ಏ ಚೆಡ್ವಾ / ಚೆಡ್ಯಾ..

ಏ ಚೆಡ್ವಾ / ಚೆಡ್ಯಾ..

ಮೊಗ್ ಮುಳ್ಯಾ

ಗುಲೊಬಾಚ್ಯಾ ಜಡಾಕ್

ರಗತ್ ಮುಳ್ಳೆಂ

ತೆಂ ಉದಕ್ ವೊತೊನ್

ಪಾತ್ಯೆಣಿ ಮುಳ್ಳಿ

ವೊಯ್ ತಿ ಲಾವೊನ್

ಸಾಗೊರಬರಿ

ಸ್ವಪಾಣ್ ದೆಕೊನ್

ಆಸುಲ್ಯಾ ಮಾಕಾ

ಲಾರಾಂ ಬರಿ ಅಪ್ಟೊನ್

ಘಡ್ಗಡ್ಯಾ ಬರಿ ಪುಟೊನ್

ಜಗ್ಲಾಣೆ ಬರಿ ಉಲ್ಪೊನ್

ಸಿರಂದರಿಚೊ ದುಃಖಾಂಚೊ

ಪಾವ್ಶ್ ವೊತೊನ್

ಗೆಲೆಂಯ್ ( ಗೆಲೊಯ್) ನೆಂ

ಏ ಪರ್ದೆಶಿ ಚೆಡ್ವಾ../ ಚೆಡ್ಯಾ .

✍ ಸುರೇಶ್ ಸಲ್ಡಾನ, ಸಕ್ಲೇಶ್ಪುರ್, ಅಬುಧಾಬಿ

ಬರಯ್ಣಾರಾ ವಿಶಿಂ ಜಾಣಾ ಜಾ.

ಸುರೇಶ್ ಸಲ್ಡಾನ್ಹಾ, ಪ್ರಸ್ತುತ್ ಆಭುದಾಬಿಂತ್ ವಾವ್ರ್ ಕರ್ನ್ ಆಸ್ಚೊ ಗೂಂಡ್ ಚಿಂತ್ಪಾಚೊ ಕವಿ. ಮಾಂಯ್ ಗಾಂವಾಂತ್ ಸಕಲೇಶಪುರಾಚೊ. ಪಾಟ್ಲ್ಯಾ ವೀಸ್ ವರ್ಸಾಥಾವ್ನ್ ನವಿ ಮುಂಬಯಾತ್ಲ್ಯಾ ಪನ್ವೆಲಾಂತ್ ಆಪ್ಲ್ಯಾ ಕುಟ್ಮಾ ಸವೆಂ ವಸ್ತಿ ಕರ್ನ್ ಆಸಾ. ಹಾಚಿಂ ವಿಂಚ್ಣಾರ್ ಕವನಾಂ ಮಾಂಯ್ ಭಾಸ್.ಕೊಮ್, ಕೊಂಕ್ಣಿ ಲವ್, ಆಂಕ್ರಿ, ವೀಜ್ ಹಪ್ತ್ಯಾಳೆಂ ತಸಲ್ಯಾ ಜಾಳಿ ಜಾಗ್ಯಾನಿ೦ ಪರ್ಜಳ್ಳ್ಯಾಂತ್ ತರ್, ದಿವೊ, ಕುರೊವ್ ಆನಿಂ ಝೆಲೊ ತಸಲ್ಯಾ ಕೊಂಕ್ಣೆಚ್ಯಾ ಮಾಲ್ಘಡ್ಯಾ ಪತ್ರಾನಿಂ ಫಾಯ್ಸ್ ಜಾಲ್ಯಾಂತ್. ಕಾನಡಿ ಲಿಪಿಂತ್ ವರೆಗ್ ಕವನಾಂ ಬರಯ್ಲೆಲಿ ಹೊಗ್ಳಿಕ್ ಆನಿ ಕೀರ್ತ್ ಹಾಕಾ ಫಾವೊ. ಕೊಂಕಣಿಂತ್ ಆಯ್ಲೆವಾರ್ ಸರಾಗ್ ಬರೊಂವ್ಚ್ಯಾ ಕವಿ/ಲೇಖಕಾಂ ಪಯ್ಕಿ ಎಕ್ಲೊ ಜಾವ್ನಾಸಾ. ಫೇಸ್ ಬುಕ್, ಅಂತರ್ ಜಾಳಿ ಜಾಗೆ ಆನಿ ವಾಟ್ಸಾಪ್ ಪಂಗ್ಡಾಂನಿ ಪ್ರಸ್ತುತ್ ವಿಷಯಾಂ ವಯ್ರ್ ಬರಯ್ತಾ. ಕವಿತಾ ಕಾಮಾ ಶಾಳಾಂನಿ ಚುಕಾನಾಸ್ತಾಂ ಪಾತ್ರ್ ಕಾಣ್ಘೆತಾ. ಆಪುಟ್ ಕೊಂಕಣಿ ಮೊಗಿ ಜಾವ್ನಾಸಾ.

ಏ ಚೆಡ್ವಾ / ಚೆಡ್ಯಾ..

0 comments:

Post a Comment

Translate

ಪಿರ್ಗಜೆಂತ್ಲ್ಯಾ ಖೆಳಾ ಪಂದ್ಯಾಂತ್ ವ್ಹೆಳಾ/