ಖಬ್ರೊ...

ಖಬ್ರೊ...

ಸೆಜಾರ್ಚ್ಯಾ ಮ್ಹನ್ಶಾಂಚೊ ಸಕಾಳಿಂಚೊ ಉಣುನಿ‌ ಖಬ್ರೆ...

# ಎಕ್ಲಿ:- ಅಳೆನೆ, ತುಕಾ ಕಳಿತ್ ಅಸಾಗೆ, ತೊ ತಿಚೊ ಪೂತ್ ಸೆಮಿನರಿಚೊ ದೊರೊ ಉಡೊವ್ನ್ ದಾಂವೊನ್ ಅಯ್ಲೊ ಕ್ಯೆಂ,

ದುಸ್ರಿ;- ಆನಿ ತೊ ಪಾದ್ರಿ ಜಾಲ್ಲೊ ಲೊಬ್ ಕಾಡ್ನ್ ಉಡೊವ್ನ್ ಚ್ ದಾಂವೊನ್ ಅಯ್ಲಾ ಖ್ಯೆಂ ...‌

ತಿಸ್ರೊ:- ಸಾಯ್ಬಾ ಸಾಲ್ಬೊದಾರಾ ಅಸಲೆ ದೀಸ್ ಪಳೆಂವ್ಕ್ ಮಾಕಾ ಅನಿಕಿ ದೊರ್ಲಾಂಯ್ ಗಿ ,

ಚೊವ್ತೊ:- ಜಾಯ್ ಅಸುಲ್ಲೆಂಗಿ ಅಸಲಿ ನಾಲಿಸಾಯ್ ಗಾಣೊಂವ್ಕ್ ಆಮ್ಚ್ಯಾ ವಾಡ್ಯಾಂತ್ ಮ್ಹಣ್ತಾಂವ್ ....

ಪಾಂಚ್ವಿ:- ಅಬ್ಬಬ್ಬಾ , ತೊ ಇಸ್ಕಲಾಕ್ ವೆತಾನಾಂಚ್ ಚೆಡ್ವಾಂಕ್ ಲ್ಯೆನ್ ಮರ್ತಾಲೊ

ಸವೊ :- ಹಾಂವೆಂಯ್ ಚಿಂತುಲ್ಲೆಂ‌ ತೊ‌ ಪಾಟಿಂ ಯೆತಾ ಮ್ಣಣ್

ಗಜಾಲ್ಯೊ ಮೊಸ್ತು ಲಾಂಬ್ ಅಸಾತ್

ಥೊಡ್ಯಾಂಚ್ಯೊ‌ ಗಜಾಲ್ಯೊ ಮೆಟಾರ್
ಥೊಡ್ಯಾಂಚ್ಯೊ ಗಜಲ್ಯೊ ಕಾಟ್ಯಾರ್
ಮಾರ್ನ್ ಅರ್ದಿ‌ ಕ್ವಾಟಾರ್ ....

ವ್ಜಯ್ ಮೊಗಾಚ್ಯಾನೊ,

ಬೋವ್ ಬೆಜಾರಾಯೆಚಿ ಗಜಾಲ್ , ಅಜ್ ಕಾಲ್ ತರ್ನಾಟ್ಯಾನಿ ಸೆಮಿನರಿಕ್‌ ಯಾ ಕೊವೆಂತಾಕ್ ಭರ್ತಿ‌ ಜಾಂವ್ಚೆಂಚ್ ಮೊಸ್ತು ಉಣೆ ಜಾಲಾಂ , ತಾಂತುಯಿ ಥೊಡೆ ಸೆಮಿನರಿಕ್ ಯಾ ಕೊವೆಂತಾಕ್ ಗೆಲ್ಲಿಂ‌ ಖಂಚ್ಯಾಗಿ ‌ವ್ಯೆಯುಕ್ತಿಕ್ ಕಾರಣಕ್‌ ಲಾಗೊನ್ ಪಾಟಿಂ‌ ಅಯ್ಲಿಂ ತರ್ ಘರ್ಚ್ಯಾಂಕ್ ಸೆಜಾರಾಥಾವ್ನ್ ಮೆಳ್ಚೆ ಅಣ್ಕಾಣೆ, ವಾಡ್ಯಾಗಾರಾ ಥಾವ್ನ್ ಅಯ್ಕೊಂಕ್ ಮೆಳ್ಚಿ ಭೂದ್ ಬಾಳ್ ( ಅಪ್ಣಾಚಿಂ ಭುರ್ಗಿಂ ಕಶೆಂಯ್ ಅಸ್ಲ್ಯಾರಿ ವ್ಹಡ್ ನಾ ಹೆರಾಂಚ್ಯಾ ವಿಷಯಾಂತ್ ಆಮಿ‌ ದೊತೊರ್ ಸನದ್ ಜೊಡ್ಲೆಲ್ಯಾಬರಿ ) ತಾಂಕಾ ಮೊರಸರ್ ಬೊಗೊಂಕ್‌ ಮೆಳ್ತೆಲೆ ,

ತಶೆಂಚ್ ಕಂಯ್ ಮ್ಹಣಿ ತೊ‌ ಪಾದ್ರಿ‌ ಜಾವ್ನ್ ಪಾಟಿಂ ಅಯ್ಲೊ ತರ್ ಸಗ್ಳೊ ಸಂಸಾರ್‌ ತಾಕಾ ಹಿಣ್ಸೊಂಕ್ ಲಾಗ್ತೊಲೊ, ತಾಚೆಂ ಸವೆಂ‌ ತಾಚ್ಯಾ ಕುಟ್ಮಾಕಿ ಅಯ್ಕೊಂಕ್ ಮೆಳ್ತೆಲೆಂ ( ದಾಕ್ಲ್ಯಾಕ್ ದೊರ್ಯ್ಯಾ ಕಡೆ ರಾವೊನ್ , ತಾಚಿ ಅವಯ್ ರಸ್ತ್ಯಾರ್ ಚಲೊನ್‌ ಯೆತಾನಾ, ವ್ಹಡಾ ಅವಾಜಾನ್ ಅಪ್ಲ್ಯಾ ಬುರ್ಗ್ಯಾಂಕ್ ಸಾಂಗ್ಚ್ಯಾಬರಿ ತಿಕಾ ಕೊಂಕೊನ್ ಸಾಂಗ್ಚೆಂ, ಬರೆಂ ಜಾಲೆಂ ರೆ ತುಕಾ ಸೆಮಿನರಿಕ್ ಯೆತಾಂ ಮ್ಹಣ್ತಾನಾ ನಾಕಾ ಮ್ಹಣ್‌ ಅಡಾಯಿಲ್ಲೆಂ ನಾ ತರ್ ತಾಚೆ ಬರಿ ತುಂ ಹಿ ಘರಾ ದಾಂವೊನ್ ಯೆತೊಲೊಯಿ ಆನಿ ಆಮ್ಕಾಂ ತೊಂಡ್ ದಾಕಯ್ನಾತ್ಲ್ಯಾಬರಿ ಕರ್ತೊಲೊಯ್,) ಸಾಂಗಾ ಮ್ಹಾಕಾ ತ್ಯಾ ಅವಯ್ಚೆ ಕಾಳಿಜ್ ಕಶೆಂ ಜಾಯ್ತ್ ಅಸಲಿಂ ಕಾಳ್ಜಾಕ್ ಬಲಿ ತೊಪ್ಚಿ ಉತ್ರಾಂ ಅಯ್ಕತಾನಾ , ತಶೆಂ ತಾಂಕಾ ಪಾಪ್ ಉಣುನಿ ಶೀತ್ ಜಿಬೆರ್ ಲಾಸ್ಲ್ಯಾರಿ ತೆಂ ಗಿಳೊಂಕ್ ಯಾ ಉಡೊಂವ್ಕ್ ಜಾಯ್ನಾಸ್ತಾನಾ ರಾಂವ್ಚೆಬರಿ ತಾಂಚಿ ಸ್ಥಿತಿ ಜಾತೆಲಿ, ತಶೆಂಚ್ ಕೊವೆಂತಾಕ್ ವಚೊನ್ ಪಾಟಿಂ ಅಯ್ಲ್ಯಾ ಚಲಿಯೆಚಿ ತಿಚ್ ಗತ್ ಜಾತೆಲಿ. ಪಾಪ್ ತಿಕಾ ಕಾಜಾರಾಕ್ ಸ್ಯೆರಿಕೊ ಯೆತಾತ್ ತರೀ ತೆ ಅಡೊಂವ್ಕ್ ಆಮಿ‌ ಪಾಟಿಂ‌ ಸರ್ಚೆನಾಂವ್ ಸಾಂಗೊನ್ ತೆಂ‌ ಕೊವೆಂತಾ ಥಾವ್ನ್ ದಾಂವೊನ್ ಅಯ್ಲಾಂ ಮ್ಹಣೊನ್. ಆನಿ ಅಯ್ಲ್ಯಾ ಸ್ಯೆರ್ಯ್ಯಾಂಕ್ ಮಾರ್ಗಾರ್ ಥಾವ್ನ್‌ ಪಾಟಿಂ ಡಾಡ್ಚ್ಯಾ ಮ್ಹಸರ್ ಸಮಾದಾನೆನ್ ಬಶನಾಂವ್.

ದೆಕುನ್ ಅಜ್ ಕಾಲ್ ಕೊಣಿ ಚಡಾವತ್ ಸೆಮಿನರಿಕ್ ಯಾ ಕೊವೆಂತಾಕ್ ವಚೊಂಕ್ ಅಯ್ಕಾನಾಂತ್‌ ಕಿತ್ಯಾಕ್‌ ಸಂಸಾರಾಚಿಂ ಜಣಾಂ ವಿಕಾಳ್ ಜಿವ್ಡಾಳಿಚ್ಯಾಕಿ ಕಠಿಣ್ ಅಸಾತ್ , ಜಿವ್ದಾಳ್ ಎಕ್ ಚ್ ಪಾವ್ಟಿಂ ಚಾಬ್ತಾ ತರೀ , ಸಂಸಾರ್ ಪರತ್ ಪರತ್ ಜಾಬೊಂವ್ನ್ ಅಪ್ಲೆಂ‌ ವೀಕ್ ವೊಂಕೊನ್ ಅಸ್ತಾ.‌

ಮೊಗಾಚ್ಯಾನೊ‌, ಪೆಲ್ಯಾಚಿ ಖಂತ್ ಆಮ್ಕಾಂ ನಾಕಾ , ನಾ ಆಮಿ ತಾಂಕಾ ಪೊಶಿನಾಂವ್‌ ಯಾ ರಾವೊಂಕ್ ಜಾಗೊ‌ ದಿನಾಂವ್‌‌ ಯಾ ಮೆಲ್ಯಾ ಉಪ್ರಾಂತ್ ತಾಂಚೆ ಲೇಖ್ ಆಮಿ‌ ದಿನಾಂವ್.
ತರ್ ಆಮಿ‌ ಕಿತ್ಯಾಕ್ ತಾಂಚ್ಯಾ ಖಾಸ್ಗಿ‌ ಸಂಗ್ತಿನಿ‌ ಮೆತೆರ್ ಜಾಂವ್ಕ್ ಅತುರಾಯೆನ್‌ ರಾಕೊನ್‌ ರಾವ್ತಾಂವ್.?????

#ಯಾಜಕ್

ಯಾಜಕ್ ಜಾವ್ನಾಸಾ ದೆವಾಚೊ ಮ್ಹಣಿಯಾರಿ, ದೆವಾಚ್ಯಾ ಮೊಗಾಕ್ ಆಮ್ಚೆಂ ಥಂಯ್‌ ದಾಕೊಂವ್ನ್ ದಿಂವ್ಚೊ‌ ಎಕ್ ಮಹಾನ್‌ ವ್ಯಕ್ತಿ‌, ತೊ ಹಿ ಮಾಸಾ ಕುಡಿಚೊ‌ ಆನಿ‌ ಉಣ್ ರಗ್ತಾಚೊ ಮ್ಹನಿಸ್‌, ತಾಚೆಥಂಯ್ ಸಬಾರ್ ಆಶಾ ಅಸ್ತಾತ್ ತರೀ ಅಪ್ಲ್ಯಾ ಸರ್ವಾಂಕ್ ಸಾಂಡೊನ್ ತೊ‌ ದೆವಾಚಿ ಸೆವಾ ಕರೊಂಕ್ ಯೆತಾ ತರ್ ತಾಕಾ ಬೊಟ್‌ ಜೊಕೊನ್ ಉಲೊಂವ್ಕ್ ಆಮ್ಕಾಂ ಕಿತೆಂಚ್‌ ಹಕ್ಕ್ ನಾ , ಆಮ್ಕಾಂ ಉಲೊಂವ್ಕ್ ಅಸಾ ತರ್ ಆಮಿ ಸೆಮೆನರಿಕ್‌ ಸೆರ್ವೊಂಯಾ , ತಾಂಚೆಬರಿ‌ ಶಿಕೊಂವ್ಯಾ , ತತ್ವಶಾಸ್ತ್ರ್ ಮನೋಶಾಸ್ತ್ರ್, ದ್ಯೆವಿಕ್ ಶಾಸ್ತ್ರ್ ಶಿಕ್ಯಾಂ, ದೆವಾಚಿ ಬರ್ಯ್ಯಾನ್ ಸೆವಾಕರ್ಯ್ಯಾಂ, ಆನಿ‌ ಉಪ್ರಾಂತ್ ತಾಕಾ ಬೊಟ್‌ ಜೊಕೊನ್‌ ಸಾಂಗ್ಯಾ ತುಂವೆ ಕೆಲ್ಲಿ ತಿ‌ ಚುಕ್‌ ಮ್ಹಣ್. ಕೆದಿಂಚ್ ತಾಂಚೆ ಸಂಗಿ ಉಲ್ಟೆಂ ಉಲಯ್ನಾಕಾತ್ , ತಾಣಿಂ‌ ಚುಕ್‌ ಕೆಲ್ಯಾ ಮ್ಹಣ್ ತುಮ್ಕಾಂ ಬೊಗ್ತಾತರ್ ದಯಾಕರ್ನ್‌ ಎಕಾ ಮೆಕಾ ಪುಡೆಂ ಬಸೊನ್ ಉಲಯ್ಯಾತ್ , ಸಾಮಾಜಿಕ್ ಜಾಳಿನಿಂ ತಾಂಚೆ ವಿಶ್ಯಾಂತ್ ಸಾಂಗೊನ್ ಭಂವಾನಾಕಾತ್ , ಸಂಸಾರ್ ಗೊಲ್ ಅಸಾ , ಕೊಣಾಕ್ ಕಳಿತ್‌ ಪಾಲ್ಯಾಂ ನಿಮಾಣೆ ಸಾಂತೆಸ್ಕಾಂವ್ ಆನಿ‌ ಕುಮ್ಗಾರ್ ದೀಂವ್ಕ್ ತಾಕಾಚ್ ದೆವಾನ್ ನೆಮ್ಲಾಂ ತರ್, ಯಾ ತುಮ್ಚ್ಯಾ ಕುಡಿಕ್ ಬೆಂಜಾರ್ ಕರೊಂಕ್ ತಾಂಕಾಚ್‌ ಪಾವೊ ಕೆಲಾಂ ತರ್ , ತರೀ ತೊ ತುಕಾ ಬೊಗ್ಸೊನ್ ಕರ್ತೊಲೊ, ಬಗರ್ ತುಮ್ಕಾಂ ತ್ಯಾ ಘಡಿಯೆ ತುಮ್ಚ್ಯಾ ದೊಳ್ಯಾನಿಂ ಉದೆಂವ್ಚಿ ದುಃಖಾ ರಗ್ತಾಕ್ ಸರಿ ಜಾತೆಲಿಂ.‌ ಆಮಿ ಆಮ್ಚ್ಯಾ ಯಾಜಕಾಂ ವಿಶಿಂ ಉಲೊವ್ನ್ ಆಮ್ಚ್ಯಾ ದರ್ಮಾಕ್ ಕಳಂಕ್ ಹಾಡ್ತಾಂವ್ ಶಿವಾಯ್ ಕಿತೆಂಚ್ ಕರೊಂಕ್ ಸಕನಾಂವ್ ತೆಂ ಆಮಿ‌ ಪಯ್ಲ್ಯಾನ್ ಜಾಣಾಂ ಜಾಂವ್ಚೆಂ.

ದೆಕುನ್ ಮೊಗಾಚ್ಯಾನೊ,

ಸೆಮಿನರಿಥಾವ್ನ್ ಯಾ ಯಾಜಕಿ ಬೆಸಾ ಥಾವ್ನ್ , ಯಾ ಕೊವೆಂತಾ ಥಾವ್ನ್ ಕೊಣಿ ಪಾಟಿಂ ಅಯ್ಲಿಂ‌ ತರ್ ತಾಂಚೆ ಕಡೆ ಮೊಗಾನ್ ಉಲೊಯಾ ,ಅಣ್ಕೊನ್ ತಾಂಚ್ಯಾ ಕೊಡು ಜಿಣ್ಯೆಕ್ ಆನಿಕಿ ಶಿರ್ಕೊ ವೊತೊನ್, ತೆಂ ಉಲ್ಪೊಂಕ್ ಆಮಿ ಕಾರಣ್ ಜಾಂವ್ಚೆಂ ನ್ಹಯ್. , ಬಗಾರ್ ತಾಂಕಾ ಬುಜ್ವೊಣ್ ದೀವ್ನ್ ಆಮಿ ತುಜೆ ಸಾಂಗಾತಾ ಅಸಾಂವ್ ಮ್ಹಣ್ ದ್ಯೆರ್ ದಿಂವ್ಚೆಂ ಜಾವ್ನಾಸಾ. ಅಪಾಯ್ಲ್ಅ ಸಬಾರಾಂಕ್ ಪಾವೊ ಜಾಲಾಂ ಥೊಡ್ಯಾಂಕ್ ಮ್ಹಳ್ಯಾ ಜೆಜುಚ್ಯಾ ಉತ್ರಾಕ್ ಸರಿ ಜಾವ್ನ್‌ ತಾಂಕಾ ಆಮಿ ಗೌರವನ್ ಪಳೊಂವ್ಯಾ.‌

ತಶೆಂಚ್ ಕಂಚ್ಯಾಯ್ ಯಾಜಕಾ ವಯ್ರ್ ಯಾ ದಾರ್ಮಿಕ್ ಭಯ್ಣಿ ವಯ್ರ್ ತುಮ್ಕಾಂ ಬೆಜಾರಾಯ್ ಅಸಾ ತರ್ ಪೊನ್ ಘೆಯಾ ಆನಿ ತಾಂಚೆ ಕಡೆ ಉಲೊಯಾ, ನಾ ತರ್‌, ಮೆಸೆಜ್ ಕರಾ , ಯಾ ತಾಚ್ಯಾ ದಪ್ತಾರಾಕ್ ವಚಾ ತೆಂ ಸೊದ್ನ್‌ ತಾಚ್ಯಾ ವಿಶ್ಯಾಂತ್ ಸಾಮಾಜಿಕ್ ಜಾಳಿಂತ್‌ ನಾಕಾರಿ‌ ಖಬ್ರೆ ಉಲಯ್ನಾಕಾತ್.

ದೇವ್ ಬರೆಂ ಕರುಂ‌

;- ಸುರೇಶ್ ಸಲ್ಡಾನ್ಹಾ, ಸಕಲೇಶ್ಪುರ.