್ಯೆಂ ಪುಣಿ ಚುಕ್ತಾಂವ್ ಮ್ಹಳ್ಯಾ ಬಿಯಾನ್

ಮಾಂಯ್ಚ್ಯಾ ಪಾಲ್ವಾಕ್ ದರೊನ್

ಮಾಂಯ್ಚ್ಯಾ ಪಾಟ್ಲ್ಯಾನ್ ವೆತೆಲ್ಯಾಂವ್

ಹಿವೆಚ್ಯಾ ದಿಸಾನಿಂ 

ವೊಲಿಖಾತಿರ್ ಜಗ್ದಾತಾನಾ

ಪಾಲ್ವಾಂತ್ ಪೊಟ್ಲೊನ್ ದರೊನ್

ಆಮ್ಕಾಂ ಭುಜಾಯ್ತಾಲಿ

ಪಾವ್ಶಿಲ್ಯಾ ದಿಸಾನಿಂ

ಛತ್ರಿ ನಾಸ್ತಾನಾ ಪಾವ್ಶಾಕ್ ಬಿಜ್ತಾನಾ

ಮಾಂಯ್ ಪಾಲೊಂವ್ ಆಮ್ಕಾಂ ಛತ್ರಿ ಕರೊನ್

ಮಾತ್ಯಾಕ್ ಅಮ್ಚ್ಯಾ ರೆವ್ಡಯ್ರ್ತಾಲಿ.

ಗಿಮೆಚ್ಯಾ ದಿಸಾನಿಂ

ವೊತಾಚ್ಯಾ ದಾವೆಕ್ ಕರ್ಪತಾನಾ

ಮಾಂಯ್ ಪಾಲೊಂವ್ ಗುಟ್ಲಾಯ್ತಾನಾ

ದಾವೆ ಥಾವ್ನ್ ಆಮ್ಕಾಂ ಸುಟ್ಕಾ ಮೆಳ್ತಾಲಿ

ಮಾಂಯ್ಚೆ ತೆಂ ಕಾಪಾಡ್

ಉಂಬ್ಳೊನ್ ಸುಕಾತ್ ಗಾಲ್ಯಾ ವಗ್ತಾ

ಆಮಿ ತಾಂತು ಚುಪಾ-ಲಿಪಿ ಖೆಳೊನ್

ಲಿಪೊನ್ ಬಸ್ತೆಲ್ಯಾಂವ್

ಬಜಾರಾ ಥಾವ್ನ್ ರಾಂದ್ವಯ್ ಹಾಡೊಂವ್ಕ್

ಪೊಡ್ಲೆಲೆ ಆಂಬೆ ವಿಂಚೊನ್ ಹಾಡೊಂವ್ಕ್

ಬಾಬಾಚೆ ಪಯ್ಶೆ ವೊಂತಿಯೆಂತ್ ಲಿಪೊಂವ್ಕ್

ಮಾಂಯ್ ಆಪ್ಲೊ ಪಾಲೊಂವ್ ವಾಪಾರ್ತಾಲಿ

ಮಾಂಯ್ಚೊ ತೊ ಪಾಲೊಂವ್ ಚಿಂತಾನಾ

ಉಗ್ದಾಸ್ ಪಾಲೆವ್ಣ್ ಯೆತಾ ತೊ ಆದ್ಲೊ

ಅತಾಂಚಿ ಅವಯೊ ನೆಸ್ತಾತ್ ವ್ಹಡ್ ಜಾಯ್ತ್ ದಗ್ಲೊ

ಆತಾಂಚ್ಯಾ ಬುರ್ಗ್ಯಾಂಕ್ ಪಾಲೊಂವ್ ಇತಿಹಾಸ್ ಜಾಂವ್ಕ್ ಪಾವ್ಲೊ.

ಕೊಂಕ್ಣೆಕ್:- ಸುರೇಶ್ ಸಲ್ದಾನ್ಹಾ ,

ಪನ್ವೆಲ್, ಸಕ್ಲೇಶ್ಪುರ್.

(ಮೂಲ್ ;- ಇಂಗ್ಲೀಷ್ ವಾಟ್ಸಾಪ್.)

ಮ್ಹಜ್ಯಾ ಮಾಂಯ್ಚೊ ಪಾಲೊಂವ್

ಕಳಿತ್ ಮಾಕಾ ನಾಂ, ಆತಾಂಚ್ಯಾ ಬುರ್ಗ್ಯಾಂಕ್ ಆವಯ್ಚ್ಯಾ ಪಾಲ್ವಾ ವಿಶ್ಯಾಂತ್ ಮಾಹೆತ್ ಆಸಾ ಹ್ಯಾ ನಾಂ ಮ್ಹಣ್, ಕಿತ್ಯಾಕ್ ಗಿ ಮ್ಹಳ್ಯಾರ್ ಸದಾವತ್ ಅತಾಂಚ್ಯೊ ಅವಯೊ ಪೇಸ್ತಾ ಪರ್ಬೆಕ್ ಯ್ಯಾ ಕಾಜಾರ್-ಸೊಬಾಣಾಂಕ್ ಕಾಪಾಡ್ ನ್ಹೆಸೊನ್ ಪಾಲ್ವಾಕ್ ಲಾಂಬ್ ಎಕ್ ಪಿನ್ನ್ ಮಾರ್ನ್ ಪಡನಾತ್ಲ್ಯಾಬರಿ ಸಾಂಬಾಳ್ತಾತ್. ಆನಿ ಬುರ್ಗ್ಯಾನಿ ಚುಕೊನ್ ಪುಣಿ ಪಾಲ್ವಾಕ್ ಹಾತ್ ಲಾಯ್ಲ್ಯಾರ್ ಖ್ಯೆಂ ಪುಣಿ ಪಾಲೊಂವ್ ಪಡಾತ್ ಮ್ಹಳ್ಯಾ ಬಿಯಾನ್ ಅಪ್ದೊಂವ್ಕ್ ಸೊಡಿನಾತ್.

ಮ್ಹಜ್ಯಾ ಬುರ್ಗ್ಯಾಪಣಾರ್ ಆವಯ್ಚ್ಯಾ ಪಾಲ್ವಾಂತ್ ಕರ್ಚಿಲ್ಲ್ಯೊ ತ್ಯೊ ಘಡಿಯೊ , ತೊ ಮದುರ್ ಉಗ್ದಾಸ್ ಕೆದಿಂಕ್ಚ್ ವಿಸ್ರೊಂಕ್ ಜಾಂವ್ಚೆನಾಂತ್.

: ಸುರೇಶ್ ಸಲ್ದಾನ್ಹಾ, ಪನ್ವೆಲ್