ಜಿಯೆಂವ್ಚ್ಯಾಕ್ ಅರ್ಥ್ ಜಾಯ್

ಜಿಯೆಂವ್ಚ್ಯಾಕ್ ಅರ್ಥ್ ಜಾಯ್

ರಾಗ್ ಮ್ಹಳ್ಯಾ ದೊವಾಕ್

ಹಾಸೊ ಮ್ಹಳ್ಳೆ ಉಜೊ ಜಾಯ್

ಕರ್ಗೊನ್ ವೆಚ್ಯಾಕ್.....

ದ್ವೆಷ್ ಮ್ಹಳ್ಯಾ ಮಿಟಾಕ್

ಇಷ್ಟ್ , ಮ್ಹಳ್ಳೆ ಉದಾಕ್ ಜಾಯ್

ಬರ್ಶೊನ್ ವೆಚ್ಯಾಕ್

ಜಿವಿತ್ ಮ್ಹಳ್ಯಾ ಪುಲಾಕ್

ಪಯ್ಶೆ ಮ್ಹಳ್ಳೊ ಸುರ್ಯೊ ಜಾಯ್

ಪುಲೊನ್ ಯೆಂವ್ಚ್ಯಾಕ್

ಆಶಾ ಮ್ಹಳ್ಯಾ ನಂಯ್ಕ್ಂ

ತಡ್ ಮ್ಹಳ್ಳಿ ಮೀತ್ ಜಾಯ್

ತಡ್ವೊನ್ ರಾಂವ್ಚ್ಯಾಕ್

ಇಷ್ಟಾಗಾತ್ ಮ್ಹಳ್ಯಾ ಪದಾಕ್

ಮೋಗ್ ಮ್ಹಳ್ಳೊ ತಾಳ್ ಜಾಯ್

ಸಂತೊಸನ್ ಬರ್ಚ್ಯಾಕ್

ಕುಡ್ ಮ್ಹಳ್ಯಾ ದೇಶಕ್

ಉಶ್ವಾಶ್ ಮ್ಹಳ್ಳೊ ಏಕ್ವೊಟ್ ಜಾಯ್

ಸಾಂಗಾತಾ ಜಿಯೆಂವ್ಚ್ಯಾಕ್

ಶೆಂಪಿ ಮ್ಹಳ್ಯಾ ತೊಂಡಾಕ್

ಮೊತಿಂಯಾ ಸಾರ್ಕೆ ಹಾಸೊ ಜಾಯ್

ಸದಾಂಚ್ ಪರ್ಜಳುನ್ ಆಸ್ಚ್ಯಾಕ್.

ಆಂದ್ಕಾರಾಯೆನ್ ಭರುಲ್ಯಾ ಮೊತಿಕ್

ಚಂದ್ರಸಾರ್ಕೊ ತುಜೊ ಉಜ್ವಾಡ್ ಜಾಯ್

ಎಕ್ಸುರ್ಪಣ್ ಪಯ್ಶ್ ಕರ್ಚ್ಯಾಕ್

:- ಸುರೇಶ್ ಸಲ್ದಾನ್ಹಾ, ಸಕಲೇಶ್ಪುರ.

ಬರಯ್ಣಾರಾ ವಿಶಿಂ ಜಾಣಾ ಜಾ.

ಸುರೇಶ್ ಸಲ್ಡಾನ್ಹಾ, ಪ್ರಸ್ತುತ್ ಆಭುದಾಬಿಂತ್ ವಾವ್ರ್ ಕರ್ನ್ ಆಸ್ಚೊ ಗೂಂಡ್ ಚಿಂತ್ಪಾಚೊ ಕವಿ. ಮಾಂಯ್ ಗಾಂವಾಂತ್ ಸಕಲೇಶಪುರಾಚೊ. ಪಾಟ್ಲ್ಯಾ ವೀಸ್ ವರ್ಸಾಥಾವ್ನ್ ನವಿ ಮುಂಬಯಾತ್ಲ್ಯಾ ಪನ್ವೆಲಾಂತ್ ಆಪ್ಲ್ಯಾ ಕುಟ್ಮಾ ಸವೆಂ ವಸ್ತಿ ಕರ್ನ್ ಆಸಾ. ಹಾಚಿಂ ವಿಂಚ್ಣಾರ್ ಕವನಾಂ ಮಾಂಯ್ ಭಾಸ್.ಕೊಮ್, ಕೊಂಕ್ಣಿ ಲವ್, ಆಂಕ್ರಿ, ವೀಜ್ ಹಪ್ತ್ಯಾಳೆಂ ತಸಲ್ಯಾ ಜಾಳಿ ಜಾಗ್ಯಾನಿ೦ ಪರ್ಜಳ್ಳ್ಯಾಂತ್ ತರ್, ದಿವೊ, ಕುರೊವ್ ಆನಿಂ ಝೆಲೊ ತಸಲ್ಯಾ ಕೊಂಕ್ಣೆಚ್ಯಾ ಮಾಲ್ಘಡ್ಯಾ ಪತ್ರಾನಿಂ ಫಾಯ್ಸ್ ಜಾಲ್ಯಾಂತ್. ಕಾನಡಿ ಲಿಪಿಂತ್ ವರೆಗ್ ಕವನಾಂ ಬರಯ್ಲೆಲಿ ಹೊಗ್ಳಿಕ್ ಆನಿ ಕೀರ್ತ್ ಹಾಕಾ ಫಾವೊ. ಕೊಂಕಣಿಂತ್ ಆಯ್ಲೆವಾರ್ ಸರಾಗ್ ಬರೊಂವ್ಚ್ಯಾ ಕವಿ/ಲೇಖಕಾಂ ಪಯ್ಕಿ ಎಕ್ಲೊ ಜಾವ್ನಾಸಾ. ಫೇಸ್ ಬುಕ್, ಅಂತರ್ ಜಾಳಿ ಜಾಗೆ ಆನಿ ವಾಟ್ಸಾಪ್ ಪಂಗ್ಡಾಂನಿ ಪ್ರಸ್ತುತ್ ವಿಷಯಾಂ ವಯ್ರ್ ಬರಯ್ತಾ. ಕವಿತಾ ಕಾಮಾ ಶಾಳಾಂನಿ ಚುಕಾನಾಸ್ತಾಂ ಪಾತ್ರ್ ಕಾಣ್ಘೆತಾ. ಆಪುಟ್ ಕೊಂಕಣಿ ಮೊಗಿ ಜಾವ್ನಾಸಾ.

ಜಿಯೆಂವ್ಚ್ಯಾಕ್ ಅರ್ಥ್ ಜಾಯ್

0 comments:

Post a Comment

Translate

ಪಿರ್ಗಜೆಂತ್ಲ್ಯಾ ಖೆಳಾ ಪಂದ್ಯಾಂತ್ ವ್ಹೆಳಾ/