ಜಿವ್ಘಾತ್

ಜಿವ್ಘಾತ್

ಪರೀಕ್ಷೆಂತ್

ನಾಪಾಸ್ ಜಾಲ್ಯಾರ್

ಜಿವ್ಘಾತ್

ಮೊಗಾಂತ್

ನಾಪಾಸ್ ಜಾಲ್ಯಾರ್

ಜಿವ್ಘಾತ್

ವ್ಹಡಿಲಾನಿಂ

ಕಿತೆಂ ಸಾಂಗ್ಲ್ಯಾರ್

ಜಿವ್ಘಾತ್

ಬಿಜ್ನೆಸಾಂತ್

ಲೋಸ್ ಜಾಲ್ಯಾರ್

ಜಿವ್ಘಾತ್

ಕೊಣೆ ಎಕ್ಲ್ಯಾನ್

ವಾಯ್ಟ್ ಉಲಯ್ಲ್ಯಾರ್

ಜಿವ್ಘಾತ್...

ಇಷ್ಟಾ ಮ್ಹಜ್ಯಾ ..‌‌

ತುಂ ತರ್ ಜಿವ್ಘಾತ್ ಕರ್ನ್

ಸಂಸಾರ್ ಸಾಂಡ್ಶಿ

ಮಾತ್ಯೆಕ್ ಸಾರೆಂ ಜಾಶಿ..

ತುಜ್ಯಾ

ಪೋಸ್ಟ್‌ ಮಾರ್ಟನಾ ಥಾವ್ನ್

ಪೊಂಡಾ ಮ್ಹಸಾರ್

ಘರ್ಚ್ಯಾಂನಿ ಸೊಸ್ಚೆ ಅಟೆವಿಟೆ

ತುಕಾ ಕಳಿತ್ ಆಸಾಗಿ?????

ತುಂ ಗಾಡಿಬರ್

ಮಾತ್ಯೆ ಪಂದಾ ನಿದ್ತಲೊಯ್

ತುಜ್ಯಾವಿಣೆಂ ಘರ್ಚ್ಯಾಂಚೆ

ರುದಾನ್ ತುಕಾ ಕಳಿತ್ ಅಸಾಗಿ???!!

ತುಜ್ಯಾ ಆಕಾಲಿಕ್ ಮರ್ಣಾನ್

ತುಜ್ಯಾ ಅವಯ್ಚ್ಯಾ ಕಾಳ್ಹಾಕ್

ಜಾಂವ್ಚೊ ಮಾರ್ ತುಕಾ ಕಳಿತ್ ಅಸಾಗಿ?????

ತುಕಾ ಜನನ್ ದಿತಾನಾ

ತುಜ್ಯಾ ಅವಯ್ನ್ ಕಾಡ್ಲೆಲೆ ಕಷ್ಟ್

ತುಕಾ ವಾಡೊಂವ್ಕ್

ತುಜ್ಯಾ ಬಾಪಯ್ನ್ ಕಾಡ್ಲೆಲಿಂ ವಾಂವ್ಟ್

ತುಕಾ ಕಶಿ ಕಳಿತ್ ಅಸ್ಚಿ??????

ತುಕಾ ಕಳಿತ್ ಅಸುಲ್ಲಿ ತರ್

ತುಂ ಕೆದಿಂಚ್ ಜಿವ್ಘಾತ್

ಕರ್ತೊನಾಂಯ್ / ಕರ್ತೆನಾಂಯ್...

ವ್ಹಯ್ ಜಿವ್ಘಾತ್ ಚ್

ಆಮ್ವ್ಯಾ ಕಷ್ಟಾಂಕ್ ಪರಿಹಾರ್ ನ್ಹಯ್

ದೆವಾನ್ ದಿಲ್ಲ್ಯಾ ಆವ್ಕಾಕ್

ತಾಚ್ಯಾ ಕಬ್ಲಾತೆವಿಣೆಂ ಆಂತ್ಯ್

ಕರ್ಚೆಂ ಜಾವ್ನಾಸಾ ಮ್ಹಾಹ ಪಾತಕ್

ಜಿವ್ಘಾತ್ ಕರ್ಚ್ಯಾ ಪಯ್ಲೆಂ

ಹಜಾರ್ ಪಾವ್ಟಿಂ ಚೀಂತ್

ತುಜ್ಯಾ ನಂತರ್ ತುಜ್ಯಾ

ಕುಟ್ಮಾಚಿ ಗತ್ ಕಿತೆಂ ಜಾಯ್ತ್ ....

ಕಿತ್ಲೊಯ್ ತುಂ ಬರೊ ಅಸ್ಲ್ಯಾರಿ..

ಜಿವ್ಘಾತ್ ಕೆಲ್ಯಾ ತುಕಾ

ಸಮಾಜ್ ವಾಯ್ಟ್ ದ್ರಷ್ಟೆಂತ್ ಪಳೆತಾಲಿ..

ತುಜ್ಯಾ ಸವೆಂ ತುಜ್ಯಾ ಕುಟ್ಮಾಕ್

ಜೀವನ್ ಪರ್ಯ್ಯಾಂತ್

ನಾಲಿಸಾಯ್ ಬೊಗೊಂಕ್‌ ಪಡ್ತಾಲಿ

:- ಸುರೇಶ್ ಸಲ್ಡಾನ್ಹಾ, ಸಕಲೇಶ್ಪುರ

( ಸಂಸಾರಾಂತ್ ಅಜ್ ಕಾಲ್ ಜೀವ್ಗಾತ್ ವಾಡೊನ್ ಅಯ್ಲ್ಯಾತ್ , ತಾಚ್ಯಾ ಅದಾರಾರ್ ಹೆಂ ಬರೆಯ್ಲೆಂ ಜಾವ್ನಾಸಾ.

ಹಾಂವ್ ಚುಕ್ ನ್ಹಯ್ ತರ್ ಅದಿಂ ಜಿವ್ಘಾತ್ ಕೆಲ್ಯಾಂಕ್ ಅಮ್ಚ್ಯಾ ಸಿಮೆಸ್ತ್ರೆಂತ್ ಪುರೊಂಕ್ ಜಾಗೊ ಸಮೇತಿ ದಿನಾತುಲ್ಲೆ. ಕಿತ್ಯಾಕ್ ಜಿವ್ಘಾತ್ ಜಾವ್ನಾಸಾ ಆಮ್ಚೆಂ ಅವ್ಕ್ ಮುಗ್ದೊಂವ್ಚ್ಯಾ ಪಯ್ಲೆಂ ಆಮಿ ಅಮ್ಕಾಂಚ್ ಬಲಿ ದಿಂವ್ಚೆಂ, ತಸಲ್ಯಾ ಆತ್ಮ್ಯಾಂಕ್ ತಾಂಚೆ ಅವ್ಕ್ ಮುಗ್ದೊಂವ್ಚ್ಯಾ ಮ್ಹಸರ್ ನಾ ತಾಂಕಾ ಸರ್ಗ್ , ಯಮ್ಕೊಂಡ್ ಯಾ ಪುಲ್ಗೊತ್ರ್ ಮೆಳಾನಾ ಆನಿ ತಾಂಚೆ ಆತ್ಮೆ ಸಂಸಾರಾರ್ ಭಂವೊನ್ ಅಸ್ತಾತ್ , ಅಶೆಂ ಮಾಲ್ಗಾಡ್ಯಾಂಚೆ ಚಿಂತಾಪ್ ಜಾವ್ನಾಸುಲ್ಲೆಂ.

ದೆಕುನ್ ಮೊಗಾಚ್ಯಾನೊ, ತುಮ್ಕಾಂ ಜಿವಿತ್ ಚ್ ನಾಕಾ ಮ್ಹಣ್ ಭಗ್ತಾ ತರ್ , ದಯಾಕರ್ನ್ ಜಿವ್ಘಾತಾಕ್ ಅಪ್ಣಾಂವ್ಚ್ಯಾ ಪಯ್ಲೆಂ ದಯಾಕರ್ನ್ ತುಮ್ಚ್ಯಾ ಮೊಗಾಚ್ಯಾ ಮ್ಹನ್ಶಾಕಡೆ ಎಕ್ ಪಾವ್ಟಿಂ ಉಲೊಯಾ ನಾ ತರ್ ಬ್ಯೆಬಲ್ ಹಾತಿಂ ಘೆವ್ನ್ ದೋನ್ ಅವಸ್ವರ್ ವಾಚಾ. ತೆದ್ನಾಂ ತುಮ್ಚ್ಯಾ ಮತಿಕ್ ಸಮದಾನ್ ಭಗ್ತೆಲೆಂ )..