ಪುಟ್ಲೆಲೆಂ ಕಾಳಿಜ್ ...

ಪುಟ್ಲೆಲೆಂ ಕಾಳಿಜ್ ...

ತುಕಾ ಆಪ್ಣಾಂವ್ಕ್

ಕಿತ್ಲಿಶಿಂ ವರ್ಸಾಂ ರಾಕೊನ್

ರಾವುಲ್ಯಾ ಮಾಕಾ..

ತುಜಿ  ಸಾವ್ಳಿ ಸಯ್ತಿ ನಾತ್ಲಿ ಪಳೆವ್ನ್

ಕಾಳಿಜ್ ಗೆಲಾಂ ಹೆಂ ಲಾಸೊನ್

ಕಾಳ್ಜಾಂತ್ಲ್ಯಾ ಉತ್ರಾಂಕ್ ಮಿರ್ವೊನ್

ತುಜೊ ಮೊಗ್ ಕೆಲ್ಯಾ ಮಾಕ

ಆಜ್ ತುಂ ಗುಡ್ ಬೈ ಮ್ಹಣೊಂಕ್

ಕಿತ್ಯಾಕ್ ದಾವತ್  ಆಯ್ಲೆಂಯ್ ಗಿ ಗೊ ತುಂ......????

ಮ್ಹತಿಂತ್ ಏಕ್ , ಕಾಳ್ಜಾಂತ್ ಏಕ್

ಮ್ಹಳ್ಯಾಬರಿ  ಮೊಗಾಕ್ ತುಕ್ಲಾವ್ನ್,

ಕಾಳ್ಜಾಕ್ ಬಾಲಿ ತೊಪೊನ್

ಕಿತ್ಯಾಕ್ ಆತಾಂ  ಲಿಪೊನ್ ಬಸ್ಲಾಂಯ್ ಗೊ ತುಂ ......???

ಕೊಣಾಯ್ಚ್ಯಾ ಉತ್ರಾಂಕ್ ಲೆಕಿನಾಸ್ತಾನ

ಉತ್ರಾಂಕ್  ತುಜ್ಯಾ ಬುಲೊನ್

ತುಜ್ಯಾ ಕುಶೆ ಪ್ರಕಾರ್ ಚಲುಲ್ಯಾಕ್

ಕಿತ್ಯಾಕ್ ಆಜ್ ಹಾಂವ್ ನಾಕ ಜಾಲೊಂಗೊ  ತುಕಾ....???

ಮೊಗ್ ಕಿತೆಂ ಮ್ಹಣ್ ನೆಣಾರಿ ಜಾಲ್ಯಾ

ಮಾಕ ಮೊಗಚೆಂ ಲಿಸಾಂವ್ ಶಿಕವ್ನ್

ಹಾತಾಂತ್ಲೆ  ಪಯ್ಶೆ ಸಂಪ್ತಾನಾ

ಕಿತ್ಯಾಕ್ ಸಾಂಡೊನ್ ಮಾಕ ದಾಂವ್ಲೆಂಯ್ ಗೊ ತುಂ

ಮಾರ್ಗಾಯೆಚಿಂ ಇನಾಮ ಹಾಡ್ನ್

ತುಜ್ಯೊ ಗರ್ಜೊ ಪುರಾ ಕೆಲ್ಯಾ ಮಾಕ

ಮ್ಹಜ್ಯಾ ಜಲ್ಮ್ ದಿಲ್ಯಾ ಆವಯ್ ಮುಖಾರ್

ಕಿತ್ಯಾಕ್  ಬಿಕಾರಿ ಮ್ಹಣ್ ಅಪಯ್ಲೆಂ ಗೊ ಮಾಕ

ಗ್ರೆಸ್ತ್  ಯಾ ದುಬ್ಳೊ  ಪರಕ್ ನಾ ಮ್ಹಣ್

ಮೊಗರ್ ಪಡುಲ್ಲೆಂ ತುಂ

ಆಜ್  ಪಯ್ಶಾಂವಾಲೊ ಬೆಟ್ತಾಚ್

ಕಿತ್ಯಾಕ್ ಮಾಕ ದುಬ್ಳೊ ಮ್ಹಣ್ ವೊಲೊಂವ್ಕ್ ಲಾಗ್ಲೆಂಯ್

ಕಾಳಿಜ್ ಉಮ್ಟೊನ್ ದಿಲ್ಯಾರಿ

ಮೊಗಕ್ ಸಮ್ಜಾನಾತ್ಲೆಂ ತುಂ

ಮೊಗ್ ಮ್ಹಳ್ಯಾರ್ ಕಿತೆಂ

ತುಜ್ಯಾ ಬಾಶೆನ್ ಮಾಕ ಇಲ್ಲೆಂಶೆ ಶಿಕಯ್ಸಿಯ್ ಗೊ....?????

✍ ಸುರೇಶ್ ಸಲ್ಡಾನ್, ಪನ್ವೆಲ್, ಅಬುದಾಬಿ⁠⁠⁠⁠