ಗಲ್ಪಾಗಾರ್

ಗಲ್ಪಾಗಾರ್

ಗಾಂವ್ಚ್ಯಾ ಬಾಯ್ಲಾಂಕ್ ಖಂತ್ ಮ್ಹಜಿ
ವಿಸಾರ್ತಾತ್ ಅವಯ್ ಲಾಗಿಂ
ಪುತ್ ತುಜೊ ಖ್ಯೆಂಸರ್ ಆಸಾ ಗೆ....???
ಆವಯ್ ಮ್ಹಜಿ ಭೊವ್ ಮೊವಾಳ್
ಹಾಡ್ನ್ ಕಷ್ಟಾಂಚೊ ಹಾಸೊ ತೊಂಡಾರ್
ಸಾಂಗಲಾಗ್ಲಿ ಆಸಾ ಗೆ ತೊ ಪರ್ಗಾವಾಂತ್ ....

ನಾ ತಾಕಾ ಖಂಚೆಯ್ ಕುಟ್ಮಾ ಫೆಸ್ತ್
ನಾ ತಾಕಾ ಖಂಚೆಯ್ ಕಾಜಾರಾ ಸಂಭ್ರಮ್
ನಾ ತಾಚೊ ಕೊಣಿ ಕರಿನಾಂತ್ ಅಚಾರ್ - ವಿಚಾರ್
ನಾ ಕೊಣಾಯ್ಕಿ ತಾಚೆ ವಿಶೆಂತ್ ಕಸ್ಲಿಚ್ ಮಾಯೆತ್ ...

ವಡ್ಲೆಂ ಕುಟಾಮ್ ಘರ್ ಭರ್ ಮ್ಹನ್ಶಾಂ
ಆಸುಲ್ಯಾ ಭಯ್ಣಾಂಚೆ ಕಾಜಾರ್  ಗೌಜೆನ್ ಕೆಲಾಂ
ಕಾಡುಲ್ಲೆಂ ರೀಣ್ ಪಾರಿಕ್ ಕರೊಂಕ್
ಪುರ್ತೆಂ ಜೀವನ್ ಕುಟ್ಮಾವಿಣೆಂ ವರಯ್ಲೆಂ

ರಾವೊಂಕ್ ಏಕ್ ಗೊಂಟೆರ್ ಜಾಯ್
ಆವಯ್ ಬಾಪಾಯ್ಕ್ ಏಕ್ ಪಾಕೆಂ ಜಾಯ್
ಬಾವಾಂಕ್ ಏಕ್ ಬರೊ ಪುಡಾರ್ ಜಾಯ್
ಹಾಚೆಕಾತಿರ್ ಮೊರ ಪರ್ಯಾಂತ್ ಗೊಳೊಂಕ್ ಜಾಯ್

ಉಣುನಿ ರೆಂವೆರ್ ಪಾಯ್ ಉಲ್ಪಾಯ್ಲೆ
ತಾಪ್ಚ್ಯಾ ವೊತಾನ್ ಘಾಮಾನ್ ನಾಣಯ್ಲೆಂ
ಸುಕ್ಯಾ ಬಾಕ್ರೆನ್ ಪೊಟಾ ಬುಕ್ ಥಾಂಬಯ್ಲೆಂ
ಆರಾಮಾವಿಣ್ ಗಾಡ್ವಾ ಬರಿ ಗೊಳಾಯ್ಲೆ.

ಏಕಾ ಮ್ಹಹಿನ್ಯಾಂತ್ ಮೆಳ್ಚ್ಯಾ ಕುಶೆಕ್
ಇಕ್ರಾ ಮ್ಹಹಿನೆ ಏಕ್ಸುರ್ಪಾಣಾಂತ್ ಖರ್ಚಿಲ್ಲೆ
ಪಿಡಾಶಿಡಾ ಅಯ್ಲಾರಿ ಕೊಣ್ಂಚ್ ಸಂಗಿ ನಾತುಲ್ಲೆ
ದುಸ್ರಾಂಚ್ಯಾ ಕುಶೆಕ್ ಅಪ್ಲೆಂ ಜಿವಿತ್ ಅರ್ಪಿಲ್ಲೆಂ

ಮೊಸ್ರಿ ಜಣಾಂ ಉಜೊ ವೊಂಕ್ತಾತ್
ದುಬಾಂಯ್ಚೆ ಪಯ್ಶೆ ಮ್ಹಣ್ ವೊಲೊಂಕ್ ಲಾಗ್ತಾತ್.
ಪಾಪ್ ಬಾವ್ಡೊ ತೊ ತಿಶಿನ್ ಮೊರೊಂಕ್ ನಂಯ್
ಇವ್ಶಿನ್ ಜಿಯೆಂವ್ಕ್ ನಂಯ್ ಮ್ಹಣ್
ಜೀವನ್ ಮರ್ಣಾಂ ಮದೆಂ ಅಸಾ ತೊ ಜಿವಿತ್ ಸರಾತ್ ..

ಅಜುನಿ ಗಾಂವ್ಚಿ ಬಾಯ್ಲಾಂ ವಿಸರ್ನ್ ಅಸಾತ್
ತುಜೊ ಪುತ್ ಖ್ಯೆಂಸರ್ ಅಸಾ ಗೆ..???
ತೊಂಡಾರ್ ಮಿರಿಯೊ ಪಡುಲ್ಲಿ ಅವಯ್ ಮ್ಹಜಿ ಅಸಾ ಸಾಂಗಾತ್ ..
ಮ್ಹಜೊ ಪುತ್ ಆಸಾ ಗೆ ಪರ್ಗಾವಾಂತ್.

ಕೊಂಕ್ಣೆಕ್ ✍ ಸುರೇಶ್ ಸಲ್ಡಾನ್, ಪನ್ವೆಲ್, ಅಬುಧಾಬಿ.

*ಮೂಳ್ :- ತುಳು ಕವನ್ ಏಕ್ ವಾಟ್ಸಾಪಾರ್ ವಾಳೊನ್ ಆಯಿಲ್ಲೆಂ,ತಾಕ ಇಲ್ಲೆಂ ಚಡಿತ್ ಸಬ್ದ್ ಗುಂತೊನ್ ಕೊಂಕ್ಣೆಕ್ ಅನುವಾದಿತ್ ಕೆಲಾಂ. ತುಳ್ವೆಂತ್ ಹೆಂ ಕವನ್ ಬರಯಿಲ್ಲೊ ಕವಿ ಕೊಣ್ ತೆಂ ಹಾಂವ್ ನೆಣಾಂ, ತ್ಯಾ ಕವಿಕ್ ಮ್ಹಜೊ ಪ್ರಣಾಮ್. ಬರೆಂ ಕರ್ನ್ ಗಲ್ಪಾಗಾರಂಚೆ ಕಷ್ಷ್ ವರ್ಣನ್ ಕೆಲ್ಯಾಕ್.*