ಆಶೆವ್ನ್ ಹಾಂವ್ ಆಯ್ಲೊಂಗೊ

ಆಶೆವ್ನ್ ಹಾಂವ್ ಆಯ್ಲೊಂಗೊ

ಕಾಳ್ಜಾದಾರಾರ್ ತುಜ್ಯಾ ...

ದಿತೆಲೆಂಯ್ ಮ್ಹಣ್ ಮಾಕಾ ರೀಗ್

ಕಳಿತ್ ನಾ ಮಾಕಾ

ಕಿತ್ಯಾಕ್ ಗೊ ತುಕಾ ಮ್ಹಜೆರ್ ಇತ್ಲೊ ರಾಗ್ ??????

ಮೊಗಾಚಿ ಚಾವಿ ದೀವ್ನ್

ದಾರ್ ಉಗಡ್ತಾಯ್ ಮ್ಹಣ್ ಆಶೆಲ್ಯಾ ಮಾಕಾ

ದಿಸೊನ್ ಯೇವ್ನ್ ಆಸಾ ವ್ಹಡ್ ಜಾಯ್ತ್ ಬೀಗ್

ಮೊಗಾನ್ ಎಕ್ಪಾವ್ತಿಂ ಅಪಯ್ಶಿ ತರ್ ಮ್ಹಜೆಂ ನಾಂವ್

ಉಟಾಉಟಿಂ ದಾಂವೊನ್ ಯೆತೊಲೊಂ ಹಾಂವ್

ತುಜೆಥಂಯ್ ಅಸಾತ್ ಗೊ ಭರ್ಪುರ್ ಬರೆಂ ಗುಣ್

ವಿಸರ್ ಗೊ ಆಮ್ಚೆಂ ಮ್ಹದ್ಲೆ ಸರ್ವ್ ಅವ್ಗುಣ್

ಮಾಕಾ ಅಜುನಿ ಅಸಾ ತುಜೆರ್ ಭರ್ವೊಸೊ

ಪರ್ವಣ್ಗಿ ದಿತೆಲೆಂಯ್ ಮ್ಹಣ್ ಚಲೊಂವ್ಕ್ ಮೊಗಾ ಮಚೊ

ಜಿವಿತಾಂತ್ಲ್ಯಾ ಹ್ಯಾ ಕಾಣಿಯೆಕ್ ಅಮಿಂಚ್ ಕಲಾಕರ್

ಕರ್ಚೊನಾ ಕೆದಿಂಚೆ ತುಜೆರ್ ಮೊಗಾಚೊ ಬಲತ್ಕಾರ್

ಚಿಂತೊನ್ ಅಸಾಂ ಮ್ಹನ್ ತುಜೆ ತುಂ ಬದ್ಲಿತೆಲೆಂಯ್

ಪಳೆವ್ನ್ ಮ್ಹಜೆಥಂಯ್ ಆಸ್ಚೆ ಬರೆಂ ಗುಣ್

ಮೊಗಾಚ್ಯಾ ಸಾವಿಯೆಂತ್ ಕಾಳ್ಜಾದಾರ್ ಉಗಡ್ತೆಲೆಂಯ್

ಜಿವಿತ್ ಚಲೊಂವ್ಕ್ ಜಾವ್ನ್ ಪಾವ್ಶಾ ದೊಣ್...

:- ಸುರೇಶ್ ಸಲ್ಡಾನ್ಹಾ, ಸಕಲೇಶ್ಪುರ.

ಬರಯ್ಣಾರಾ ವಿಶಿಂ ಜಾಣಾ ಜಾ.

ಸುರೇಶ್ ಸಲ್ಡಾನ್ಹಾ, ಪ್ರಸ್ತುತ್ ಆಭುದಾಬಿಂತ್ ವಾವ್ರ್ ಕರ್ನ್ ಆಸ್ಚೊ ಗೂಂಡ್ ಚಿಂತ್ಪಾಚೊ ಕವಿ. ಮಾಂಯ್ ಗಾಂವಾಂತ್ ಸಕಲೇಶಪುರಾಚೊ. ಪಾಟ್ಲ್ಯಾ ವೀಸ್ ವರ್ಸಾಥಾವ್ನ್ ನವಿ ಮುಂಬಯಾತ್ಲ್ಯಾ ಪನ್ವೆಲಾಂತ್ ಆಪ್ಲ್ಯಾ ಕುಟ್ಮಾ ಸವೆಂ ವಸ್ತಿ ಕರ್ನ್ ಆಸಾ. ಹಾಚಿಂ ವಿಂಚ್ಣಾರ್ ಕವನಾಂ ಮಾಂಯ್ ಭಾಸ್.ಕೊಮ್, ಕೊಂಕ್ಣಿ ಲವ್, ಆಂಕ್ರಿ, ವೀಜ್ ಹಪ್ತ್ಯಾಳೆಂ ತಸಲ್ಯಾ ಜಾಳಿ ಜಾಗ್ಯಾನಿ೦ ಪರ್ಜಳ್ಳ್ಯಾಂತ್ ತರ್, ದಿವೊ, ಕುರೊವ್ ಆನಿಂ ಝೆಲೊ ತಸಲ್ಯಾ ಕೊಂಕ್ಣೆಚ್ಯಾ ಮಾಲ್ಘಡ್ಯಾ ಪತ್ರಾನಿಂ ಫಾಯ್ಸ್ ಜಾಲ್ಯಾಂತ್. ಕಾನಡಿ ಲಿಪಿಂತ್ ವರೆಗ್ ಕವನಾಂ ಬರಯ್ಲೆಲಿ ಹೊಗ್ಳಿಕ್ ಆನಿ ಕೀರ್ತ್ ಹಾಕಾ ಫಾವೊ. ಕೊಂಕಣಿಂತ್ ಆಯ್ಲೆವಾರ್ ಸರಾಗ್ ಬರೊಂವ್ಚ್ಯಾ ಕವಿ/ಲೇಖಕಾಂ ಪಯ್ಕಿ ಎಕ್ಲೊ ಜಾವ್ನಾಸಾ. ಫೇಸ್ ಬುಕ್, ಅಂತರ್ ಜಾಳಿ ಜಾಗೆ ಆನಿ ವಾಟ್ಸಾಪ್ ಪಂಗ್ಡಾಂನಿ ಪ್ರಸ್ತುತ್ ವಿಷಯಾಂ ವಯ್ರ್ ಬರಯ್ತಾ. ಕವಿತಾ ಕಾಮಾ ಶಾಳಾಂನಿ ಚುಕಾನಾಸ್ತಾಂ ಪಾತ್ರ್ ಕಾಣ್ಘೆತಾ. ಆಪುಟ್ ಕೊಂಕಣಿ ಮೊಗಿ ಜಾವ್ನಾಸಾ.

ಆಶೆವ್ನ್ ಹಾಂವ್ ಆಯ್ಲೊಂಗೊ

0 comments:

Post a Comment

Translate

ಪಿರ್ಗಜೆಂತ್ಲ್ಯಾ ಖೆಳಾ ಪಂದ್ಯಾಂತ್ ವ್ಹೆಳಾ/