ಟಿಶ್ಯು ಪೇಪರ್ ......

ಟಿಶ್ಯು ಪೇಪರ್ ......

ಏ ಮ್ಹನ್ಯಾ....

ಮೊವಳಾಯ್ ಮ್ಹಜಿ ಪಳೆವ್ನ್

ತೊಂಡಾಚೊ ಘಾಮ್ ಪುಸೊಂಕ್

ಹಾತಾಚೊ ಚಿಕೊಳ್ ಕಾಡೊಂಕ್

ನಾಕಾಂತ್ಲೆ ಕಿರ್ಮೆಂ ಕಾಡೊಂಕ್

ದೊಳ್ಯಾಂತ್ಲೆ ಕಿಸರ್ ನಿಕ್ಳೊಂವ್ಕ್

ಓಂಟಾಚಿ ಶೆಳ್ ಪುಸೊಂಕ್

ಎಕಾಚ್ ಉತ್ರಾನ್..........

ತುಕಾ ಸಂಪುರ್ಣ್ ನಿತಳ್ ಕರೊಂಕ್

ಆನಿ ತುಜಿ ವೊಡ್ಣಿ ಥಾಂಬೊಂವ್ಕ್.....

ವಾಪಾರ್ತಾಯ್ ಮ್ಹಾಕಾ.........

ಇತ್ಲಿ ತುಜಿ ಸಾಕ್ರಿ ಕೆಲ್ಯಾಕ್

ಅಖೇರಿಕ್.....

ಚಿವ್ಡೊನ್ - ಮ್ಹುಡ್ಡೊನ್.....

ರೆವ್ಡೊನ್ - ಗುಡ್ಡೊನ್.....

ಉಡಾಯ್ತಾಯ್ ನೆಂ

ಕಸ್ರ್ಯಾ ಡಬ್ಬ್ಯಾಕ್ ಮ್ಹಾಕಾ.....

ಏ ಅನುಪ್ಕಾರಿ ಮ್ಹುನ್ಯಾ....

✍ ಸುರೇಶ್ ಸಲ್ಡಾನ್, ಪನ್ವೆಲ್ ಅಬುಧಾಬಿ

( ಟಿಶ್ಯು ಪೇಪರಾಕ್ ಏಕಾ ಚಲಿಯೆನ್ ಕರ್ಚೊ ಸಾಕ್ರಿಪಿಸ್,ತಾಕಾ ಸಮಾಜೆನ್ ವಾಪಾರ್ಚಿ ಆನಿ ಪಳೆಂವ್ಚಿ ರೀತ್ ವರ್ಣನ್ ಕರೊಂಕ್ ಪ್ರೇತನ್ ಕೆಲಾಂ)

ಬರಯ್ಣಾರಾ ವಿಶಿಂ ಜಾಣಾ ಜಾ.

ಸುರೇಶ್ ಸಲ್ಡಾನ್ಹಾ, ಪ್ರಸ್ತುತ್ ಆಭುದಾಬಿಂತ್ ವಾವ್ರ್ ಕರ್ನ್ ಆಸ್ಚೊ ಗೂಂಡ್ ಚಿಂತ್ಪಾಚೊ ಕವಿ. ಮಾಂಯ್ ಗಾಂವಾಂತ್ ಸಕಲೇಶಪುರಾಚೊ. ಪಾಟ್ಲ್ಯಾ ವೀಸ್ ವರ್ಸಾಥಾವ್ನ್ ನವಿ ಮುಂಬಯಾತ್ಲ್ಯಾ ಪನ್ವೆಲಾಂತ್ ಆಪ್ಲ್ಯಾ ಕುಟ್ಮಾ ಸವೆಂ ವಸ್ತಿ ಕರ್ನ್ ಆಸಾ. ಹಾಚಿಂ ವಿಂಚ್ಣಾರ್ ಕವನಾಂ ಮಾಂಯ್ ಭಾಸ್.ಕೊಮ್, ಕೊಂಕ್ಣಿ ಲವ್, ಆಂಕ್ರಿ, ವೀಜ್ ಹಪ್ತ್ಯಾಳೆಂ ತಸಲ್ಯಾ ಜಾಳಿ ಜಾಗ್ಯಾನಿ೦ ಪರ್ಜಳ್ಳ್ಯಾಂತ್ ತರ್, ದಿವೊ, ಕುರೊವ್ ಆನಿಂ ಝೆಲೊ ತಸಲ್ಯಾ ಕೊಂಕ್ಣೆಚ್ಯಾ ಮಾಲ್ಘಡ್ಯಾ ಪತ್ರಾನಿಂ ಫಾಯ್ಸ್ ಜಾಲ್ಯಾಂತ್. ಕಾನಡಿ ಲಿಪಿಂತ್ ವರೆಗ್ ಕವನಾಂ ಬರಯ್ಲೆಲಿ ಹೊಗ್ಳಿಕ್ ಆನಿ ಕೀರ್ತ್ ಹಾಕಾ ಫಾವೊ. ಕೊಂಕಣಿಂತ್ ಆಯ್ಲೆವಾರ್ ಸರಾಗ್ ಬರೊಂವ್ಚ್ಯಾ ಕವಿ/ಲೇಖಕಾಂ ಪಯ್ಕಿ ಎಕ್ಲೊ ಜಾವ್ನಾಸಾ. ಫೇಸ್ ಬುಕ್, ಅಂತರ್ ಜಾಳಿ ಜಾಗೆ ಆನಿ ವಾಟ್ಸಾಪ್ ಪಂಗ್ಡಾಂನಿ ಪ್ರಸ್ತುತ್ ವಿಷಯಾಂ ವಯ್ರ್ ಬರಯ್ತಾ. ಕವಿತಾ ಕಾಮಾ ಶಾಳಾಂನಿ ಚುಕಾನಾಸ್ತಾಂ ಪಾತ್ರ್ ಕಾಣ್ಘೆತಾ. ಆಪುಟ್ ಕೊಂಕಣಿ ಮೊಗಿ ಜಾವ್ನಾಸಾ.

ಟಿಶ್ಯು ಪೇಪರ್ ......

0 comments:

Post a Comment

Translate

ಪಿರ್ಗಜೆಂತ್ಲ್ಯಾ ಖೆಳಾ ಪಂದ್ಯಾಂತ್ ವ್ಹೆಳಾ/