ವ್ಹಯ್ ಮ್ಹಜ್ಯಾ ಆವಯ್...ವರ್ಣುಂ ಕಶಿ ತುಜಿ ಸೊಭಾಯ್....?

ಲಾಖ್ ಬೂಕ್ ಮ್ಹಾಕಾ ಪಾಂವ್ಚೆನಾಂತ್

ತುಜೆಂ ವಿಶಿಂ ಬರೊಂವ್ಕ್

ಕರೊಡೊ ಉತ್ರಾಂ ಮ್ಹಾಕಾ ಪಾಂವ್ಚೆನಾಂತ್

ಗುಣ್ ತುಜೆಂ ವರ್ಣುಂಕ್

ರಡ್ತಾನಾ ಪಾನೊ ದಿವೊನ್, ಪಡ್ತಾನಾ ಹಾತ್ ಧರೊನ್

ನಿದ್ತಾನಾ ಪಾಸ್ಳೆಂತ್ ಘೆವೊನ್, ಶಿಕ್ತಾನಾ ಬೂಕ್ ಧರೊನ್ 

ಪಿಡೆಂತ್ ಅಸ್ತಾನಾ ನಿದ್ ಖಳೊನ್, ಭುಕ್ ಲಾಗ್ತಾನಾ ತೊಂಡಾಕ್ ಲಾವೊನ್

ಜತನ್ ಮ್ಹಜಿ ಘೆತ್ಲಿಯ್ ಸಬಾರ್ ಕಶ್ಟ್ ಸೊಸುನ್

ಮಾಂಯ್-ಮಾಂವಾಕ್ ಸುನ್ ಜಾವ್ನ್, ಪತಿಕ್ ತುಜ್ಯಾ ಪತಿಣ್ ಜಾವ್ನ್

ಭಂವ್ಡಾಂಕ್ ತುಜ್ಯಾ ಭಯ್ಣ್ ಜಾವ್ನ್, ಭುರ್ಗ್ಯಾಂಕ್ ಮೊಗಾಚಿ ಆವಯ್ ಜಾವ್ನ್,

ಚೋವಿಸ್ ವ್ಹರಾಂ ಘೊಳ್ತಾಯ್ ವಿಶೆವ್ ಘೆನಾಸ್ತಾನಾ...

ಆಪುಣ್ ಥಕ್ಲ್ಯಾರಿ ಕಾಮ್ ಕರಿತ್ತ್ ಅಸ್ತಾಯ್ ಕೊಣಾಯ್ಕಿ ಸಾಂಗಾನಾಸ್ತಾನಾ

ಉತ್ರಾಂ ಮ್ಹಾಕಾ ಮೆಳಾನಾಂತ್ ಉಪ್ಕಾರ್ ತುಜೊ ಆಟಂವ್ಕ್

ರಾಕತ್ ಆಸಾ ಹರ್ಯೆಕ್ ಘಡಿ ಯೇವ್ನ್ ತುಕಾ ವೆಡೊ ಘಾಲುಂಕ್

ಆಶೆತಾಂ ಕಾಳಿಜ್ ಮ್ಹಜೆಂ ಸದಾಂನೀತ್ ಉಸ್ಕ್ಯಾರ್ ತುಜ್ಯಾ ನಿದೊಂವ್ಕ್

ಲಾಲೆತಾ ಮ್ಹನ್ ಮ್ಹಜೆಂ.. ತುಜ್ಯಾ ಹಾತಾಂತ್ಲಿ ದೋನ್ ಉಂಡಿ ಖಾಂವ್ಕ್

ಮಮ್ಮಿ ಸಂಸಾರಾಂತ್ ನಾ ತುಜ್ಯಾಕಿ ಮೊಳಾಧಿಕ್ ವಸ್ತ್

ತುಂ ಜಾವ್ನ್ ಆಸಾಯ್ ಮ್ಹಜಿ ಮೊಗಾಚಿ ಆಸ್ತ್

ಮ್ಹಜೊ ಜೀವ್ ಆಸ್ಚ್ಯಾ ಮ್ಹಣಾಸರ್ ತುಕಾ ವಿಸ್ರೊಂಚೊನಾ

ಕೆದಿಂಚ್ ತುಜ್ಯಾ ದೊಳ್ಯಾಂನಿ ದು:ಖಾ ಯೇಂವ್ಕ್ ಸೊಡಿಸೊನಾ

:- ಸುರೇಶ್ ಸಲ್ಡಾನ್, ಪನ್ವೆಲ್ ಅಬುಧಾಬಿ

(ಹೆಂ ಕವನ್ ಮ್ಹಜೆಂ, ಮ್ಹಜ್ಯಾ ಆವಯ್  ಸಾಂಗಾತಾ ಸಂಸಾರಾಂತ್ಲ್ಯಾ ಸರ್ವ್ ಆವಯಾಂಕ್ ಅರ್ಪಿತ್ ಕರ್ತಾಂ)

Published in  : Maibhaas.com