ತುಜ್ಯಾ ಹುನುನಿ.....

ತುಜ್ಯಾ ಹುನುನಿ.....

ಏ ಮೊಗಾ‌..

ತುಜ್ಯಾ ಹುನುನಿ

ಉಸ್ವಾಸಾಕ್ ಲಾಗೊನ್

ಮ್ಹಜ್ಯಾ ಸ್ವಪ್ಣಾಂತ್ಲಿ

ಪುಲಾಂ ಉಲ್ಪೊನ್ ಗೆಲಿಂ

ತುಜ್ಯಾ ದೊಳ್ಯಾನಿಂ

ದೆವ್ಲೆಲ್ಯಾ ದು:ಖಾನಿಂ

ಮನಾಂತ್ ಸೊಡೆಯಿಲ್ಲಿಂ

ಪಿಂತುರಾಂ ಮಾಜ್ವೊನ್ ಗೆಲಿಂ

ತುಜ್ಯಾ ಪಾಯಾಂಚ್ಯಾ

ವಜನಾಕ್ ಲಾಗೊನ್

ಮ್ಹಜೆರ್ ಉಬ್ಜಾಲ್ಲಿಂ

ಕುಶೆಚಿಂ ಲಾರಾಂ ಪಿಗ್ಳೊನ್ ಗೆಲಿಂ

ತುಜ್ಯಾ ಹಂಕಾರಾಕ್

ಮ್ಹಜ್ಯಾ ಶಾಂತಿಚ್ಯಾ ಸುಕ್ಣ್ಯಾಂಚಿ

ಪಾಕಾಂ ಮೊಡೊನ್

ಸಕ್ಲಾ ಪಡೊನ್ ಮೊರೊನ್ ಗೆಲಿಂ

ತುಜ್ಯಾ ದುಖಿಚ್ಯಾ

ಪಿಂರ್ಗೊಣೆಕ್ ಪಳೆವ್ನ್

ಮಜಿಂ ರಾಗಾಚಿಂ ಖುಣಾಂ

ಗಳ್ಯಾಂತುಚ್ ಲಾಸೊನ್ ಗೆಲಿಂ!

✍ ಸುರೇಶ್ ಸಲ್ಡಾನ್, ಪನ್ವೆಲ್ ಅಬುಧಾಬಿ