*ಪಪ್ಪ - ತುಕಾ ದೇವ್ ಬರೆಂ ಕರುಂ*

ಮೊಗಾಳ್ ಪಪ್ಪ*

*ಪಪ್ಪ - ತುಕಾ ದೇವ್ ಬರೆಂ ಕರುಂ*

ಬಾಳ್ಪೊಣಾರ್ ಹಾತ್ ಆಮ್ಚೆಂ ದರೊನ್
ಪಾಟಿರ್ ಉದ್ದಿನಾ ಮೂಟೆ ಕರೊನ್
ವೊಳ್ತಾನಾ ಉಕ್ಳೊನ್ ದರೊನ್,
ಕುಶಾಲ್ಕಾಯೆನ್ ಆಮ್ಕಾಂ ವಾಡಾಯಿಲ್ಯಾಕ್
*ತುಕಾ ದೇವ್ ಬರೆಂ ಕರುಂ...*

ಉಂಚಾಯೆಚೆಂ ಶಿಕಾಪ್ ದಿವೊನ್
ಜತನ್ ಆಮ್ಚಿ ಘೆವುನ್,
ಗರ್ಜಾಂಕ್ ಆಮ್ಚ್ಯಾ ಪುಡ್ ಕರೊನ್
ಅಜ್ ಆಮ್ಕಾಂ ಹ್ಯಾ ಪಾಂವ್ದಾಕ್ ಪಾವಾಯಿಲ್ಯಾಕ್
*ತುಕಾ ದೇವ್ ಬರೆಂ ಕರುಂ....*

ದೀಸ್ ರಾತ್ ಲೆಖಿನಾಸ್ತಾನಾ
ಗಾಡ್ವಾ ಬರಿ ಗೊಳೊನ್
ಅಪ್ಲ್ಯಾ ಪೊಟಾಚಿ ಭುಕ್ ಮಾರೊನ್
ದಿಸ್ಪೊಸ್ತೊ ಗ್ರಾಸ್ ಆಮ್ಕಾಂ ದಿಲ್ಯಾಕ್
*ತುಕಾ ದೇವ್ ಬರೆಂ ಕರುಂ...*

ಪೆಸ್ತಾ ಪರ್ಬೆಕ್ ಮುಸ್ತ್ಯಾಯ್ಕಿ ದಿವೊನ್
ಸುಕ್ ಕೆಲ್ಯಾ ತವಳ್ ತಿದ್ವೊನ್
ಮಾಯಾ ಮೊಗನ್ ಪೋಸ್ ಕರೊನ್
ಅಜ್ ಆಮ್ಚ್ಯಾ ಬುರ್ಗ್ಯಾಂಕಿ ತುಜಿಚ್ ದೆಕ್ ಶಿಕಯಿಲ್ಯಾಕ್
*ತುಕಾ ದೇವ್ ಬರೆಂ ಕರುಂ*

ಆಯ್ಚ್ಯಾ ಹ್ಯಾ ಭಾಗಿ ದಿಸಾ
ಎಕಾ ಮನಾನ್ ಖಾಳ್ತ್ಯಾ ಕಾಳ್ಜಾನ್
ದನ್ಯಾ ದೆವಾಕ್ ಅರ್ಗಾಂ ಪಾಟಯ್ತಾಂವ್
ತುಜ್ಯಾ ತಸ್ಲ್ಯಾ ಬಾಪಾಯ್ಕ್ ಆಮ್ಕಾಂ ಪಾವೊ ಕೆಲ್ಯಾಕ್.

ಮಾಗ್ತಾಂವ್ ದನ್ಯಾ ದೆವಾಕಡೆ
ಲಾಂಬ್ ಆವ್ಕ್ ತುಕಾ ಪಾವೊ ಕರೊಂಕ್
ಪಿಡೆಶಿಡೆಂತ್ ತುಜಿ ಜತನ್ ಕರೊಂಕ್.
ಮಾಯಾಮೊಗಾನ್ ಆಮಿ ಜಿಯೆಂವ್ಕ್

✍ *ಸುರೇಶ್ ಸಲ್ಡಾನ್ಹಾ.

*ಹೆಂ ಮ್ಹಜೆಂ ಕವನ್ ಮ್ಹಜ್ಯಾ ಬಾಪಯ್ ಸಾಂಗಾತಾ, ಸಂಸಾರಾಂತ್ಲ್ಯಾ ಸರ್ವ್ ಬಾಪಾಯಾಂಕ್ ಅರ್ಪಣ್ ಕರ್ತಾಂ*

*Happy Fathers day*