ಪುನ್ವೆಚ್ಯಾ ರಾತಿಂ

ಪರ್ಜಳ್ಚಿ ತುಜಿ ಸೊಭಾಯ್ ಪಳೆವ್ನ್
ಚಂದ್ರೆಮ್ ಸಯ್ತ್ ಲಜೆನ್ ಲಿಪ್ತಾನಾ
ಚಿಂತ್ಲೆ ಹಾಂವೆ ಜಾಂವ್ಕ್ ಪುರೊ
ಹೆಂ  ಚೆಡುಂ ತುಂಚ್ ಮ್ಹಣೊನ್

ಪಾಂತ್ಯಾಫರಾಚ್ಯಾ ಪ್ರಶಾಂತ್ ಹವ್ಯಾಕ್
ಥಂಡಾಯೆಚ್ಯಾ ತ್ಯಾ ಉದ್ಕಾಂತ್
ನಾವ್ನ್ ಬಾಯ್ರ್ ಯೆಂವ್ಚ್ಯಾ ಚೆಡ್ವಾಕ್ ಪಳೆವ್ನ್ 

ಸುರ್ಯೊ ಸಯ್ತ್ ತಾಂಬ್ಸೊ ಜಾತಾನಾ
ಚಿಂತ್ಲೆಂ ಹಾಂವೆಂ ಜಾಂವ್ಕ್ ಪುರೊ
ಹೆಂ ಚೆಡುಂ ತುಂಚ್ ಮ್ಹಣೊನ್

ರಂಗ್ ಮಂಚಾರ್
ಸಭಾರ್ ನಾಟ್ಯ್ ಕಲಾಕಾರಂ ಮದೆಂ
ನಾಚಾಕ್ ಮೆಟ್  ಲಾಯ್ತಾನಾ
ಸರ್ವ್ ಏಕಚ್ ಪಾವ್ಟಿಂ ಉಡೊನ್ ಪಡ್ಲೆ
ನಿದುಲ್ಲೆ ತೆ ಉಟೊಂಕ್ ಲಾಗ್ಲೆ
ನಾಟ್ಯ್ ಸಭಾ ಥಂಡ್ ಜಾಂವ್ಕ್ ಪಾವ್ಲಿ
ತೆದ್ನಾ ಚಿಂತ್ಲೆಂ ಹಾಂವೆಂ
ಹೆಂ ಚೆಡುಂ ತುಂಚ್  ಮ್ಹಣೊನ್

ಮದ್ಯಾನೆ ರಾತಿಂ ಅಂದ್ಕಾರಾನ್
ಸಂಸಾರ್  ಸಗ್ಳೊ ನಿದೊನ್ ಅಸ್ತಾನಾ
ಪರ್ಜಾಳ್ಚ್ಯಾ ವಸ್ತ್ರಾನಿಂ
ಅಂತ್ರಾಳಾಥಾವ್ನ್  ದೆಂವೊನ್ ಆಯ್ಲ್ಯಾ
ಅಪ್ಸರೆಚ್ಯಾಕಿ ಸೊಭಿತ್ ದಿಸ್ಚ್ಯಾ
ತುಕಾ ಪಳೆವ್ನ್ ಸಗ್ಳೊ ಸಂಸಾರ್
ಏಕ್ ಕ್ಷಣ್ ಬರ್ ಮೌನ್ ಜಾಲ್ಲೊ ಪಳೆತಾನಾ ಚಿಂತ್ಲೆಂ ಹಾಂವೆ
ಹೆಂ ಚೆಡುಂ ತುಂಚ್ ಮ್ಹಣೊನ್!

 :- ಸುರೇಶ್ ಸಲ್ಡಾನ್, ಪನ್ವೆಲ್ ಅಬುಧಾಬಿ

Published in : Aankri.com