ಇಗರ್ಜ್ ಮಾತಾ... ಅಜ್ ದು:ಖಿನ್ ರಡ್ತಾ..

ಇಗರ್ಜ್ ಮಾತಾ... ಅಜ್ ದು:ಖಿನ್ ರಡ್ತಾ..

ಆದಿಂ...

ಮಾಣ್ಸುಗೆಚೆಂ ನೆಸಾಪ್ ನೆಸೊನ್,

ಮಾತೆಂ ಭರ್ ಪಾಲೊಂವ್ ಗಾಲೊನ್,

ದಾ-ಬಾರಾಂ ಮಯ್ಲಾಂ ಚಲೊನ್,

ವಾಟೆರ್ ರಜಾರ್ ಮಾಗ್ಣೆಂ ಕರುನ್,

ಮಾತ್ಯಾರ್ ವೊಜ್ಯಾ ಕಾಣಿಕ್ ಘೆವುನ್

ಮುಕ್ಲ್ಯಾ ಬಾಂಕಾರ್ ಬಸೊನ್,

ವಡ್ಲ್ಯಾನ್ ದೆವಾಚಿ ಸ್ತುತಿ ಗಾವುನ್,

ಭಾಗ್ ಘೆತಾಲಿ ಮಿಸಾಬಲಿದಾನಂತ್

ವ್ಹಡಾ ದೇವಾಸ್ಪೊಣಾನ್........

ಆತಾಂ........

ದೊಂಪ್ರಾವಯ್ರ್ ವಸ್ತುರ್ ನೆಸೊನ್

ಪೆಂಕ್ಟಾಸಕಯ್ಲ್ ಪ್ಯಾಂಟಾಂ ಗಾಲುನ್

ವಾಸ್ಪಾ ಉಪ್ರಾಂತ್ ಇಗರ್ಜೆಕ್ ಯೆವುನ್

ಪಾಟ್ಲ್ಯಾ ಬಾಂಕಾನಿ ಬಸುನ್

ಮೊಬಾಯ್ಲಾರ್ ಮೆಸೇಜ್ ಕರುನ್

ಶೆರ್ಮಾಂವ್ ವ್ಹೆಳಾರ್ ನೀದ್ ಕಾಡುನ್

ದನ್ಪಾರಾಂ ಕಾಲೆಂ ತೊಂಡ್ಲಾಂವ್ಚೆ ಮಣೊನ್ ಚಿಂತುನ್

ಅಖೇರಿಚೆಂ ಬೆಸಾಂವ್ ಜಾಂವ್ಚ್ಯಾ ಪಯ್ಲೆಂ

ಮಾಯಾಕ್ ಜಾತಾತ್ .....ಮಾರ್ಕೆಟಿಂತ್

ದುಕ್ರಾಮಾಸ್ ಮುಗ್ದಾತ್ ಮಳ್ಳ್ಯಾ ಭಿಂಯಾನ್

ಫುಡೆಂ

ಪಾದ್ರಿ ಎಕ್ಲೊಚ್ ಆಸ್ತೊಲೊ ಇಗರ್ಜೆಂತ್

ಲೋಕ್ ಆಸ್ತೊಲೊ ಘರಾ ಮೊಬಾಯ್ಲಾಂತ್

ಮೀಸ್ ಆಯ್ಕಾತಾಲಿಂ ಅಂತರ್ ಜಾಳಿಂತ್

ಕುಮ್ಗಾರ್ ಘೆವ್ನ್ ಪಾದ್ರಿ ಯೆತ್ ಘರಾ ಘರಾಂತ್

ಆದಿಂ ಕಿತ್ಲಿ ಸುಂದರ್ ಆಸುಲ್ಲಿ ಅಮ್ಚಿ ಇಗರ್ಜ್ ಮಾತಾ

ಆಯ್ಚೆಂ ಪ್ಯಾಶನ್ ಪಳೆವ್ನ್ ಸದಾನಿತ್ ದು:ಖಾಂ ಗಳಾಯ್ತಾ

ಅಶೆಂಚ್ ಮುಕಾರಿ ಚಲೊನ್ ವಚಾತ್ ತರ್

ಎಕ್ ದಿಸ್ ನಪಂಯ್ಚ್ ಜಾಂವ್ನ್ ಯೆತಾ......