ಮೊಗಾಚೊ ಖೆಳ್ ಖೆಳೊನ್
ಕಾಳ್ಜಾಂತ್ ಮ್ಹಜ್ಯಾ ಬಸೊನ್
ನಶಿಬಾಂತ್ ಮ್ಹಜ್ಯಾ ರಿಗೊನ್
ದುಃಖಾ ಖೊಂಡಾಂತ್ ಬುಡಯ್ಲೆಲ್ಯಾ ಚೆಡ್ವಾ
ತುಕಾ ದೇವ್ ಬೊರೆಂ ಕರುಂ
ನಿದೆಂತ್ಲೆಂ ಮ್ಹಾಕಾ ಜಾಗೊವ್ನ್
ಮೊಗಾಚೆಂ ಲಿಸಾಂವ್ ಶಿಕೊವ್ನ್
ಮತ್ ಮ್ಹಜಿ ಪಿಶಿ ಕರೊನ್
ಆತಾಂ ನೆಣಾರ್ಯಾಚೊ ವೇಸ್ ಪಾಂಗ್ರೊನ್ ಆಸ್ಚ್ಯಾ ಚೆಡ್ವಾ
ತುಕಾ ದೇವ್ ಬೊರೆಂ ಕರುಂ
ಸದಾಂಯ್ ತುಜ್ಯಾಚ್ ಯಾದಿನ್
ಭಲಾಯ್ಕಿ ಮ್ಹಜಿ ವಿಬಾಡುನ್
ಆಸ್ಪತ್ರೆಚ್ಯಾ ಖಟ್ಲ್ಯಾರ್ ನಿದೊನ್
ಜೀವನ್ - ಮರ್ಣಾ ಮದೆಂ ಜುಜೊಂಕ್ ಕೆಲ್ಲ್ಯಾ ಚೆಡ್ವಾ
ತುಕಾ ದೇವ್ ಬೊರೆಂ ಕರುಂ
ಸುರೇಶ್ ಸಲ್ಡಾನ್, ಪನ್ವೆಲ್ ಅಬುಧಾಬಿ
Published in : Aankri.com
