ಪಾವ್ಶ್...

ಪಾವ್ಶ್...

ಹಾತಾಂತ್ ಬುಕ್ಕೊ ಗೆವುನ್

ಗಳ್ಯಾಂತ್ ಝೆಲೊ ಗಾಲೊನ್

ಹಾತಾಕ್ ಹಾತ್ ದರೊನ್

ಚಲಾತ್ ತೆಂ ಗೆಲೆಂ ....

ಮಾಕಾ ಪಾಟ್ ಕರೊನ್......

ತೆದ್ನಾಂ......

ತಾಚ್ಯಾ ಹೇಳ್ಕೆವಿಣೆಂ

ಶಿರಾಂದರಿಚೊಪಾವ್ಶ್ ತೊ ವೊತ್ಲೊ....

ತಸಲೊ ಪಾವ್ಶ್ ವೊತಿತ್

ಮ್ಹುಳ್ಳಿ ಜಳಕ್ ಮಾಕ ಅಸುಲ್ಲಿ...

ವೊತುಲ್ಯಾ ಪಾವ್ಶಾಕ್

ಚೆಡುಂ ತೆಂ ನಾಚ್ಲೆಂ...

ಆಪ್ಲಿ ಪ್ರಾಯ್ ತಿ ವಿಸ್ರೊನ್

ಏಕ್ ಲ್ಹಾನ್ ಬುರ್ಗ್ಯಾ ಬರಿ....

ತಾಚ್ಯಾ ಕುಶೆಕ್ ಡೊಡ್ತೆಂ

ಕೆಲ್ಲೊ ತೊ ಪಾವ್ಶ್......

ಮ್ಹಜ್ಯಾ ದೊಳ್ಯಾಂ ಥಾವ್ನ್

ದೆಂವ್ಚಿ ತಿಂ ಸರಾಗ್ ದುಃಖಾಂ

ಮ್ಹಣ್ ಕೆದಿಂಚ್ ತಾಕಾ

ಕಳಾನಾ ಜಾಂವ್...........

✍ಸುರೇಶ್ ಸಲ್ಡಾನ್, ಪನ್ವೆಲ್, ಅಬುಧಾಬಿ.

ಬರಯ್ಣಾರಾ ವಿಶಿಂ ಜಾಣಾ ಜಾ.

ಸುರೇಶ್ ಸಲ್ಡಾನ್ಹಾ, ಪ್ರಸ್ತುತ್ ಆಭುದಾಬಿಂತ್ ವಾವ್ರ್ ಕರ್ನ್ ಆಸ್ಚೊ ಗೂಂಡ್ ಚಿಂತ್ಪಾಚೊ ಕವಿ. ಮಾಂಯ್ ಗಾಂವಾಂತ್ ಸಕಲೇಶಪುರಾಚೊ. ಪಾಟ್ಲ್ಯಾ ವೀಸ್ ವರ್ಸಾಥಾವ್ನ್ ನವಿ ಮುಂಬಯಾತ್ಲ್ಯಾ ಪನ್ವೆಲಾಂತ್ ಆಪ್ಲ್ಯಾ ಕುಟ್ಮಾ ಸವೆಂ ವಸ್ತಿ ಕರ್ನ್ ಆಸಾ. ಹಾಚಿಂ ವಿಂಚ್ಣಾರ್ ಕವನಾಂ ಮಾಂಯ್ ಭಾಸ್.ಕೊಮ್, ಕೊಂಕ್ಣಿ ಲವ್, ಆಂಕ್ರಿ, ವೀಜ್ ಹಪ್ತ್ಯಾಳೆಂ ತಸಲ್ಯಾ ಜಾಳಿ ಜಾಗ್ಯಾನಿ೦ ಪರ್ಜಳ್ಳ್ಯಾಂತ್ ತರ್, ದಿವೊ, ಕುರೊವ್ ಆನಿಂ ಝೆಲೊ ತಸಲ್ಯಾ ಕೊಂಕ್ಣೆಚ್ಯಾ ಮಾಲ್ಘಡ್ಯಾ ಪತ್ರಾನಿಂ ಫಾಯ್ಸ್ ಜಾಲ್ಯಾಂತ್. ಕಾನಡಿ ಲಿಪಿಂತ್ ವರೆಗ್ ಕವನಾಂ ಬರಯ್ಲೆಲಿ ಹೊಗ್ಳಿಕ್ ಆನಿ ಕೀರ್ತ್ ಹಾಕಾ ಫಾವೊ. ಕೊಂಕಣಿಂತ್ ಆಯ್ಲೆವಾರ್ ಸರಾಗ್ ಬರೊಂವ್ಚ್ಯಾ ಕವಿ/ಲೇಖಕಾಂ ಪಯ್ಕಿ ಎಕ್ಲೊ ಜಾವ್ನಾಸಾ. ಫೇಸ್ ಬುಕ್, ಅಂತರ್ ಜಾಳಿ ಜಾಗೆ ಆನಿ ವಾಟ್ಸಾಪ್ ಪಂಗ್ಡಾಂನಿ ಪ್ರಸ್ತುತ್ ವಿಷಯಾಂ ವಯ್ರ್ ಬರಯ್ತಾ. ಕವಿತಾ ಕಾಮಾ ಶಾಳಾಂನಿ ಚುಕಾನಾಸ್ತಾಂ ಪಾತ್ರ್ ಕಾಣ್ಘೆತಾ. ಆಪುಟ್ ಕೊಂಕಣಿ ಮೊಗಿ ಜಾವ್ನಾಸಾ.

ಪಾವ್ಶ್...

0 comments:

Post a Comment

Translate

ಪಿರ್ಗಜೆಂತ್ಲ್ಯಾ ಖೆಳಾ ಪಂದ್ಯಾಂತ್ ವ್ಹೆಳಾ/