ಅನಿತಾ ಖ್ಯೆಂಸರ್ ವಚೊಂಕ್ ಬ್ಯೆರ್ ಸರ್ಲಾಂಯ್ ?

(ಆರ್ದೆಂ ವಿಣ್ಗೆಂ ವಸ್ತುರ್ ಗಾಲ್ನ್ ಮಿಸಾಕ್ ಬಾರ್ಯ್ ಸರುಲ್ಯಾ ನಾತಿಚೆಂ ಆನಿ ವಡ್ಲಿ ಮಾಂಯ್ಚೆಂ ಸಂಭಾಷನ್.)

ಸಕಾಳಿಂ ಪುಡೆಂ ಬಾಯ್ರ್ ವಚೊಂಕ್ ತಯಾರ್ ಜಾವ್ನ್ ಅಯ್ಲೆಲ್ಯಾ ನಾತ್ ಆನಿತಾಕ್ ಪಳೆವ್ನ್ ವಡ್ಲಿಮಾಂಯ್ ವಿಚಾರ್ತಾ...

ಮಾಂಯ್ : ಅನಿತಾ ಖ್ಯೆಂಸರ್ ವಚೊಂಕ್ ಬ್ಯೆರ್ ಸರ್ಲಾಂಯ್ ?

ಅನಿತಾ : ಹಾಂವ್ ಮಿಸಾಕ್ ವಚೊಂಕ್ ಮಾಂಯ್ .

ಮಾಂಯ್ : ವಯ್ಗಿ , ತಶೆಂ ತರ್ ತುಜೆ ಕಡೆ ದೊನ್ ಮಿನುಟಾಂ ಉಲೊಂವ್ಕ್ ಅಸಾ ತುಂ ಇಲ್ಲೆಶೆಂ ಹಿವ್ಶಿನ್ ಯೆ ಅನಿ ಮ್ಹಜೆಂ ಸಾಂಗಾತಾ ಬಸ್. ಮೀಸ್ ಸುರು ಜಾಂವ್ಕ್ ಅನಿಕಿ ಏಕ್ ಘಂಟೊ ಆಸಾ, ತಾಚೆ ಪಯ್ಲೆಂ ತುಕಾ ವಚೊನ್ ಪಾವ್ಯೆತ್.

ಅನಿತಾ : ವಯ್ ಅನಿಕಿ ವೇಳ್ ಆಸಾ , ಸಾಂಗ್ ಮಾಂಯ್ ಕಾಲೆಂ ಉಲೊಂವ್ಕ್ ಅಸುಲ್ಲೆಂ ??

ಮಾಂಯ್ : ಅನಿತಾ ತುಜಿ ಮಸ್ತಾಯ್ಕಿ ಪಳೆತಾನಾ ತುಂ ಏಕ್ದಮ್ ಸೆಕ್ಶಿ ದಿಸ್ತಾಯ್.

ಆನಿತಾ : ( ಹಾಸಾತ್ ) ಥ್ಯಾಂಕ್ಯು ಮಾಂಯ್ ..

ಮಾಂಯ್ : ಮಾಕಾ ಕಳಿತ್ ಅಸಾ ತುಕಾ ಕೊಣಿ ಸೆಕ್ಶಿ ಮ್ಹಣ್ ಆಪಯ್ತಾನಾ ತುಕಾ ಮೊಸ್ತ್ ಕುಶಿ ಜಾತಾ, ಸಾಂಗ್ ಮಾಕಾ ಕೊಣೆ ತರಿ ತುಜೆಂ ಲಾಗಿಂ ಯೇವ್ನ್ ವಿಸರ್ಲೆಂ ತರ್, ತಾಂಚೆ ಸಂಗಿ ಸೆಕ್ಸ್ ಕರೊಂಕ್ ತುಕಾ ಆಶಾ ಆಸಾಗಿ ?

ಆನಿತಾ : ( ಆಜಾಪಾನ್ ) ಹೊ ನೊ ಮಾಂಯ್ , ಕಿತ್ಯಾಕ್ ತಶೆಂ ತುಂ ವಿಚಾರ್ತಾಯ್ ?

ಮಾಂಯ್ : ತುಜೆ ಕಡೆ ಕೊಣಿ ಸೆಕ್ಸ್ ಕರ್ಚೆಂ ನಾಕಾ ತರ್ , ತುಂ ಕಿತ್ಯಾಕ್ ಸೆಕ್ಶಿ ನೆಸಾಪ್ ನೆಸೊನ್ ಬಾಯ್ರ್ ವೆತಾಯ್.. ?

ಆನಿತಾ : ತಶೆಂ ಕಾಂಯ್ ನಾ ಮಾಂಯ್ , ತೆಂ ಆತಾಂಚೆ ಫ್ಯಾಶನ್ ಜಾಲಾಂ, ಸುಮಾರ್ ಜಣಾಂ ತಶೆಂಚ್ ನೆಸೊನ್ ಯೆತಾತ್ ... ತುಂ ಕಾಂಯ್ ಮಂಡೊ ಪಾಡ್.......

ಮಾಂಯ್ : ( ಆನಿತಾಚೆ ಉತಾರ್ ಮದೆಂಚ್ ಕಾತ್ರೊನ್) ಪುತಾ ತುಂವೆ ನೆಸುಲ್ಯಾ ನೆಸ್ಪಾಂತ್ ತುಂ ದಿಸೊನ್ ಯೆತಾಯ್ ತುಕಾಚ್ ತುಂ ವಿಕೊಂಕ್ ಬಾಯ್ರ್ ಸರುಲ್ಯಾಬರಿ. ಏಕಾ ಸೊಬಿತ್ , ಗುಣೇಸ್ತ್ ಚೆಡ್ವಾಕ್ ಸೆಕ್ಸಿ ಮ್ಹಳ್ಳೆಂ ಉತಾರ್ ಬರೆಂ ದಿಸಾನಾ. ಕಿತ್ಯಾಕ್ ತೆಂ ಉತಾರ್ ತಾಕಾ ಇನ್ಸಲ್ಟ್ ಕೆಲ್ಯಾಬರಿ. ದೆಕುನ್ ಸೆಕ್ಸಿ ಮ್ಹಣ್ ಅಪಯ್ತಾನಾ ಸಂತೊಸ್ ಪಾವಾನಾಕಾ.....ಚೆಡ್ವಾನ್ ಸೆಕ್ಶಿ ನೆಸಾಪ್ ನೆಸ್ಚೆಂ ಚೆಡ್ಯಾಚೆಂ ಲ್ಯೆಂಗಿಕ್ಪೊಣ್ ಜಾಗೊಂವ್ಕ್,

ದೆಕುನ್ ವ್ಯಭಿಚ್ಯಾರಿ ಸ್ತಿಯೊ........

ಅರ್ದೆಂ ವಿಣ್ಗೆಂ ನೆಸೊನ್ ,
ಅಪ್ಲೆ ವಿಶ್ವೆ ದಾಕೊವ್ನ್ ,
ದಾದ್ಲಾಂಕ್ ಅಪ್ಣಾ ತೆವ್ಶಿನ್ ವೊಡೊನ್,
ತಾಂಚೆ ಕಡೆ ಸೆಕ್ಸ್ ಕರ್ನ್, ಪಯ್ಶೆ ಘೆತಾತ್.

ದೆಕುನ್ ತಿಂ ಕಿತೆಂ ಕಿತೆಂ ನೆಸೊನ್ ದಾದ್ಲಾಂಕ್ ಆಪ್ಲ್ಯಾ ಜಾಳಾಕ್ ವೊಡೊಂಕ್ ಪ್ರೇತನ್ ಕರ್ತಾತ್.

ತಶೆಂ ತುಜೆಂ ತೆಂ ನೆಸಾಪ್ ಪಳೆವ್ನ್ ತುಂಯಿ ತಸಲೆಂಚ್ ಚಲಿ ಮ್ಹಣ್ ಚಿಂತೊನ್ ತುಜ್ಯಾ ಪಾಟ್ಲಾನ್ ಯೆತೆಲೆಂ ತುಜೆ ಕಡೆ ಸೆಕ್ಸ್ ಕರೊಂಕ್ ಆಶೆತಾಲೆ ..ದೆಕುನ್ ತುವೆಂ ತುಕಾಚ್ ವಿಕೊಂಕ್ ಎವ್ಕಾರ್ ದಿಲ್ಯಾ ಬರಿ ....

( ತಿತ್ಲೆಂ ಆಯ್ಕಾತಾನಾ ಚೆಡ್ವಾಚ್ಯಾ ದೊಳ್ಯಾನಿಂ ದು:ಖಾ ಯೇವ್ನ್ , ತೆಂ ಅವಾಜಾವಿಣೆಂ ಸಕ್ಲಾ ದರ್ಣಿಕ್ ಪಳೆವ್ನ್ ಅಸುಲ್ಲೆಂ - ಮಾಂಯ್ನ್ ಪರತ್ ಉಲೊವ್ಣೆಂ ಸುರು ಕೆಲೆಂ )

ಅನಿ ತುಂ ಏಕ್ ಸೊಬಿತ್, ಸುಂದರ್ , ಗುಣೇಸ್ತ್ ಚಲಿ, ಆಮ್ಚ್ಯಾ ವೊಡ್ತಾಂತ್ ಪುಲೊನ್ ಯೆಂವ್ಚೊ ಸುಂದರ್ ಗುಲೊಬ್ ತುಂ, ಕೊಣೆಂಯ್ ತುಂ ಪುಲೊವ್ನ್ ಯೆಂವ್ಚ್ಯಾ ಪಯ್ಲೆಂಚ್ ತುಜಿ ಸೊಭಾಯ್ ಪಾಡ್ ಕೆಲ್ಯಾರ್ ಆಮ್ಕಾಂ ಮೊಸ್ತು ದು:ಖ್ ಭೊಗ್ತಾ... ತಶೆಂಚ್ ತುಂ ಏಕ್ ಕ್ರಿಸ್ತಾಂವ್ ಚಲಿ , ಪಳೆ ಮರಿಯೆಕ್ , ಮರಿ ಮಾಗ್ದಲೆನಾಕ್ , ಕಿತ್ಲಾ ಮಾನ್ಸುಗೆನ್ ಅಸುಲ್ಲೆಂ ತಾಂಚೆ ತೆಂ ನೆಸಾಣ್.

ಬ್ಯೆಬಲಾಂತ್ ಆಶೆಂ ಬರಯ್ಲಾಂ " ಪಾತ್ಕಾಕ್ ಕಾರಣ್ ಜಾತಲ್ಯಾ ಸಂಸರಾಕ್ ಹಾ ಕಟಾ! ತಸಲ್ಯೊ ಸಂಗ್ತಿ ಘಡ್ತಲ್ಯೊಚ್, ಪುಣ್ ಜ್ಯಾ ಮನ್ಶಾ ವರ್ವಿಂ ತ್ಯೊ ಘಡ್ತಾತ್, ತ್ಯಾ ಮನ್ಶಾಕ್ ಹಾ ಕಟಾ! " (ಮಾತೆವ್ - 18:7)

ದೆಕೊನ್ ತುಜ್ಯಾ ಚಾಲಿಂ ನಿಮ್ತಿಂ ಕೊಣಾಯ್ಕಿ ಪಾತ್ಕಾಕ್ ವೊಡಿನಾಕಾ

ಆನಿತಾ : ಥ್ಯಾಂಕ್ಯು ಮಾಂಯ್ , ಆಜ್ ತುಜ್ಯಾ ಉತ್ರಾನಿಂ ಮ್ಹಜೆ ದೊಳೆ ಉಗಡ್ಲೆಯ್ , ಅಜ್ ಮ್ಹಸರ್ ಮಾಕಾ ಹೆಂ ಕಳಿತ್ ನಾತುಲ್ಲೆ, ಆಜ್ ಥಾವ್ನ್ ತುಕಾ ಹಾಂವ್ ಭಾಸ್ ದಿತಾಂ, ಅನಿ ಕೆದಿಂಚ್ ಅಸಲೆಂ ನೆಸಾಣ್ ಹಾಂವ್ ನೆಸ್ಚಿನಾ

( ತಶೆಂ ಮುಣೊನ್ ಅನಿತಾ ಕುಡಾ ಕುಶಿನ್ ಗೆಲೆಂ , ತೆಂ ಪಳೆತಾಚ್ ಮಾಂಯ್ನ್ ವಿಸಾರ್ಲೆಂ)

ಮಾಂಯ್ : ಪುತಾ ಮಿಸಾಕ್ ವಚಾನಾಂಯ್ಗಿ ?

ಆನಿತಾ : ವೆತಾಂ ಮಾಂಯ್ , ವೆಚ್ಯಾ ಪಯ್ಲೆಂ ಹೆಂ ನೆಸಾಣ್ ಬದ್ಲೊನ್ ಮಾನ್ಸುಗೆಚೆಂ ನೆಸಾಣ್ ಸೆಸೊನ್ ಯೆತಾಂ..

( ಮಾಂಯ್ಚ್ಯಾ ದೊಳ್ಯಾನಿಂ ದು:ಖಾಂ ದೆಂವ್ಲಿ ಹೆಂ ಆಯ್ಕಾತಾಚ್ .. ಸಂತೋಶನ್ ಮ್ಹಣಾಲಿ)

ಮಾಂಯ್ : ದೆವಾಚೆಂ ಬೆಸಾಂವ್ ಪುತಾ ತುಕಾ ...

ಏ ಚೆಡ್ವಾ............
ಅರ್ದೆಂ ವಿಣ್ಗೆಂ ತುಂ ತರ್ ನೆಸ್ಶಿ …….
ದಿಸ್ತೆಲೆಂಯ್ ತುಂ ಸೆಕ್ಶಿ .....
ಬಗಾರ್ ಸಮಾಜೆ ಮುಕಾರ್ ……..
ತುಕಾಚ್ ತುಂ ವಿಕ್ಶಿ........

ಮೊಗಾಚ್ಯಾನೊ :

ತುಂಮ್ಕಾ ಕೊಣೆ ತರಿ ಸೆಕ್ಸಿ ಮುಳ್ಯಾರ್ ಸಂತೊಸ್ ಪಾವಾನಾಕಾತ್ ಬಗರ್ ಬೆಜಾರ್ ಪಾವಾ, ಕಿತ್ಯಾಕ್ ತೊ ತುಮ್ಚ್ಯಾ ಸೊಭಾಯೆಕ್ ಪಳೆವ್ನ್ ಸಾಂಗಾನಾ, ಬಗರ್ ತುಮ್ಚ್ಯಾ ವಿಶ್ವಾಂಕ್ ಪಳೆವ್ನ್ ಸಾಂಗೊನ್ ಆಸಾ ಮ್ಹಳ್ಳೆಂ ಮತಿಂತ್ ದವರಾ.

ಹಾಂವೆ ಮಾಗ್ಚೆಂ ತುಮ್ಚೆಂ ಕಡೆ ಇತ್ಲೆಂಚ್ ...

ಆಮ್ಚಿಂ ಸಮಾಡ್ತ್ ಸಾಂಭಾಳ್ಯಾಂ,
ಆಮ್ಚ್ಯಾ ಚೆಡ್ವಾಂಕ್ ಸಾಂಭಾಳ್ಯಾಂ,
ಇಗರ್ಜೆಕ್ ವೆತಾನಾ ಮಾನ್ಸುಗಿ ಸಾಂಭಾಳ್ಯಾಂ
ಆಮ್ಕಾಂಚ್ ಆಮಿ ಸಾಂಭಾಳ್ಯಾಂ

ಆಜ್ ಆಮಿಂ ಸರ್ವ್ ಏಕ್ ನಿಚೆವ್ ಕರ್ಯಾಂ
ಬುರ್ಗ್ಯಾಂಕ್ ಆಮ್ಚ್ಯಾ ಮಾನ್ಸುಗಿ ಶಿಕೊವ್ಯಾಂ
ಬರೆಂ ಮಾನ್ಸುಗೆಚೆಂ ನೆಸಾಪ್ ನೆಸೊನ್
ದುಸ್ರ್ಯಾ ದರ್ಮಾಂಚ್ಯಾಂಕ್ ಆಮಿ ದೇಖ್ ಜಾವ್ಯಾಂ

ಕೊಂಕ್ಣೆಕ್ : ಸುರೇಶ್ ಸಲ್ದಾನ್ಹಾ, ಸಕಲೇಶ್ಪುರ್

ಮೂಳ್ : ವಾಟ್ಸಾಪಾಚ್ಯಾ ಆಧಾರಾನ್........

ಸೂಚನ್ : ಹ್ಯಾ ಲೇಖನಾಂತ್ ನಾತಿಚೆ ನಾಂವ್ (ಅನಿತಾ) ಉಲ್ಲೆಖೀತ್ ಕೆಲ್ಲೆಂ ಕಾಲ್ಪನಿಕ್ ಜಾವ್ನಾಸಾ, ಕೊಣಾಯ್ಕಿ ಲಾಗು ಜಾಯ್ನಾ.