ಕೊಣಾಕ್ ಹಾಂವ್ ಪಾತ್ಯೆಂವ್...?

ಕೊಣಾಕ್ ಹಾಂವ್ ಪಾತ್ಯೆಂವ್...?

ಹ್ಯಾ ಸಂಸಾರಾಂತ್ ಕೊಣಾಕ್ ಪಾತ್ಯೆಂವ್ ?

ಕೊಣಾಚೆರ್ ಹಾಂವ್ ವಿಶ್ವಾಸ್ ದವರುಂ ?

ಕೊಣಾಕ್ ಅಪ್ಣಾಚೊ ಮ್ಹಣ್ ಅಪ್ಣಾಂವ್ ?

ಕೊಣಾಲಾಗಿ ಅಪ್ಣಾಚೆ ದುಖ್ ಉಚಾರುಂ ?

ಬಾಳಾ, ರಾಯಾ, ಬಾಂಗಾರಾ ಮ್ಹುಣೊನ್

ವರ್ಣಿತಾತ್ ವಡ್ವಿಕ್ ತುಜಿ ಸಾಂಗೊನ್

ಮುಕ್ಲ್ಯಾನ್ ತುಜ್ಯಾ ಹೊಗೊಳ್ಸುನ್

ಬಂವ್ತಾತ್ ಪಾಟ್ಲಾನ್ ತುಜ್ಯಾ ಖಬ್ರೆ ಉಲೊವ್ನ್

ಬಾವಾ ಮ್ಹುಜ್ಯಾ ಪಾತ್ಯೆಂವ್ಕ್ ಜಾಯ್ನಾ ಯ್ಯಾ ಸಂಸಾರಾರ್

ಬಾವ್ .ಬಾವಾಕಚ್ ದುಸ್ಮಾನ್ ಜಾಲ್ಯಾ ಯ್ಯಾ ಬುಮಿರ್

ಪುರಾ ಮತ್ಲಾಬಿ ಲೊಕ್ ಬರೊನ್ ಗೆಲಾ ಅಮ್ಚ್ಯಾ ಸುತ್ತುರಾರ್.

ಹಾಕಾ ಲಾಗೊನ್ ದುಸ್ಮಾನ್ಕಾಯ್ ವಾಡ್ಲ್ಯಾ ಅಮ್ಚ್ಯಾ ದೇಶಾಬಿತರ್

ಆಸಾತ್ ತೊಡೆ ಕಾಮ್ ನಾತುಲ್ಲೆ ಅಚಾರಿ

ಖಬ್ರೆ ಉಲೊವ್ನ್ ಬಂವ್ತಾತ್ ದುಸ್ರಾಂಚೆ ನಾಕಾರಿ

ದಾಂಪೊನ್ ತಾಂಚೆ ನಾಲಿಸಾಯ್ ದೊಂಪಾರ್ ಬರಿ

ದುಸ್ರಾಂಚ್ಯಾ ಸುಕ್ಯಾ ಗುವಾಕ್ ಮಾರ್ತಾತ್ ಪಾತ್ರಾರಿ

ಆಸಾತ್ ತೊಡೆ ತೆ ಸುಕಾನ್ ಜಿಯೆನಾಂತ್

ದುಸ್ರ್ಯಾಂಕ್ ಸುಖಾನ್ ಜಿಯೆಂವ್ಕ್ ಸೊಡಿನಾಂತ್

ಪ್ರಶಾಂತ್ ಆಸುಲ್ಯಾ ಉದ್ಕಾಕ್ ಪಾತೊರ್ ಉಡೊನ್

ಸಂತೋಷ್ ಪಾವ್ತಾತ್ ಉದಾಕ್ ಕದ್ಲಾಲೆಂ ಪಳೆವ್ನ್.....

 :- ಸುರೇಶ್ ಸಲ್ಡಾನ್, ಪನ್ವೆಲ್ ಅಬುಧಾಬಿ