ಮತ್ಲಾಬಿ ಸಂಸಾರಾಂತ್ ಜಿಯೊಂ ಕಶೆಂ?

ದೆವಾನ್ ರಚ್ತಾನಾ ಹೊ ಸಂಸಾರ್

ಆಸ್ಲೊಲೊ ಕಿತ್ಲೊ ಸೊಬಿತ್ ಸುಂದರ್

ಮ್ಹನ್ಸ್ಯಾಚ್ಯಾ ಮತ್ಲಾಬ್ ಪಣಾಕ್ ಲಾಗೊನ್

ಭರೊನ್ ಗೆಲಾ ಮೊಸ್ರಾನ್ ಅನಿ ಅಬ್ಲೆಸಾನ್

ಮಾಲ್ಗಾಡ್ಯಾಂಚೆ ಮೊರ್ನ್ ಮಾತ್ಯೆಕ್ ಪಾವ್ನ್ ಘರಾ ಪಾಂವ್ಚೆ ಬಿತರ್

ಸುರು ಜಾತಾತ್ ಜಗ್ಡಿಂ ಆಸ್ತಿ  ಆನಿ ಬಾಂಗಾರಾ ಖಾತಿರ್

ಹಾಕಾ ಲಾಗೊನ್ ಬಾಬಾವ್ - ಭಭಯ್ಣೊ ಜಾತಾತ್ ವಿಂಗಡ್

ಕುಟ್ಮಾಂ ಭಿತರ್ ಜಾತಾತ್ ವಿವಿದ್ ಪಂಗಡ್

ಪರ್ಸ್ ತುಜಿ ಜಡಾಯೆನ್ ಭರೊನ್ ಆಸಾ ತರ್

ಇಷ್ಟ್ - ಮಂತ್ರ್ ಗುಂವ್ತಾತ್ ತುಜೆ ಬರಾಬರ್

ಕೆದ್ನಾ ತುಜೆ ಕಡೆ ರುವಿ  ನಾ ತರ್

ತುಜಿ ಸಾವ್ಳಿ ಪಡ್ತಾನಾಂಚ್ ಜಾತಾತ್  ತೆ ಫರಾರ್

ಸಯ್ರ್ಯಾಂಕ್ ದರಬಸ್ತ್  ಇನಾಮಾಂ ತುಂ ಘೆವ್ನ್ ವೆಶಿ ತರ್

ವಾರೆಂ ಗಾಲ್ನ್, ವಾಡ್ತೆಲಿಂ ತುಕಾ  ದೆಂಖ್ ಕಾಡಿಸೊರ್

ಕಿತೆಂಚ್ ಘೆನಾಸ್ತಾನಾ ಖಾಲಿ ಹಾತಾನಿಂ ಗೆಲೊಯ್ ತರ್

ಉದಾಕ್ ಸಯ್ತ್ ಮೆಳ್ಚೆನಾಂ ತುಜಿ ತಾನ್ ಬಗಾಸರ್

ಮುಕಾರ್ ತುಜ್ಯಾ ಪುಗಾರ್ತತ್ ಗಳೊ ಬರಾಸರ್

ಪಾಟ್ಲ್ಯಾನ್ ತುಕಾ ಅಣ್ಕಿತಾತ್ ತುಜೆಂ ಪಿಂದಾಸರ್

ಕೊಣಾಕ್ ತುಂ ಬರೆಂ ಕರುಂಕ್ ಚಿಂತಾಯ್ ತರ್

ತೊಚ್ ತುಜೆಂ ನಾಂವ್ ಗಾಣಾಯ್ತಾಲೊ ಸಂಸಾರ್ ಭರ್

ಹ್ಯಾ ಮತ್ಲಾಬಿ ಸಂಸರಾಂತ್ ಬಾವಾ

ಜಿಯೆಂವ್ಚೆಂ ಬಾರಿ ಕಷ್ಟಾಂಚೆಂ ಜಾಲಾಂ

ಕೊಣಾವಯ್ರ್ ತುಂ ಚಡ್ ಪಾತ್ಯೆಣಿ ದವರ್ತಾಯ್

ತಾಣೆಂಚ್ ಸರ್ವಾಂ ಮುಕಾರ್ ತುಕಾ ವಿಕ್ರಪಾಕ್ ಗಾಲಾಂ

ದೆವಾ ಸರ್ವೆಸ್ಪೊರಾ ರಚ್ಲೊಯ್ ತುವೆಂ ಹೊ ಸಂಸಾರ್

ಚಿಂತ್ಲೆಯ್ ಕರುಂಕ್ ತುಜೆಂ ಹೆಂ ಬಿಡಾರ್

ಆಜ್ ಮನ್ಶ್ಯಾಚ್ಯಾ ಮತ್ಲಾಬಿ ಪಣಾಕ್ ಲಾಗೊನ್

ಜಾವ್ನ್ ಗೆಲಾಂ ಹೆಂ ದೆಂವ್ಚಾರಾಚೆಂ ಹೆ ಬಿಡಾರ್.!

: - ಸುರೇಶ್ ಸಲ್ಡಾನ್, ಪನ್ವೆಲ್ ಅಬುಧಾಬಿ 

Published in : Aankri.com