ಫಕಾತ್ ದುಡ್ವಾಖಾತಿರ್........

ಫಕಾತ್ ದುಡ್ವಾಖಾತಿರ್........

ಸಾತ್ ದರ್ಯೊ ಉತ್ರೊನ್

ಕುಟ್ಮಾಚ್ಯಾಂಕ್ ಆದೇವ್ಸ್ ಮಾಗೊನ್

ಗಲ್ಫಾಂತ್ಲ್ಯಾ ಗಾಂವಾನಿ ಯೆವುನ್

ಆಸಾಂವ್ ದೀಸ್ ರಾತ್ ಘೊಳೊನ್ 

ಫಕತ್ ದುಡ್ವಾಖಾತಿರ್......

ಘರಾಂತ್ ನಾ ಸಮಾದಾನ್ 

ಕುಟ್ಮಾಭಿತರ್ ಕುಸ್ಡೆಪಣ್

ಭೊರೊನ್ ಗೆಲ್ಯಾತ್ ರಾಗ್ ಮೊಸ್ರಾನ್

ವಾಂಟೆ ಜಾತತ್ ಅಸ್ತ್ ಭಾಂಗಾರಾನ್

ಫಕತ್ ದುಡ್ವಾಖಾತಿರ್.......

ಇಂಗ್ಲೀಷ್ ಯಾ ಕನ್ನಡ ಮಾಧ್ಯಮ್

ಮನ್ಶ್ಯಾಕ್ ಪಳೆವ್ನ್ ಘೆತಾತ್ ಡೊನೆಶನ್

ಅಂತರ್ ಭೇಧ್ ಶಿಕ್ಪಾ ಕೇಂದ್ರಾನಿಂ

ಮಾನಾಚೊ ಹುದ್ದೊ ಇಗರ್ಜೆ ಕಾರ್ಯಾನಿಂ

ಫಕತ್ ದುಡ್ವಾಖಾತಿರ್.......

ರೆಸ್ಪೆರಾಕ್ ಭಿಸ್ಪ್ ಧಾಂವೊನ್ ಯೆತಾ

ಪನ್ನಾಸ್ ವಯ್ರ್ ಪಾದ್ರಿ ಆಸ್ತಾತ್

ಶೆಂಭರಾಂ ವಯ್ರ್ ಸಿಸ್ಟ್ರಾಂ ಯೆತಾತ್

ಸುಮಧುರ್ ಗಾಯನ್ ವಾಜೊನ್ ಆಸ್ತಾ

ಫಕತ್ ದುಡ್ವಾಖಾತಿರ್.........

ಭೆಂಡಾ ವಾಜ್ಪಾನ್ ಮೊರ್ನ್ ಯೆತಾ

ಬಿಟಿಚ್ಯಾ ಫೆಟೆಂತ್ ನಿದೊನ್ ಅಸ್ತಾ

ಇಗರ್ಜ್ ಲೊಕಾನ್ ಭೊರೊನ್ ಆಸ್ತಾ

ಫೊಂಡಾ ವಯ್ರ್ ಮಾರ್ಬಲ್ ಸೊಬ್ತಾ

ಫಕತ್ ದುಡ್ವಾಖಾತಿರ್.......

ಪಕತ್ ದುಡ್ವಾಖಾತಿರ್

ಮನಿಸ್ ಜಾಲಾ ಅಬ್ಲೆಶಿ

ಹಂಕಾರಿ ಗರ್ವಿ ಆನಿ ಪರ್ದೆಶಿ

ದಗಲ್ಬಾಜಿ ಅನಿ ಪಡ್ಪೊಶಿ

ದುಡು ಆಸಾ ತರ್ ಸಕ್ಕಡಿ

ಕಾರ್ ಭೊಂಗ್ಲೊ ಇಷ್ಟ್ ಮಂತ್ರ್

ದುಡು ಅಸಾ ತರ್ ಕುಟ್ಮಾಚಿಂ 

ನಾ ತರ್ ನಾ ಹಾಂಗಾ ಕೊಣ್ ಕೊಣಾಯ್ಚಿಂ

ಲಾಖ್ - ಕೊರೊಡಾನಿಂ ತುಂ ಕಮಾಯ್ ದುಡು

ವೆತಾನಾ ವರ್ಚೊನಾಂಯ್ ತಾಂತ್ಲೊ ತೊಡೊ

ಏಕ್ರೆಭರ್ ಜಾಗೊ ತುಂ ಪುಂಜೊನ್ ದವರ್ಶಿ ತರ್

ಲಾಬ್ಚೊ ಸ ಫಟಿಂಚೊ ಜಾಗೊ ತೊ ಮತಿಂತ್ ಧವರ್

ಉಡಾಸ್ ದವರ್ ಜಾಂವ್ ತುಂ ದುಬ್ಳೊ ಯಾ ಗ್ರೆಸ್ತ್

ಸಾಗ್ವೊಣೆಚಿ ಯಾ ಆಂಬ್ಯಾಚಿ ಕರ್ ತುಂ ಫೆಟ್...

ಆಖೇರಿಕ್ ತುಕಾ ಪಾವೊ ಜಾಂವ್ಚಿ ಮಾತಿ ತಿನ್ಂಚ್ ಮುಟ್

ತೊಡ್ಯಾಚ್ ತೇಂಪಾನ್ ಕುಡ್ ತುಜಿ ತಿ ವಾಳಾಯ್ ಖಾಯ್ತ್

:- ಸುರೇಶ್ ಸಲ್ಡಾನ್ಹಾ, ಪನ್ವೆಲ್, ಅಬುಧಾಬಿ