ವಡ್ಲಿಮಾಂಯ್ಚೆ ರುದಾನ್ ..

ನಿದಾನಾಕ ಪುತಾ, ಆನಿ

ಜೆಂಬೆನಾಕಾ ಪುತಾ

ಆನಿ ಏಕಾ ಘಂಟ್ಯಾ ಮಣಾಸರ್

ಜಾಂಬಾಯ್ ಕಾಡಿನಾಕ ಪುತಾ...‌

ಪಾಂಚ್ ಖಣ್ ತೇರ್ಸ್ ಪುತಾ

ಕರ್ ತುಂ ಭಕ್ತಿಪಣಿ ..

ತೆದ್ನಾಂ ಮರಿ ಮಾಂಯ್  ತುಕಾ

ಭರ್ತೆಲಿ ಬೆಸಾಂವಾನಿ

ಲಾಂಬ್ ವೇಳ್ ಮಾಗ್

ದಿಂಬ್ಯೆರ್ ಪಡೊನ್ ಮಾಗ್

ತೆದ್ನಾಂ ಸರ್ಗಿಂಚೊ ಬಾಪ್

ಮಾಕ್ತೊಲೊ ತುಕಾ ಆಚರ್ಯಾನಿಂ

ವಚ್ ವಚ್ ಪುತಾ

ಇಗರ್ಜೆಕ್ ತುಂ ವಚ್

ಆಮ್ಚ್ಯಾ ಸರ್ವಾಂಚ್ಯಾ  ಗರ್ಜಾಂ ಖಾತಿರ್

ಜೆಜು ಕಡೆ ಮಾಗ್

ಘಂಟೊಬರ್ ಮೊಬಾಯ್ಲ್ 

ತುಜೆಂ ಸಾಯ್ಲೆಂಟಾರ್  ದವರ್

ದೀಷ್ಟ್ ತುಜಿ , ಜೆಜುಚ್ಯಾ

ಪಾಂಚ್ ಘಾಯಾಂಚೆರ್ ದವರ್

ಶಿಕ್ ಶಿಕ್ ಪುತಾ

ಬರೆಂ ಕರ್ನ್ ಶಿಕ್

ವಡ್ ಜಾವ್ನ್ ಪುತಾ

ತುಜ್ಯಾ ವ್ಹಡಿಲಾಂಕ್ ಸಾಂಬಾಳ್

ನಾಕಾ ನಾಕ ಪುತಾ

ವಾಯ್ಟ್ ಸವಯ್ ತುಕಾ..

ಸೊರೊ ಸಿಗ್ರೆಟ್ ನಾಕಾ ಪುತಾ

ಪಾಡ್ ಇಷ್ಟಾಂಚಿ ದೋಸ್ತಿ ನಾಕಾ

ಘೆರೆ ಘೆರೆ ಪುತಾ

ದೆವಾಚೆಂ ಬೆಸಾಂವ್ ಘೆರೆ

ತೊ ಸರ್ಗಿಂಚೊ ಬಾಪ್

ರಾಕೊನ್ ಸಾಂಬಾಳೊಂದಿ ತುಕಾ

ಜಿಯೆ ಜಿಯೆ ಪುತಾ

ಬರಿ ಜಿಣ್ ಜಿಯೆ..

ಮೆಲ್ಯಾ ಉಪ್ರಾಂತ್ ಆತ್ಮೊ

ತುಜೊ ಸರ್ಗಾರ್ ಆಸ್ತೊಲೊ ಪಳೆ!

 :- ಸುರೇಶ್ ಸಲ್ಡಾನ್, ಪನ್ವೆಲ್ ಅಬುಧಾಬಿ 

Published in : Aankri.com