ಗಾಂವ್ ಹೊ ಮಜೊ ಗಾಂವ್ .

ಮಲೆನಾಡುಚ್ಯಾ ಪ್ರಕ್ರತಿ ಮದ್ಲೊ

ಸೊಬಿತ್ ಸುಂದರ್ ಗಾಂವ್

ತಂಯ್ಸರ್ ಜಲ್ಮೊನ್ ವಾಡುಲ್ಲೊಂ ಹಾಂವ್

ಸಕಲೇಶಪುರ ಮಣ್ ತಾಚೆಂ ನಾಂವ್

ಕಾಪಿಯೆಚ್ಯಾ ಪುಲಾನಿಂ ಸುರ್ಗಾಂರೊನ್

ಪಾಚ್ವ್ಯಾ  ಶೆತಾಂ ಭಾಟಾನಿಂ ಫುಲೊನ್

ಗುಡ್ಯಾ ದೊಂಗೊರಾನಿಂ ಪಾಲೆವ್ನ್

ಆಸಾ ಸರ್ವಾಂಕ್ ಆಕರ್ಪಿತ್ ಕರುನ್

ಚಿತುರ್ಲ್ಯೊ, ದಾಳಿಂಬ್, ಸಿತಾಫಳ್ ,ಆಂಬ್ಯಾಚ್ಯಾ ಪರ್ಮೊಳಾನಿಂ

ಕಾಜು, ರಾಮಾಪಲ್, ಲಿಂಬ್ಯಾ ಫಳಾನಿಂ

ರುಮ್ಡಾಂ, ಜಾಮ್ಳಾಂ, ಜಾಮುನ್ ಪಣ್ಸಾಚ್ಯಾ ರುಕಾನಿಂ

ನಾವಾಡ್ಲಾ ಪೆರಾಂ, ಚಿಕ್ಕು, ಮುಸೊಂಬ್ಯೊ ಅಣ್ಸಾನಿಂ.

ಕಾಕ್ಡಾ, ಗುಲೊಬ್, ಸಿಂವ್ತಿ, ಅಬೊಲ್ಯಾನಿಂ

ಆಕರ್ಪಿತ್ ಜಾಲಾ  ವಡ್ ವಡ್ ಜೊಗ್ ಫಾಲ್ಸಾನಿಂ

ಶಿರಾಡಿ- ಚಾರ್ಮಾಡಿ ಘಾಟಿಯ್ಯಾನಿ

ಪಾಮಾದ್ ಜಾಲಾ ಮೊವಾಂಚ್ಯಾ ಪೆಳಿಯಾನಿಂ...

ಕಠಿಣ್ ಧಗ್, ಯಾ ಆವ್ರ್  ಪಾವ್ಶ್ ನಾ

ಹಿಂವೆಚಿ ಗಜಾಲ್ ಸಾಂಗೊಂಕ್ ಜಾಯ್ನಾ

ಚಾರ್ ಚಾರ್ ಕಾಂಬೊಳ್ ಪಾಂಗೊರ್ಲ್ಯಾರಿ

ಹಿಂವ್ ಮಾತ್ರ್ ತಡ್ವೊಂಕ್ ಜಾಯ್ನಾ.

ಯೆಯಾ ಯೆಯಾ ತುಮಿ ಸಕಲೇಶ್ಪುರಾಕ್

ಸೊಬಿತ್ ಸುಂದರ್ ಶಾಂತ್ ಶೆರಾಕ್

ಚಾಕ ಚಾಕ ರುಚ್ ಚಾಕ ಮಜ್ಯಾ ಗಾಂವಾಚಿ

ಉಪ್ರಾಂತ್ ವರ್ಣನ್ ಕರಾ  ಮಲೆನಾಡುಚ್ಯಾ ಪ್ರಕ್ರತೆಚಿ ..‌

: - ಸುರೇಶ್ ಸಲ್ಡಾನ್, ಪನ್ವೆಲ್ ಅಬುಧಾಬಿ