ಕಾಳ್ಜಾಂತ್ ರಿಗ್ಲೆಲೆಂ ಚೆಡುಂ..

ಕೊರೊಡೊ ನೆಕೆತ್ರಾಂ ಮೊಳ್ಬಾರ್

ಪರ್ಜಳ್ತಾತ್ ತರಿ....

ತಾಂತ್ಲೆ ಏಕ್ ನೆಕೆತ್ರ್ ಮಾತ್ರ್

ಚಡ್ ಪರ್ಜಳ್ಚೆಂ ತೆಂ ಖರೆಂ...

ಲಾಖೊಂ ಪುಲಾಂ ವೊಡ್ತಾಂತ್

ಪುಲೊನ್ ಆಸ್ಲ್ಯಾರಿ...

ತಾಂತ್ಲೆ ಏಕ್ ಪುಲ್ ಮಾತ್ರ್

ಚಡ್ ಆಕರ್ಸಿತ್ ಜಾಂವ್ಚೆಂ ತೆಂ ಖರೆಂ...

ಹಜಾರ್ ಲಾರಾಂ ತಿಂ ತಡಿಕ್

ಆಪ್ತಾತಿತ್ ತರಿ...

ತಾಂತ್ಲೆ ಏಕ್ ಲಾರ್ ಮಾತ್ರ್

ಮ್ಹನ್ ಆಮ್ಚೆಂ ಪಿಸ್ವೊಂಚೆ ತೆಂ ಖರೆಂ...

ಮಿಲಿಯನ್ ಚೆಡ್ವಾಂ ಸಂಸಾರಾಂತ್

ಆಸಾತ್ ತರಿ...

ತಾಂತ್ಲೆ ಏಕ್ ಚೆಡುಂ ಮಾತ್ರ್

ಆಮ್ಚ್ಯಾ ಕಾಳ್ಜಾಂತ್ ರಿಗ್ಚೆಂ ತೆಂ ಖರೆಂ...

ಏ ಚೆಡ್ವಾ......

ತುಂಚ್ ಗೊ ತೆಂ...

ಚಡ್ ಪರ್ಜಳ್ಚೆಂ ನೆಕೆತ್ರ್....

ಚಡ್ ಆಕರ್ಸಿತ್ ಜಾಂವ್ಚೆಂ ಫುಲ್....

ಮ್ಹನ್ ಪಿಸ್ವೊಂಚೆ ತೆಂ ಲಾರ್.....

ಮ್ಹಜ್ಯಾ ಕಾಳ್ಜಾಂತ್ ರಿಗ್ಲೆಲೆಂ ತೆಂ ಚೆಡುಂ....

: -ಸುರೇಶ್ ಸಲ್ಡಾನ್, ಪನ್ವೆಲ್, ಆಬುಧಾಬಿ.

ಬರಯ್ಣಾರಾ ವಿಶಿಂ ಜಾಣಾ ಜಾ.

ಸುರೇಶ್ ಸಲ್ಡಾನ್ಹಾ, ಪ್ರಸ್ತುತ್ ಆಭುದಾಬಿಂತ್ ವಾವ್ರ್ ಕರ್ನ್ ಆಸ್ಚೊ ಗೂಂಡ್ ಚಿಂತ್ಪಾಚೊ ಕವಿ. ಮಾಂಯ್ ಗಾಂವಾಂತ್ ಸಕಲೇಶಪುರಾಚೊ. ಪಾಟ್ಲ್ಯಾ ವೀಸ್ ವರ್ಸಾಥಾವ್ನ್ ನವಿ ಮುಂಬಯಾತ್ಲ್ಯಾ ಪನ್ವೆಲಾಂತ್ ಆಪ್ಲ್ಯಾ ಕುಟ್ಮಾ ಸವೆಂ ವಸ್ತಿ ಕರ್ನ್ ಆಸಾ. ಹಾಚಿಂ ವಿಂಚ್ಣಾರ್ ಕವನಾಂ ಮಾಂಯ್ ಭಾಸ್.ಕೊಮ್, ಕೊಂಕ್ಣಿ ಲವ್, ಆಂಕ್ರಿ, ವೀಜ್ ಹಪ್ತ್ಯಾಳೆಂ ತಸಲ್ಯಾ ಜಾಳಿ ಜಾಗ್ಯಾನಿ೦ ಪರ್ಜಳ್ಳ್ಯಾಂತ್ ತರ್, ದಿವೊ, ಕುರೊವ್ ಆನಿಂ ಝೆಲೊ ತಸಲ್ಯಾ ಕೊಂಕ್ಣೆಚ್ಯಾ ಮಾಲ್ಘಡ್ಯಾ ಪತ್ರಾನಿಂ ಫಾಯ್ಸ್ ಜಾಲ್ಯಾಂತ್. ಕಾನಡಿ ಲಿಪಿಂತ್ ವರೆಗ್ ಕವನಾಂ ಬರಯ್ಲೆಲಿ ಹೊಗ್ಳಿಕ್ ಆನಿ ಕೀರ್ತ್ ಹಾಕಾ ಫಾವೊ. ಕೊಂಕಣಿಂತ್ ಆಯ್ಲೆವಾರ್ ಸರಾಗ್ ಬರೊಂವ್ಚ್ಯಾ ಕವಿ/ಲೇಖಕಾಂ ಪಯ್ಕಿ ಎಕ್ಲೊ ಜಾವ್ನಾಸಾ. ಫೇಸ್ ಬುಕ್, ಅಂತರ್ ಜಾಳಿ ಜಾಗೆ ಆನಿ ವಾಟ್ಸಾಪ್ ಪಂಗ್ಡಾಂನಿ ಪ್ರಸ್ತುತ್ ವಿಷಯಾಂ ವಯ್ರ್ ಬರಯ್ತಾ. ಕವಿತಾ ಕಾಮಾ ಶಾಳಾಂನಿ ಚುಕಾನಾಸ್ತಾಂ ಪಾತ್ರ್ ಕಾಣ್ಘೆತಾ. ಆಪುಟ್ ಕೊಂಕಣಿ ಮೊಗಿ ಜಾವ್ನಾಸಾ.

ಕಾಳ್ಜಾಂತ್ ರಿಗ್ಲೆಲೆಂ ಚೆಡುಂ..

0 comments:

Post a Comment

Translate

ಪಿರ್ಗಜೆಂತ್ಲ್ಯಾ ಖೆಳಾ ಪಂದ್ಯಾಂತ್ ವ್ಹೆಳಾ/