ಫೇಸ್ ಬುಕಾಚಿ ಕಥಾ...

ಉಗೊಡ್ಲೊ ಹಾಂವೆಂ ಫೇಸ್ ಬುಕ್ 

ಕಿತ್ಲೊ ಸೊಬಿತ್ ತಾಚೆಂ ಲುಕ್ 

ಸಬಾರಾಂಕ್ ಜಾತಾ ಟಾಯ್ಮ್ ಪಾಸ್

ಥೊಡ್ಯಾಂಕ್ ಜಾತಾ ಬಕ್ವಾಸ್

ಫೇಸ್ ಬುಕಾರ್ ಮೆಳುಲ್ಲಿಂ ಫ್ರೆಂಡ್ಸಾಂ

ಪುನ್ವೆಚ್ಯಾ ಪ್ರಕಾಶಿ ಚಂದ್ರಾಬರಿ

ಸುರ್ವೆರ್ ಉಜ್ವಾಡ್ ಪಾಂಕೊವ್ನ್

ಮಾಯಾಗ್ ಜಾತಾತ್ ಅಮಾಸೆ ರಾತಿಬರಿ

ಸೊಬಿತ್ ಚೆಡ್ವಾಕ್ ದೆಖ್ತಾಚ್

ಧಾಡ್ತಾತ್ ತಾಕಾ ಫ್ರೆಂಡ್ ರಿಕ್ವೆಸ್ಟ್

ರಾಕೊನ್ ಆಸ್ತಾತ್ ಗಿದಾಬರಿ.

ಕೆದ್ನಾ ಕರಿತ್ ತೆಂ ಎಕ್ಸೆಪ್ಟ್

ಧಾಡ್ತಾತ್ ಮೆಸೇಜ್ ಇನ್ ಬೊಕ್ಸರ್

ಹೊಗೊಳ್ಸಿತಾತ್   ತಾಕಾ ವಾರ್ರ್ಯಾರ್

ತಾಚಿ ಪುಣಿ ಜಾಪ್ ಆಯ್ಲಿ ತರ್ 

ಉಬೊಂಕ್ ಲಾಗ್ತಾತ್ ಮಳ್ಬಾರ್

ಸುರ್ವೆರ್ ಉಲಯ್ತಾತ್ ದಿಸ್ ಬರ್

ಉಪ್ರಾಂತ್ ಯೆತಾತ್ ಘಂಟೊಬರ್

ಮಾಗಿರ್ ಮಾಗಿರ್ ಮಿನುಟ್ ಬರ್

ಅಚಾನಾಕ್ ಮಾಯಾಗ್ ಜಾತಾತ್ ಹಫ್ತೊ ಬರ್

ನಮುನ್ಯಾ ನಮುನ್ಯಾ ಮೊಬಯ್ಲಾರ್

ಸೆಲ್ಪಿ ಕಾಡ್ನ್ ತಾಕಾ ಇಲ್ಲಿ ಸೊಭಾಯ್ ದಿವುನ್

ಫೇಸ್ ಬುಕಾರ್ ಅಪ್ ಲೋಡ್ ಕರುನ್

ಲೈಕ್ಸ್ ಖಾತಿರ್ ಆಸ್ತಾತ್  ರಾಕೊನ್ .

ಭಾವಾ ಹ್ಯಾ ಫೇಸ್ಬಕಾಕ್ ಲಾಗೊನ್

ಕಿತ್ಲಿಶಿ ಕುಟ್ಮಾ ಗೆಲ್ಯಾಂತ್ ವಿಬಾಡುನ್

ಅಜೂನಿ ಆಸಾತ್ ಥೊಡಿಂ ರಿಕ್ವೆಸ್ಟ್ ಧಾಡುನ್

ಎಕ್ಸೆಪ್ಟ್ ಕರಿತ್ ಮ್ಹಳ್ಳಿ ಆಶಾ ಮೊತಿಂತ್ ಖಂಚಾವ್ನ್.

 : - ಸುರೇಶ್ ಸಲ್ಡಾನ್, ಪನ್ವೆಲ್ ಅಬುಧಾಬಿ

Published in  :  Aankri .com