ಬಾಬಾ ,ಆನಾ, ಡ್ಯಾಡ, ಪಪ್ಪ - ತುಕಾ ದೇವ್ ಬೊರೆಂ ಕರುಂ

ಲ್ಹಾನ್ ಆಸ್ತಾನಾ ಹಾತ್ ಮ್ಹಜೆ ದರುನ್
ಪಾಟಿರ್ ತುಜ್ಯಾ ಬಸೊನ್, ಉದ್ದಿನಾ ಮೂಟೆ ಕರೊನ್
ವೊಳ್ತಾನಾ ಉಕ್ಲುನ್ ದರೊನ್, ಸಂಗಿ  ಮ್ಹಜ್ಯಾ ಖೆಳೊನ್
ಸಂತೋಸಾನ್ ವಾಡಯಿಲ್ಲ್ಯಾ ಪಪ್ಪ ತುಕಾ ದೇವ್ ಬೊರೆಂ ಕರುಂ...

ಜಾಯ್ ಪುರ್ತೆಂ ಶಿಕಾಪ್ ಮ್ಹಾಕಾ ದಿವೊನ್
ಜತನ್ ಮ್ಹಜಿ ಕರೊನ್, ಸಂಗಿ  ಮ್ಹಜ್ಯಾ ಆಸೊನ್
ಸರ್ವ್ ಮ್ಹಜ್ಯಾ ಗರ್ಜಾಂಕ್ ಫುಡ್ ಕರೊನ್
ಆಜ್ ಹ್ಯಾ ಪಾಂವ್ಡಾಕ್ ಪಾವಾಯಿಲ್ಲ್ಯಾ ತುಕಾ  ದೇವ್ ಬೊರೆಂ ಕರುಂ....

ದೀಸ್ ರಾತ್ ಲೆಕಿನಾಸ್ತಾನಾ ಗಾಡ್ವಾ ಬರಿ ಘೊಳೊನ್
ಆಪ್ಲ್ಯಾ ಪೊಟಾಚಿ ಭುಕ್ ಮೊರೊವ್ನ್
ದಿಸ್ಪೊಡ್ತೊ ಗ್ರಾಸ್ ಆಮ್ಕಾಂ ದಿವೊನ್
ಆಜ್ ಉಂಚಾಯೆಚ್ಯಾ ಶಿಖರಾಕ್ ಪಾವಾಯಿಲ್ಲ್ಯಾ  ತುಕಾ ದೇವ್ ಬೊರೆಂ ಕರುಂ...

ಪೆಸ್ತಾ ಪರ್ಬೆಕ್ ಮುಸ್ತಾಯ್ಕಿ ದಿವೊನ್
ಚೂಕ್ ಕೆಲ್ಯಾ ತವಳ್ ಬೂದ್-ಬಾಳ್ ಸಾಂಗೊನ್
ಮಾಯಾ ಮೊಗಾನ್ ಪೋಸ್ ಆಮ್ಚೊ ಕರೊನ್
ಆಜ್ ಮ್ಹಜ್ಯಾ ಭುರ್ಗ್ಯಾಂಕಿ ತುಜಿಚ್ ದೇಖ್ ದಾಕೊವ್ನ್ ದಿಲ್ಯಾ ತುಕಾ ದೇವ್ ಬೊರೆಂ ಕರುಂ

ಆಜ್ ಹ್ಯಾ ಬಾಪಾಯ್ಪಾಣಾಕ್ ಸಮರ್ಪುನ್ ದಿಲ್ಯಾ ದಿಸಾ
ಗರ್ವಾನ್ ಆನಿ ಸಂತೊಸಾನ್ ಧನ್ಯಾ ದೆವಾಕ್ ಅರ್ಗಾಂ ಪಾಟೊವ್ನ್
ತುಜ್ಯಾ ತಸಲೊ ಬಾಪಾಯ್ ಮ್ಹಾಕಾ ಪಾವೊ ಕೆಲ್ಯಾಕ್
ಹರ್ಸಿತಾಂ ದೆವಾಕ್ ನಮಾನ್ ವಂದನ್ ಆನಿ ಸ್ತುತಿ ಕರುನ್.!

ಸುರೇಶ್ ಸಲ್ಡಾನ್, ಪನ್ವೆಲ್ ಅಬುಧಾಬಿ

Published in  :  Aankri .com