ತುಂಚ್ ತೆಂ.....

ತುಂಚ್  ತೆಂ.....

ಮೊವಾಳ್ ಕಾಳ್ಜಾಚೆಂ

ಸುಡ್ಸುಡಿತ್ ಚಾಲಿಚೆಂ

ತಾರಾಂಕ್ ಮಿಕ್ವೊಂಚೆ

ಪುನ್ವೆಚ್ಯಾ ಚಂದ್ರಬರಿ ಪರ್ಜಳ್ಚೆಂ

ಪಿಂತುರ್ ತುಂ ಮ್ಹಜ್ಯಾ ಸ್ವಪ್ಣಾಚೆಂ

ತಾಳೊ ತುಂ ಮ್ಹಜ್ಯಾ ಪದಾಚೆಂ

ಹಾಸ್ತಾನಾ ಮೊಗ್ರ್ಯಾ ಕಳ್ಯಾಬರಿ ಪರ್ಮೊಳ್ಚೆಂ

ಚಲ್ತಾನಾ ನಂಯ್ ಬರಿ ಕಮರ್ ಹಾಲೊಂವ್ಚೆಂ

ಮ್ಹಜ್ಯಾ ಕಾಳ್ಜಾಚಿ ಉಡಿ ತುಂ

ಮ್ಹಜ್ಯಾ ದೊಳ್ಯಾಚಿ ಅಸ್ಡಿ ತುಂ

ಮ್ಹಜ್ಯಾ ನಶಿಬಾಂತ್ಲೆ ಮಾಣಿಕ್ ತುಂ

ಮ್ಹಜ್ಯಾ ಜಿಣ್ಯೆಚೊ ಗೊಂಡೊ ತುಂ

ಆನಿ ಮಾಕಾ ರಾಕೈನಾಕ ಗೊ

ತುಜ್ಯಾ ವೆಗ್ಳಾಚಾರಾನ್..

ಗೊಂಟೆರ್ ಸಾಂಡುಲ್ಯಾ ಸುಕ್ಣ್ಯಾಬರಿ

ಜಿವಿತ್ ಜಾಲಾಂ ಮ್ಹಜೆಂ.....

ಯೆ ಪಾಟಿಂ ಯೆ....

ಕಾಳ್ಜಾಂತ್ ಮ್ಹಜ್ಯಾ 

ತುಜೆ ಖಾತಿರ್ ಬಾಂದ್ಲೆಲ್ಯಾ

ಹ್ಯಾ ಗೊಂಟೆರಾಂತ್ ವಸ್ತಿ ಕರೊಂಕ್ ತುಂ ಯೆ......

ಜಿಣ್ಯೆಂತ್ ಮ್ಹಜ್ಯಾ 

ಪುನ್ವೆಚ್ಯಾ ಚಂದ್ರಬರಿ ಸೊಭೊಂಕ್ ತುಂ ಯೆ....

:- ಸುರೇಶ್ ಸಲ್ದಾನ್, ಪನ್ವೆಲ್ - ಅಭುದಾಬಿ.