ಏ ಚೆಡ್ವಾ

ಏ ಚೆಡ್ವಾ

ಪಾಂತ್ಯಾಪರಚ್ಯಾ ಹಿವೆಂತ್

ತುಜ್ಯಾ ಉಬೆಕ್ ದೆಕ್ಲೆಂ

ಪ್ರಶಾಂತ್ ಹವ್ಯಾರ್ ಉಬ್ಚ್ಯಾ

ಕೆಸಾನಿಂ ತುಜೆಂ ರೂಪ್ ದೆಕ್ಲೆಂ

ವಾಳೊನ್ ಯೆಂವ್ಚ್ಯಾ ಮೊವಾಳ್

ಸಂಗಿತಾಂತ್ ತುಜೆಂ ಮೌನ್ ದೆಕ್ಲೆಂ

ಸುರ್ಯಾಚ್ಯಾ ಕಿರ್ಣಾನಿಂ

ತುಜೆ ಹಾಸೊ ದೆಕ್ಲೆ

ಪಾವ್ಶಾಬರಿ ವೊತ್ಲೆಲ್ಯಾ

ತುಜ್ಯಾ ಮೊಗನ್

ಮ್ಹಜೆ ಕಾಳಿಜ್ ದೆಕ್ಲೆಂ

ಸಾಗೊರಬರಿ ಆಸ್ಲೆಲ್ಯಾ

ತುಜ್ಯಾ ಮ್ಹನನ್

ಮ್ಹಜ್ಯಾ ಚಿಂತ್ನಾಂಕ್ ದೆಕ್ಲೆಂ

ಸಾಗೊರಾಂತ್ಲ್ಯಾ ಮೊತಿಂಯಾಬರಿ....

ದೊಳ್ಯಾಂತ್ಲ್ಯಾ

ಕಾಜೊಳಾಬರಿ...

ಕುಡಿಂತ್ಲ್ಯಾ

ಉಶ್ವಾಸಾಬರಿ....

ಮೊಲಾದಿಕ್ ಆಸ್ಚ್ಯಾ ತುಕಾ

ರಾಕಾತ್ ಆಸಾಂ ...

✍ ಸುರೇಶ್ ಸಲ್ಡಾನ್, ಪನ್ವೆಲ್