ಹಾಂವ್ ಪಾತ್ಯೆಂವ್ ತರಿ ಕಶೆಂ.....

ಹಾಂವ್ ಪಾತ್ಯೆಂವ್ ತರಿ ಕಶೆಂ.....

ಮೊಗಾಚೊ ಖೆಳ್ ಖೆಳೊನ್
ಅತಾಂ ಪಯ್ಶ್ ರಾವೊನ್
ತಮಾಷೆ ಪಳೆಂವ್ಚ್ಯಾ ತುಕಾ
ಹಾಂವ್ ಪಾತ್ಯೆಂವ್ ತರಿ ಕಶೆಂ.....????

ಜೊಪ್ಲೆಲ್ಯಾ ಮ್ಹಜ್ಯಾ ಚಿಂತ್ಪಾಂಕ್
ಜಾಗೆಂ ಕರೊನ್, ಗೊಡ್ಶಿ ಸ್ವಪ್ಣಾಂ ದಾಕೊವ್ನ್
ಆತಾಂ ತಾಚೆರ್ ಥಂಡ್ ಉದಾಕ್ ವೊತ್ಲೆಲ್ಯಾ ತುಕಾ
ಹಾಂವ್ ಪಾತ್ಯೆಂವ್ ತರಿ ಕಶೆಂ.....??????

ಹಾಂವ್ ನಾಕಾ ಮ್ಹಣ್ತಾನಾಂಯ್
ಮೊಗಾಚೆಂ ಬಿಂ ವೊಂಪೊನ್
ಕಿರ್ಲೊಂಚ್ಯಾ ಪುಡೆಂಚ್ ಪಿಸ್ವೊವ್ನ್ ಉಡಯಿಲ್ಯಾ ತುಕಾ
ಹಾಂವ್ ಪಾತ್ಯೆಂವ್ ತರಿ ಕಶೆಂ.....????????

ತುಜ್ಯಾ ದು:ಖಾಚ್ಯಾ ಕಾಣಿಯೆಂತ್
ಮ್ಹನ್ ಮ್ಹಜೆಂ ತುಜೆಶಿಂ ವೊಡೊನ್
ಆತಾಂ ಮಾಕಾ ಬ್ಲೊಕ್ ಕರ್ನ್ , ಕುಶೆನ್ ಆಸ್ಚ್ಯಾ ತುಕಾ
ಹಾಂವ್ ಪಾತ್ಯೆಂವ್ ತರಿ ಕಶೆಂ.......??????????

ಪರತ್ ತುಂ ಆಯ್ಲೆಂ ತರಿ ಮ್ಹಜ್ಯಾ ಜಿವಿತಾಂತ್
ಕೆದಿಂಚ್ ದಿಂವ್ಚೊನಾ ತುಕಾ ಮೊಗಾ ಸಾಂಗಾತ್
ಕಿತ್ಯಾಕ್ ಎಕ್ ಪಾವ್ಟಿಂ ಬ್ಲೊಕ್ ಕರ್ನ್ ಗೆಲ್ಯಾ ತುಕಾ , ಖರೆಂಚ್ ಸಾಂಗ್
ಹಾಂವ್ ಪಾತ್ಯೆಂವ್ ತರಿ ಕಶೆಂ........ ????????????????????.

:- ಸುರೇಶ್ ಸಲ್ದಾನ್ಹಾ, ಸಕಲೇಶ್ಪುರ....

(ಸೂಚನ್ : ಹೆಂ ಕವನ್ ಕವಿಚೆಂ ಕಾಲ್ಪಣಿಕ್ ಜಾವ್ನಾಸಾ, ಕೊಣಾಯ್ಕಿ ಯಾ ಕೊಣಾಯ್ಚ್ಯಾ ಭಾವಾನಾಂಕ್ ಅನ್ವಯ್ ಜಾಂವ್ಚೆನಾಂ. ಅಜ್ ಕಾಲ್ ತೊಂಡಾ ಭುಕಾರ್ ಇಷ್ಟಾಗಾತ್ ಜಾವ್ನ್, ಮೆಸೆಜ್ಯಾಂಚೊ ವಾಳೊ ವಾಳೊನ್, ಆನಿ ತೊಡ್ಯಾಚ್ ದಿಸಾಂ ಬಿತರ್ ವೆಗ್ಳಾಚಾರ್ ಜಾವ್ನ್, ದೊಗಾಂ ಮದ್ಲ್ಯಾ ಎಕ್ಲ್ಯಾನ್ ನಪಂಯ್ಚ್ ಜಾಂವ್ಚೆಂ, ಯ್ಯಾ ಎಕಾಮೆಕಾಕ್ ಬ್ಲೊಕ್ ಕರ್ನ್ ರಾಂವ್ಚೆಂ ಸಹಜ್ ಜಾವ್ನಾಸಾ. ತ್ಯಾಚ್ ಸಂಗ್ತೆಚೆರ್ ಹಿ ಮ್ಹಜೆಂ ಕವನ್ ಆದಾರಿತ್ ಜಾವ್ನಾಸಾ.)