ದೆವಾಕ್ ರಾಗ್ ಆಯ್ಲಾ..

ಮೊಡಾಂ ನಾಂತ್ ಪಾವ್ಸ್  ನಾ ಪಾವ್ಸಿಲ್ಯಾ ದಿಸಾನಿಂ
ಸುಕಿ ಧಾಡ್ ಉದಾಕ್ ನಾ ಆಮ್ಚ್ಯಾ ಶೆತಾನಿಂ
ಜೀವ್ಗಾತ್ ಕರಿತ್ ಆಸಾತ್ ರೈತ್ ಮತಿಚ್ಯಾ ವಿರಾರಾಯೆನಿಂ
ಆಯ್ಕಾತಾನಾ ಕಾಳಿಜ್ ಕೊಸ್ಳಾತಾ ಹಿ ದುಃಖಾಚಿ ಕಾಣಿ

ಸ್ಮಾರ್ಟ್ ಸಿಟಿಕ್ ಲಾಗೊನ್ ರುಕಾಂಕ್ ಕಾತರ್ ಪಡ್ತಾನಾ.
ಮೊಳ್ಬಾ ಮ್ಹಣಾಸರ್ ಉಂಚಾಯೆಚಿಂ ಬಾಂದ್ಪಾ ತಿಂ ಉಬಿ ಜಾತಾನಾ
ಕೊರೊಡೊ ವಾಹನಾಂಚೊ ಧುಂವೊರ್ ಮಾರ್ಗಾರ್ ವೊಂಕ್ತಾನಾ
ವಿಕಾಳ್ ವಾರೆಂ ತೆಂ ಸೇವ್ನ್ ಲಾಖೊಂ ಲೊಕಾಚಿ ಭಲಾಯ್ಕಿ ವಿಬಾಡ್ತಾನ..

ಆದಿಂ ಆಮಿ ಚಲೊನ್ ವೆತೆಲ್ಯಾಂವ್ ದಾ ಬಾರಾ ಮೈಲಾಂ
ಆತಾಂ ಮೆಟಾ ಮೆಟಾಕ್ ಆಸಾತ್ ಹಜಾರ್ ಬಸ್ಸಾಂ, ರೈಲಾಂ
ಆದಿಂ ಪುರಾಸಣ್ ಜಾತಾನಾ ವೆಂಗ್ತೆಲ್ಯಾಂವ್ ರುಕಾಚ್ಯಾ ಸಾವ್ಳೆಕ್
ಆತಾಂ ವೆಂಗ್ತಾಂವ್  ಮೊಲಾದಿಕ್ ವಿದೇಶಿ ಚತ್ರ್ಯಾಂಕ್

ಆದಿಂ ಮಾಲ್ಗಾಡೆ ಲಾಯ್ತೆಲೆ ರುಕ್ ಜಡಾಂ ಮೊಗಾಚ್ಯಾಂಚಾ ಉಗ್ಡಾಸಾಕ್
ಸದಾನಿತ್ ಉದಾಕ್ ವೊತೊನ್ ಮಾಗ್ತೆಲೆ ತಾಂಚ್ಯಾ ಆತ್ಮ್ಯಾಕ್
ಆತಾಂ ಗಿರೆಸ್ತ್ಕಾಯ್ ದಾಕೊಂವ್ಕ್ ಬಾಂದ್ತಾತ್ ವೊಡ್ ವೊಡ್ ಫೊಂಡ್
ವಿಸ್ರೊನ್ ಗೆಲ್ಯಾತ್ ದೆವಾಚೊ ಆನಿ ಪ್ರಥ್ವೆಚೊ ಭಾಂದ್

ದೆವಾಕ್ ರಾಗ್ ಆಯ್ಲಾ, ಪ್ರಥ್ವೆಚೆರ್ ಆತ್ಯಾಚಾರ್ ಚಡ್ಲಾಂ
ಐಶಾರಾಮಾಕ್ ಲಾಗೊನ್ ಮನಿಸ್ ಮನ್ಜಾತೆಕ್ ಸರಿ ಜಾಲಾ.
ದೆವಾನ್ ರಚ್ಲೆಲ್ಯಾ ಪ್ರಥ್ವೆಚೆರ್ ಟೆಕ್ನೋಲೊಜಿ ಮಳ್ಳೊ ಭುತ್  ಗುಸ್ಲಾ
ರಾಗಾನ್ ದೆವಾನ್ ದರ್ತೆರ್ ದುಕೊಳಾಚೊ ಶಿರಾಪ್ ವೊತ್ಲಾ.

:- ಸುರೇಶ್ ಸಲ್ಡಾನ್, ಪನ್ವೆಲ್ ಅಬುಧಾಬಿ 

Published in  :  Aankri .com