ತುಜ್ಯಾ ವೆಗ್ಳಾಚಾರನ್ ..

ತುಜ್ಯಾ ವೆಗ್ಳಾಚಾರನ್ ..

ರುಕಾಕ್ ರೆವ್ಡಾಲ್ಯಾ ವಾಲಿ ಬರಿಂ

ಮೊಗಾಂತ್ ತುಜ್ಯಾ ರೆವ್ಡಾಲೊಂ

ತುಂವೆಂ ಉದ್ಕಾ ವಯ್ಲೊ ಗುಳೊ ಪುಟೆಯ್ಲಾಬರಿ

ಕಾಳಿಜ್ ಹೆಂ ಕಿಮ್ಸೊನ್ ಪುಟೊಯ್ಲೆಂ ಯ್

ದಿಸ್ ರಾತ್ ಸುಖ್ ದುಖ್ ವಿಸ್ರೊನ್

ತುಜ್ಯಾ ಮೊಗಾಕ್ ಆಶೆಲೊಂ

ಖಂಯ್ಗೀ ಆಸುಲ್ಲ್ಯಾ ಮನಾಕ್ ಮಜ್ಯಾ ಜಾಗೊವ್ನ್

ನೆಣಾರ್ಪಣಾಚೊ ವೇಸ್ ಪಾಂಗ್ರೊನ್ ಬಸ್ಲೆಂಯ್

ಜಿಣ್ಯೆಚಾ ಸುಖಾಕ್ ಲಾತ್ ಮಾರ್ನ್

ತುಜೆ ಸಂಗಿ ಜಿಣಿ ಸಾರುಂಕ್ ಆಶೆಲೊಂ

ಘರ್ಚಾಂಚೆಂ ಉತಾರ್ ಮಿರ್ವೊನ್

ತುಜ್ಯಾ ಉತ್ರಾಂಕ್ ಪಾತ್ಯೆಲೊಂ

ಬಲುನಾಂತ್  ವಾರೆಂ ಭರುಲ್ಲ್ಯಾ ಬರಿಂ

ಎಕ್ಸುರ್ಯಾ ತುಜ್ಯಾ ಜಿಣ್ಯೆಕ್ ಸಾಂಗಾತ್ ದಿಲೊ

ಉತ್ರಾಂಚೆ ಬಾಲಿಯೊ ತೊಪುನ್

ತುಜ್ಯಾ ಜಿಣ್ಯೆ ಥಾವ್ನ್ ಬಾಯ್ರ್ ಕೆಲೆಂಯ್

ಏಕ್ ಘಡಿಭರ್  ದೊಳೆ ದಾಂಪಿನಾಸ್ತಾನಾ

ತುಜ್ಯಾಚ್ ಖಂತಿನ್ ಬುಡ್ಲಾಂ ಹಾಂವ್

ತುಜೊ ವೆಗ್ಳಾಚಾರ್ ವಿಸ್ರೊಂಕ್ ಜಾಯ್ನಾಸ್ತಾನಾ

ಮೆಲ್ಯಾ ಮೊಡ್ಯಾಕ್ ಸರಿ ಜಾಲಾಂ ಹಾಂವ್ ..

:- ಸುರೇಶ್ ಸಲ್ಡಾನ್, ಪನ್ವೆಲ್ ಅಬುಧಾಬಿ 
Published in : Aankri.com