ಸ್ವಪ್ಣಾ ಕುಂವರಿ..

ಕಳಿತ್ ನಾ ಮಾಕಾ ಕಿತ್ಯಾಕ್

ತಿತ್ಲೊಯ್ ಅಂಗಲಾಪ್ ..

ತುಜ್ಯಾ ದೊಳ್ಯಾಂತ್

ಮ್ಹಜೆ ತೆ ದೊಳೆ ಮೆಳೊಂವ್ಕ್

ಕಳಿತ್ ನಾ ಮಾಕಾ ಕಿತ್ಯಾಕ್

ತಿತ್ಲೊಯ್ ಅಮ್ಸೊರ್

ತುಕಾ ಯೇವ್ನ್ ವೆಗಿಂಚ್ಯಾಕ್

ವೆಡೊ ಗಾಲುಂಕ್

ದೊಳ್ಯಾಂಚ್ಯಾ ನದ್ರೆ ಥಾವ್ನುಚ್

ತುಂವೆಂ ಸೊಡಯ್ಲೆಂಯ್ ..

ರಂಗ್ ರಂಗಾಚಿ ರಂಗೋಲಿ

ಮಜ್ಯಾ ಕಾಳ್ಜಾಂತ್.

ತೆದ್ನಾಂಚ್ ಹಾಂವ್

ಸಂಪೂರ್ಣ್ ಥರಾನ್ ಸಲ್ವಾಲೊಂ ಗೊ

ತುಜ್ಯಾ ತ್ಯಾ ಮೊಗಾಂತ್ ..

ದಿಷ್ಟೆಕ್ ದಿಸ್ಚೆಂ ಸಗ್ಳೆಂಚ್

ಪುಸುನ್ ಉಡೊನ್

ಆಸಾಂ ತುಜೆಂ ಸೊಭಿತ್

ಮುಖಾಮೊಳ್  ನಿಯಾಳುನ್

ಗಾವ್ನ್ ಆಸಾಂ ಲದಿನೆ ಬರಿ

ತುಜೆಂಚ್ ನಾಂವ್  ಮನಾಂತ್

ಏಕ್ ಪಾವ್ಟಿಂ ಪುಣಿ ಯೆಗೊ

ಮಜ್ಯಾ ಜಿಣ್ಯೆ ಕಾಳ್ಜಾಂತ್

ಸಪಾಣ್ ತೆಂ ಸಪಾಣ್

ಜಾಂವ್ಕ್ ಸೊಡಿನಾಸ್ತಾನ..

ಜೀವಿತಾಂತ್ ವಾಟ್

ದಾಕೊಂವ್ಕ್ ಯೆಗೊ..

ತುಜ್ಯಾ ಖಾತಿರ್ ಮಣ್

ಸಜೊವ್ನ್ ಧರುಲ್ಲ್ಯಾ

ಉಬೆಚ್ಯಾ ವೆಂಗೆಂತ್ ರಾಜ್

ಕರೊಂಕ್ ತುಂ ಯೆಗೊ ...

: - ಸುರೇಶ್ ಸಲ್ಡಾನ್, ಪನ್ವೆಲ್ ಅಬುಧಾಬಿ

Published in  :  Aankri .com