ಸತಾಕ್ ಕೆದಿಂಚ್ ಮರಣ್ ನಾ....

ಸತಾಕ್ ಕೆದಿಂಚ್ ಮರಣ್ ನಾ....

ಮುಂಬಯ್ ಮ್ಹುಳ್ಯಾ ಶೆರಾಂತ್ಲ್ಯಾ

ಪನ್ವೆಲ್ ಮ್ಹುಳ್ಯಾ ನಾಡಾಂತ್ಲ್ಯಾ

ಸುರೇಶ್ ಮ್ಹುಳ್ಯಾ ಗೊವ್ಳಾಚಿ…..

ಸಾಂಗ್ತಾ ಹಾಂವ್  ತುಮ್ಕಾ ಕಾಣಿ ತಾಚಿ

ತರ್ನ್ಯಾ ಅಂಬ್ಯಾರುಕಾ ಮ್ಹುಳಾಂತ್ ಬಸೊನ್

ಗೊವ್ಳಿ ಆಪ್ಲಿ ಪಿಲ್ರುಕ್ ಪುಂಕೊನ್

ಆಪಯ್ಲಾಗ್ಲೊ ಗಾಯ್ರಾಂಕ್  ಮೊಗಾನ್

ಕುಶೆನ್ ಅಯ್ಲಿ ಗಾಯ್ರಾಂ ದಾಂವೊನ್

 

ಗೊವ್ಳಿ :    ಸುನಿತಾ ಯೆಗೊ, ಅನಿತಾ ಯೆಗೊ,

ಸವಿತಾ ಯೆಗೊ, ಕವಿತಾ ಯೆಗೊ.

ಬಬಿತಾ ಯೆಗೊ, ಸಬಿತಾ ಯೆಗೊ

ಶಾಂತಿ ತುಂ ಯಿ ದಾಂವೊನ್ ಯೆಗೊ

ಆಪ್ಲ್ಯಾ ಗೊವ್ಳ್ಯಾಚ್ಯಾ ಉತ್ರಾಕ್ ಮಾನ್ವೊನ್

ಗಾಯ್ರಾಂ ಅಯ್ಲಿ ರುಕಾಚ್ಯಾ ಮುಳಾಕ್

ವೊಂತಿಯೆಂತ್ ಅಪ್ಲ್ಯಾ ದುದ್ ಘೆವೊನ್

ಆಪ್ಲ್ಯಾ ಗೊವ್ಳ್ಯಾಚಿ  ಬಾಲ್ದಿ ಬರ್ಚ್ಯಾಕ್

ಕುಶಿಲ್ಯಾ ರಾನಾಂತ್ಲೊ ವಾಗ್

ಹಪ್ತೊಬರ್  ಅಸ್ಲೊಲೊ ಭುಕೆನ್,

ಪಯ್ಶಿಲ್ಯಾ ಗಾಯ್ರಾಂಕ್ ಪಳೆವ್ನ್

ಲಾಳ್ ದೆವಾತ್ ಲಾಗ್ಲೊ ಭೊವ್ ಕುಶೆನ್

ಭುಕೆಲ್ಯಾ ವಾಗಾಕ್ ಪಳೆವ್ನ್

ದಾವೊಂಕ್ ಲಾಗ್ಲಿಂ ಗಾಯ್ರಾಂ

ಉಡೊನ್ ಪಡೊನ್ ರಾನಾ ಕುಶಿನ್

ಆಪ್ಲ್ಯಾ ಜಿವಾಚಿ ಆಶಾ ಸಾಂಡೊನ್..

ಗೊಟ್ಯಾಂತ್ಲ್ಯಾ ಬಾಳ್ಶ್ಯಾಚೊ

ಉಗ್ಡಾಸ್ ಕಾಡೊನ್...

ಶಾಂತಿ ಮ್ಹುಳ್ಳಿ ಏಕ್ ಗಾಯ್

ವಚೊಂಕ್ ಲಾಗ್ಲಿ ಗೊಟ್ಯಾ ಕುಶಿನ್

            ಭುಕೆಲ್ಯಾ ಮಾಕಾ ಖಾಣ್ ಜಾಲೆಂ

ಮ್ಹಣಾತ್ ಕುಶೆನ್ ವಾಗ್

ಉಡ್ಲೊ ಶಾಂತಿ ತೆವ್ಶಿನ್

ಹಾಸೊಂಕ್ ಲಾಗ್ಲೊ ಗಾಯ್ರಕ್ ಪಳೆವ್ನ್

ವಾಗ್ :    ಜಿವೆಶಿ ತುಕಾ ಮಾರೊನ್

ಪೊಟ್ ತುಜೆಂ ಚಿರೊನ್

ರಗತ್  ತುಜೆಂ ಪಿಯೆವ್ನ್

ಗಿಳ್ತೊಲೊಂ ಏಕಾಚ್ ಘಾಸನ್ .....

ಗಾಯ್ :   ಬುಕೆಲ್ಲ್ಯಾ ವಾಗಾ, ಆಯ್ಕ್

ಮ್ಹಜಿ ಏಕ್ ಖಾಲ್ತಿ ವಿನಂತಿ

ಪುತ್ ಮ್ಹುಜೊ ರಾಕತ್ ಅಸಾ

ದುದಾಕ್ ದೀಸ್ ಅನಿ ರಾತಿಂ

ಗಾಯ್ :   ವೆಗಿಂಚ್ ವ್ಹಚೊನ್ ದುದ್ ದಿವ್ನ್

ಯೆತಾ ಹಾಂವ್ ಪಾಟಿಂ

ಉಪ್ರಾಂತ್ ಖಾವ್ನ್ ಮ್ಹಾಕಾ

ಥಾಂಭಯ್ ಭುಕ್ ತುಜಿ..

ವಾಗ್ :    ಭುಕೆಲ್ಯಾ ವೆಳಾರ್ ಮ್ಹೆಳ್ಯಾಂಯ್

ಕೆದಿಂಚ್ ವಚೊಂಕ್ ಸೊಡ್ಚೊನಾ

ಚುಕಾರಿ  ಮಾರ್ನ್ ದಾಂವ್ಶಿ ತರ್

ಜಿಯೆಂವ್ಕ್ ತುಕಾ ಸೊಡ್ಚೊನಾ

ಗಾಯ್ :   ಸತಚ್  ಮ್ಹಜಿಂ ಅವಯ್ - ಭಾಪಯ್

ಸತಚ್ ಮ್ಹುಜಿಂ ಸೈರಿಂ - ದೈರಿಂ

ಸತಕ್ ವಿಸ್ರೊನ್ ಗೆಲಿಂ ತರ್

ಮೆಚ್ವೊಂಚೊ ನಾ ಸರ್ಗಿಂಚೊ ಭಾಪ್

ಗಾಯ್ :   ಭುಕೆಲ್ಲ್ಯಾ ವಾಗಾಕ್ ಭಾಸ್ ದೀವ್ನ್

ಆಯ್ಲಿಂ ಬಾಳಾ ತುಕಾ ಪಳೆಂವ್ಕ್

ದುದ್ ಪುರಾ ಪಿಯೆ ಪುಸೊನ್

ಪೊಟ್ ತುಜೆ ಭರ್ ಪುತಾ.....

ಪುತ್ :     ಮಾಂಯ್ ತುಂ ಕಿತ್ಯಾಕ್ ವೆತಾಯ್ ?

ವಾಗಾಕ್ ಕಿತ್ಯಾಕ್ ಖಾಣ್ ಜಾತಾಯ್ ?

ಅನಾಥ್ ಕರೊನ್ ವಚನಾಕ

ಮ್ಹಣಾಲೊ ಪುತ್ ಅಪ್ಲಾ ಅವಯ್ಕ್...

ಪುತ್ :     ಕೊಣಾಚೆಂ ದುದ್  ಹಾಂವ್ ಪಿಯೆಂವ್..?

ಕೊಣಾಕ್ ಮಾಂಯ್ ಮ್ಹಣ್  ಹಾಂವ್ ಅಪೊಂವ್..?

ಕೊಣಾಚ್ಯಾ ಪಾಸ್ಳೆಂತ್  ಹಾಂವ್ ನಿದುಂ .. ?

ತುಜ್ಯಾವಿಣೆ ಕೊಣ್ ಅಸಾತ್ ಮಾಕ.... ?

ಗಾಯ್ :   ದಿಲ್ಯಾ ಉತ್ರಾಕ್ ಚುಕ್ಚಿನಾ.

ಪಾಡ್ ಚಿಂತ್ಪಾಕ್ ಬುಲ್ಚಿನಾ

ಖರೆಂಚ್  ಹಾಂವ್ ಪಾಟಿಂ ವೆತೆಲಿಂ

ವಾಗಾಚ್ಯಾ ಭುಕೆಕ್ ಖಾಣ್ ಜಾತೆಲಿಂ......

ಗಾಯ್ :   ಬಾವಾನೊ, ಭಯ್ಣಿನೊ

ಮುಜ್ಯಾ ಮೊಗಾಚ್ಯಾನೊ

ತುಂಮ್ಚೊ ಪುತ್ ಮ್ಹುಣ್ ಚಿಂತೊನ್....

ಅನಾಥ್ ಜಾಂವ್ಕ್ ತಾಕ ಸೊಡ್ನಾಕತ್

ಗಾಯ್ :   ಮುಖ್ಲ್ಯಾನ್ ಅಯ್ಲಾರ್ ಹಾಂಡಿನಾಕತ್

ಪಾಟ್ಲ್ಯಾನ್ ಗೆಲ್ಯಾರ್ ಗುಡ್ಡೆಯ್ನಾಕತ್

ತುಂಮ್ಚೆಂಚ್ ಬಾಳ್ ಮ್ಹಣ್ ಚಿಂತೊನ್

ಘೆವ್ನ್ ನಿದಾ ತಾಕಾ ತುಂಮ್ಚೆ ಪಾಸ್ಳೆಂತ್

ಗಾಯ್ :   ಅನಾಥ್  ಜಾಲೊಯ್ ಬಾಳಾ

ವಾಗಾಕ್ ಖಾಣ್ ಜಾಂವ್ಕ್ ಯೆತಾ

ಮ್ಹಣಾತ್ ಪುತಾಕ್ ಮೊಗಾನ್ ವೆಂಗಾತ್

ಸೊದಿತ್ ಗೆಲೆಂ ವಾಗಾಕ್ ರಾನಾಂತ್

ಬಗ್ಲೆಚ್ಯಾ ನಂಯ್ತ್ ನಾವ್ನ್

ವಾಗಾಚ್ಯಾ ಮಾಟ್ಯಾಕಡೆ ಯೆವೊನ್

ವೇಳ್ ವಿಬಾಡಿನಾಸ್ತಾನಾ

ವಾಗಾಕ್ ಸಾಂಗಾಲಾಗ್ಲೆಂ ಮೊಗಾನ್......

ಗಾಯ್ :   ಹಾಡಾಂ ಅಸಾತ್ , ಮಾಸ್ ಆಸಾ,

ಕುಡಿಂತ್ ಉಣುನಿ ರಗತ್ ಆಸಾ

ಪುಸೊನ್ ಖಾವ್ನ್ ಮಾಸ್ ಮ್ಹಜೆಂ

ಥಾಂಬಯ್  ವಾಗಾ ಭುಕ್ ತುಜಿ...

ವಾಗ್  :   ಶಾಂತಿಚೆಂ ಉತರ್ ಅಯ್ಕೊನ್, ವಾಗ್

ದೊಳ್ಯಾಂತ್ಲಿ ಬರ್ಲೆಲಿಂ ದು:ಖಾಂ ಪುಸಾತ್

ಸತ್ತಿ ಜಾಲ್ಯಾ ತುಕಾ ಮಾರ್ನ್ ಖಾಯ್ನ್ ತರ್

ಮೆಚ್ವೊಂಚೊ ನಾ ಸರ್ಗಿಂಚೊ ಬಾಪ್ ...

ವಾಗ್  :   ಮ್ಹಜೆಂ  ಮೊಗಾಚೆಂ ಭಯ್ಣ್ ತುಂ

ಸತಾಕ್ ತುಜ್ಯಾ ಮೆಚ್ವಾಲೊಂ

ತುಕಾ ಹಾಂವ್ ಖಾವ್ನ್

ಪಾತ್ಕಾಂತ್ ಹಾಂವ್ ಪಡ್ಚೊನಾ....

ದೆವಾಚೆಂ ನಾಂವ್ ಕಾಡೊನ್

ಸಗ್ಳಾನಿತ್ಲಾನ್ ದಿಸ್ಟ್ ಚರೊನ್

ಮೊಳ್ಬಾ ತೆವ್ಶಿನ್ ಪಳೆವ್ನ್ , ವಾಗಾನ್

ಜೀವ್ ಸಾಂಡ್ಲೊ ಸಕ್ಲಾ ಉಡೊನ್...

ಗಾಯ್ :   ಶಾಂತಿ ಆಯ್ಲೆಂ ದಾವಾತ್ ಗೊಟ್ಯಾಕುಶಿನ್

ವೆಂಗೊಂಕ್ ಲಾಗ್ಲೆO ಅಪ್ಲಾ ಬಾಳಾಕ್ ಕುಶೆನ್ 

ದ್ಯೆರಾನ್ ಸಾಂಗೊಂಕ್ ಲಾಗ್ಲೆಂ ಭಯ್ಣ್ಯಾಂಕ್

ಸತಾಕ್ ಕೆದಿಂಚ್ ಮರಣ್ ನಾ ಮ್ಹಣೊನ್......

ಕೊಂಕ್ಣೆಕ್ : ಸುರೇಶ್ ಸಾಲ್ಡಾನ,  ಪನ್ವೆಲ್..

ಕನ್ನಡ ಪೊದ್ : ಪುಣ್ಯಕೊಟಿ...