ಚಿಂತಾಪ್..

ಧರ್ತೆ ಥಾವ್ನ್ ಮೊಳ್ಬಾ ಮಣಾಸರ್

ನಿಸಣ್  ಪುಣಿ ಕರಿಯೆತ್.......

ಭುಮಿ ಥಾವ್ನ್ ಆಕಾಸಾ ಮಣಾಸರ್

ಪಾಕಟೆ ಬಾಂದೊನ್ ಉಬ್ಯೆತ್..

ಪುನ್ವೆದಿಸಾ ಮಣಾಸರ್ ರಾಕ್ಲ್ಯಾರ್

ಚಂದ್ರಾಕ್ ಸಯ್ತ್ ಭೆಟ್ಯೆತ್......

ತರಿ ಕಿತ್ಲೆಂ

ತುಜ್ಯಾ ಪಾಟ್ಲ್ಯಾನ್ ಭಂವ್ಲ್ಯಾರಿ...

ತುಜೆಂ ಸಂಗಿ  ರಾವ್ಲ್ಯಾರಿ...

ತುಜೆಂ ಸಂಗಿ ಉಲಯ್ಲ್ಯಾರಿ

ಮನ್ ತುಜೆಂ ಪಾರ್ಕೊಂಕ್

ಜಾಯ್ನಾ ನೆ ಗೊ ಮಜ್ಯಾನ್......

ಚಿಂತಾ ಹಾಂವ್

ಚೆಡುಂ ಆನಿ ಧರ್ತಿ ಏಕಚ್ಚ್ ಗಿ.......

ಕೆದ್ನಾಂ ಭೂಕಂಪ್ ಜಾತಾ

ಕೆದ್ನಾಂ ಸುನಾಮಿ ಯೆತಾ

ಕೆದ್ನಾಂ ಘಡ್ಗೊಡೊ ಮಾರ್ತಾ

ಕೊಣಾಯ್ಕಿ ಕಳಿತ್ ಜಾಯ್ನಾ

ಕಳಿತ್ ಜಾತಾನ

ಆಸುಲ್ಲೆಂ ಪುರಾ ವಿಬಾಡುನ್ ವೆತಾ..........

:-  ಸುರೇಶ್ ಸಲ್ಡಾನ್, ಪನ್ವೆಲ್ ಅಬುಧಾಬಿ 

Published in : Aankri.com