ಯೆ ಮ್ಹಜ್ಯಾ ಮಂಗ್ಳುರ್ ಶೆರಾ……..

ಯೆ ಮ್ಹಜ್ಯಾ ಮಂಗ್ಳುರ್ ಶೆರಾ……..

ಹಾಯ್ ಹಾಯ್ ಹಾಯ್

ಯೆ ಮ್ಹಜ್ಯಾ ಮಂಗ್ಳುರ್ ಶೆರಾ

ಕೊಣಾಚಿ ದೀಷ್ಟ್ ತುಜೆರ್ ಪಡ್ಲ್ಯಾ

ಉದೆವ್ನ್ ಯೆಂವ್ಚ್ಯಾ ರೊಮಾ ಶೆರಾ

ಆದಿಂ ಸರ್ವ್ ಆಸ್ಲೆ ಮಾಯಾಮೊಗಾನ್

ಜಾತ್ - ಕಾತ್ ಎಲಿಸಾಂವ್ ವಿಸ್ರೊನ್

ಆಜ್ ಆಸಾತ್ ಸಮಡ್ತೆಖಾತಿರ್ ಝುಜೊನ್

ಕೊಣಾಚೆ ರಗಾತ್ ಕೊಣ್ ಪಿಯೆವ್ನ್

ಆದಿಂ ಗಾಂವ್ ಬುಡ್ಲೊಲೊ ದುದಾ ಮೊಂವಾನ್

ಮೊಗ್ರ್ಯಾ ಖಳ್ಯಾಚ್ಯಾ ಪರ್ಮೊಳಾನ್

ಆಜ್ ಗಾಂವ್ ಹೊ ಬುಡ್ಲ್ಯಾ ಪಾವ್ಶಾ ಆವ್ರಾನ್

ಲೊಕಾಚ್ಯಾ ಸ್ವಾರ್ಥ್ ಆನಿ ಅಬ್ಲೆಶ್ ಪಣಾನ್

ಭಾಪಾ ಗಾಲ್ ತುಜಿ ಬಿರ್ಮೊತೆಚಿ ದೀಷ್ಟ್

ಆಮಾ ಸರ್ವ್ ಪಾಪಿಯಾಂಚೆರ್

ಪಳೆಂವ್ಕ್ ಜಾಯ್ನಾಂತ್ ಸಭಾರಾಂಚೆ ಕಷ್ಟ್

ಬೆಸಾಂವ್ ಗಾಲ್ ತುಜೆಂ ಹ್ಯಾ ಮಂಗ್ಳುರ್ ಶೆರಾಚೆರ್

ಭೊಗ್ಶಿ ಭಾಪಾ ಹ್ಯಾ ತುಜ್ಯಾ ಭುರ್ಗ್ಯಾಂಕ್

ಸಾಂಡಿನಾಕಾ ಹ್ಯಾ ಆಮ್ಚ್ಯಾ ಮಂಗ್ಳುರಾಕ್

ಜಾತ್ ಕಾತ್ ಮ್ಹಣ್ ಕದ್ವಳೊಂಚ್ಯಾ ಸಮೇಸ್ತಾಂಕ್

ಶಿಕಯ್ ತಾಂಕಾ ಮೊಗಾನ್ ಜಿಯೆಂವ್ಚ್ಯಾಕ್

ದೆವಾನ್ ರಚ್ತಾನಾ ಪಳೆಂವ್ಕ್ ನಾ ಜಾತ್ - ಕಾತ್

ವಾಳ್ತಾ ಸರ್ವಾಂಚ್ಯಾ ಕುಡಿಂತ್ ತಾಂಬ್ಶೆ ರಗತ್

ಕೆದಿಂಚ್ ದೆವಾಕ್ ರಾಗ್ ಯೇವ್ನ್ ನಾಸ್ ಜಾಂವ್ಕ್ ಸೊಡಿನಾಕತ್.

ಉದೆವ್ನ್ ಯೆಂವ್ಚ್ಯಾ ರೊಮಾ ಶೆರಾಕ್ ಆಮ್ಚ್ಯಾ ಮಂಗ್ಳುರಾಕ್...

: - ಸುರೇಶ್ ಸಲ್ಡಾನ್ , ಪನ್ವೆಲ್ ( ಸಕ್ಲೇಶ್ಪುರ್)

Pics taken from google. This poem was written  last year's  rain  in Manglaore.