ಏಕ್ಸುರಾಯ್

ಕುಟ್ಮಾಚ್ಯಾ

ಬರ್ಯಾಪಣಾಕ್ ಆಶೆವ್ನ್

ಸಾತ್ ದರ್ಯೊ ಉತ್ರೊನ್

ಗಲ್ಪಾಕ್ ವೆತಾನಾ...

ದೊನ್ ಕಾಳ್ಜಾಂ

ತಿಂ ಪಯ್ಸ್ ಜಾಲಿಂ ...

ಗೊಂಟೆರಾಂತ್ಲಿಂ ಸುಕ್ಣಿಂ

ತಿಂ ಮೆಕ್ಳಿಂ ಜಾಲ್ಯಾಬರಿ...

ತೆಂ ಥ್ಯೆಂ ಏಕ್ಸುರೆಂ

ತೊ ಥ್ಯೆಂ ಏಕ್ಸುರೊ‌...

ಕಷ್ಟ್ ಅನ್ವಾರಾಂತ್ .‌..

ವೆಂಗೊಂಕ್ ನಾ ಸಾಂಗಾತಿನ್

ಭುಜ್ವೊಂಕ್ ನಾ ಪತಿಣ್

ದೊಳ್ಯಾನಿಂ ಸರಾಗ್

ದೆಂವ್ಚ್ಯಾ ಯ್ಯಾ

ದುಃಖಾಂಕ್ ಉಶೆಂಚ್

ಜಾಲಾಂ ಪತಿ - ಪತಿಣ್

✍ ಸುರೇಶ್ ಸಲ್ಡಾನ್ - ಪನ್ವೆಲ್, ಅಭುದಾಬಿ

ಬರಯ್ಣಾರಾ ವಿಶಿಂ ಜಾಣಾ ಜಾ.

ಸುರೇಶ್ ಸಲ್ಡಾನ್ಹಾ, ಪ್ರಸ್ತುತ್ ಆಭುದಾಬಿಂತ್ ವಾವ್ರ್ ಕರ್ನ್ ಆಸ್ಚೊ ಗೂಂಡ್ ಚಿಂತ್ಪಾಚೊ ಕವಿ. ಮಾಂಯ್ ಗಾಂವಾಂತ್ ಸಕಲೇಶಪುರಾಚೊ. ಪಾಟ್ಲ್ಯಾ ವೀಸ್ ವರ್ಸಾಥಾವ್ನ್ ನವಿ ಮುಂಬಯಾತ್ಲ್ಯಾ ಪನ್ವೆಲಾಂತ್ ಆಪ್ಲ್ಯಾ ಕುಟ್ಮಾ ಸವೆಂ ವಸ್ತಿ ಕರ್ನ್ ಆಸಾ. ಹಾಚಿಂ ವಿಂಚ್ಣಾರ್ ಕವನಾಂ ಮಾಂಯ್ ಭಾಸ್.ಕೊಮ್, ಕೊಂಕ್ಣಿ ಲವ್, ಆಂಕ್ರಿ, ವೀಜ್ ಹಪ್ತ್ಯಾಳೆಂ ತಸಲ್ಯಾ ಜಾಳಿ ಜಾಗ್ಯಾನಿ೦ ಪರ್ಜಳ್ಳ್ಯಾಂತ್ ತರ್, ದಿವೊ, ಕುರೊವ್ ಆನಿಂ ಝೆಲೊ ತಸಲ್ಯಾ ಕೊಂಕ್ಣೆಚ್ಯಾ ಮಾಲ್ಘಡ್ಯಾ ಪತ್ರಾನಿಂ ಫಾಯ್ಸ್ ಜಾಲ್ಯಾಂತ್. ಕಾನಡಿ ಲಿಪಿಂತ್ ವರೆಗ್ ಕವನಾಂ ಬರಯ್ಲೆಲಿ ಹೊಗ್ಳಿಕ್ ಆನಿ ಕೀರ್ತ್ ಹಾಕಾ ಫಾವೊ. ಕೊಂಕಣಿಂತ್ ಆಯ್ಲೆವಾರ್ ಸರಾಗ್ ಬರೊಂವ್ಚ್ಯಾ ಕವಿ/ಲೇಖಕಾಂ ಪಯ್ಕಿ ಎಕ್ಲೊ ಜಾವ್ನಾಸಾ. ಫೇಸ್ ಬುಕ್, ಅಂತರ್ ಜಾಳಿ ಜಾಗೆ ಆನಿ ವಾಟ್ಸಾಪ್ ಪಂಗ್ಡಾಂನಿ ಪ್ರಸ್ತುತ್ ವಿಷಯಾಂ ವಯ್ರ್ ಬರಯ್ತಾ. ಕವಿತಾ ಕಾಮಾ ಶಾಳಾಂನಿ ಚುಕಾನಾಸ್ತಾಂ ಪಾತ್ರ್ ಕಾಣ್ಘೆತಾ. ಆಪುಟ್ ಕೊಂಕಣಿ ಮೊಗಿ ಜಾವ್ನಾಸಾ.

ಏಕ್ಸುರಾಯ್

0 comments:

Post a Comment

Translate

ಪಿರ್ಗಜೆಂತ್ಲ್ಯಾ ಖೆಳಾ ಪಂದ್ಯಾಂತ್ ವ್ಹೆಳಾ/