ಗೀತ್ ಗಜಾಲ್...............

ಗೀತ್ ಗಜಾಲ್...............

ಸಾಂಜೆಚ್ಯಾ ವ್ಹೆಳಾರ್ ದುಬಾಯ್ಚ್ಯಾ ಥಳಾರ್

ಜಾಂವ್ಕ್ ಆಸಾ ವ್ಹಡ್ ಎಕ್ ದಮಾಲ್

ಮೆಲ್ವಿನ್ ರೊಡ್ರಿಗಸಾಚ್ಯಾ ಗೀತ್ ಗಜಾಲಾರ್

ದಲೊಂವ್ಕ್ ಆಸಾಂವ್ ಜಾವ್ನ್ ಆಮಾಲ್....

ಯೆ ಯೆ ಯೆ ಯೆ ತುಂ ದುಬಾಯ್

ವರ್ಣೊಂಕ್ ಗೀತ್ ಗಜಾಲಾಚಿ ಸೊಬಾಯ್

ಯೆ ಯೆ ಯೆ ಯೆ ತುಂ ದುಬಾಯ್

ಗಾಜೊಂವ್ಕ್ ಗೀತ್ ಗಜಾಲಾಚಿ ಆಪುರ್ಬಾಯ್

ಖಂತ್ ಹುಸ್ಕೊ ಆಮಿಂ ನಪಂಯ್ಚ್ ಕರ್ಯಾಂ

ತೊಂಡಾರ್ ಸಂತೊಸ್ ಹಾಡ್ಯಾಂ

ನೆಕೆತ್ರಾ ಪರಿ ಪ್ರಕಾಶ್ ಫಾಂಕೊವ್ನ್

ಗೀತ್ ಗಜಾಲಾಕ್ ಸ್ವಾಗತ್ ಕರ್ಯಾಂ

ಯೆ ಯೆ ಯೆ ಯೆ ತುಂ ದುಬಾಯ್

ಚಾಕೊಂಕ್ ಗೀತ್ ಗಜಾಲಾಚಿ ಸೊಬಾಯ್

ಯೆ ಯೆ ಯೆ ಯೆ ತುಂ ದುಬಾಯ್

ಪಳೆಂವ್ಕ್ ಗೀತ್ ಗಜಾಲಾಚಿ ಆಪುರ್ಬಾಯ್

ಮೆಲ್ವಿನ್ ರೊಡ್ರಿಗಸಾಚ್ಯಾ ಕವಿತಾ ವೊಡ್ತಾಂತ್

ಕೊಂಕ್ಣಿ ಮಾಂಯ್ ಪುಲೊವ್ನ್ ಸೊಭ್ತಾ

ದುಬಾಂಯ್ತ್ ಜಾಂವ್ಚ್ಯಾ ಗೀತ್ ಗಜಾಲಾಂತ್

ಕೊಂಕಣ್ ಮಾಯೆಚೆಂ ಥಿಕ್ ತೆಂ ಪರ್ಜಾಳ್ತಾ.....

ಯೆ ಯೆ ಯೆ ಯೆ ತುಂ ದುಬಾಯ್

ಗೀತ್ ಗಜಾಲಾಚಿ ಅಂಗಣ್ ಸೊಬೊಯ್

ಯೆ ಯೆ ಯೆ ಯೆ ತುಂ ದುಬಾಯ್

ಕೊಂಕಣ್ ಮಾಯೆಚೊ ಬಾವ್ಟೊ ಉಬೊಯ್.... (4 )

ಸುರೇಶ್ ಸಲ್ಡಾನ್ಹಾ, ಸಕಲೇಶ್ಪುರ.

ಬರಯ್ಣಾರಾ ವಿಶಿಂ ಜಾಣಾ ಜಾ.

ಸುರೇಶ್ ಸಲ್ಡಾನ್ಹಾ, ಪ್ರಸ್ತುತ್ ಆಭುದಾಬಿಂತ್ ವಾವ್ರ್ ಕರ್ನ್ ಆಸ್ಚೊ ಗೂಂಡ್ ಚಿಂತ್ಪಾಚೊ ಕವಿ. ಮಾಂಯ್ ಗಾಂವಾಂತ್ ಸಕಲೇಶಪುರಾಚೊ. ಪಾಟ್ಲ್ಯಾ ವೀಸ್ ವರ್ಸಾಥಾವ್ನ್ ನವಿ ಮುಂಬಯಾತ್ಲ್ಯಾ ಪನ್ವೆಲಾಂತ್ ಆಪ್ಲ್ಯಾ ಕುಟ್ಮಾ ಸವೆಂ ವಸ್ತಿ ಕರ್ನ್ ಆಸಾ. ಹಾಚಿಂ ವಿಂಚ್ಣಾರ್ ಕವನಾಂ ಮಾಂಯ್ ಭಾಸ್.ಕೊಮ್, ಕೊಂಕ್ಣಿ ಲವ್, ಆಂಕ್ರಿ, ವೀಜ್ ಹಪ್ತ್ಯಾಳೆಂ ತಸಲ್ಯಾ ಜಾಳಿ ಜಾಗ್ಯಾನಿ೦ ಪರ್ಜಳ್ಳ್ಯಾಂತ್ ತರ್, ದಿವೊ, ಕುರೊವ್ ಆನಿಂ ಝೆಲೊ ತಸಲ್ಯಾ ಕೊಂಕ್ಣೆಚ್ಯಾ ಮಾಲ್ಘಡ್ಯಾ ಪತ್ರಾನಿಂ ಫಾಯ್ಸ್ ಜಾಲ್ಯಾಂತ್. ಕಾನಡಿ ಲಿಪಿಂತ್ ವರೆಗ್ ಕವನಾಂ ಬರಯ್ಲೆಲಿ ಹೊಗ್ಳಿಕ್ ಆನಿ ಕೀರ್ತ್ ಹಾಕಾ ಫಾವೊ. ಕೊಂಕಣಿಂತ್ ಆಯ್ಲೆವಾರ್ ಸರಾಗ್ ಬರೊಂವ್ಚ್ಯಾ ಕವಿ/ಲೇಖಕಾಂ ಪಯ್ಕಿ ಎಕ್ಲೊ ಜಾವ್ನಾಸಾ. ಫೇಸ್ ಬುಕ್, ಅಂತರ್ ಜಾಳಿ ಜಾಗೆ ಆನಿ ವಾಟ್ಸಾಪ್ ಪಂಗ್ಡಾಂನಿ ಪ್ರಸ್ತುತ್ ವಿಷಯಾಂ ವಯ್ರ್ ಬರಯ್ತಾ. ಕವಿತಾ ಕಾಮಾ ಶಾಳಾಂನಿ ಚುಕಾನಾಸ್ತಾಂ ಪಾತ್ರ್ ಕಾಣ್ಘೆತಾ. ಆಪುಟ್ ಕೊಂಕಣಿ ಮೊಗಿ ಜಾವ್ನಾಸಾ.

ಗೀತ್ ಗಜಾಲ್...............

0 comments:

Post a Comment

Translate

ಪಿರ್ಗಜೆಂತ್ಲ್ಯಾ ಖೆಳಾ ಪಂದ್ಯಾಂತ್ ವ್ಹೆಳಾ/