ಯೆ ಯೆ ತುಂ ಯೆ .......ಪತಿ ಮ್ಹಜ್ಯಾ

ಯೆ ಯೆ ತುಂ ಯೆ .......ಪತಿ ಮ್ಹಜ್ಯಾ

ಅದೆವ್ಸ್ ಮಾಗೊನ್ ಪರ್ಗಾವಾಕ್ ಗೆಲೊಯ್ ಪತಿ ಮ್ಹಜ್ಯಾ

ಮಾಯ್ಗಾವಾಂತ್ ಸಾಂಡೊನ್ ಬಾಯ್ಲೆ ಬುರ್ಗಾಂಕ್ ತುಜ್ಯಾ

ಕಾಳಿಜ್ ಮ್ಹಜೆ ಲಾಸೊನ್ ಅಸಾ ಯಾದಿನ್ ತುಜ್ಯಾ

ಯೆ ಮೊಗಾ ಘೆ ಮ್ಹಾಕಾ ಗೊಪಾಂತ್ ತುಜ್ಯಾ

ಗೆಲಾಯ್ ತುಂ ಸಾತ್ ದರ್ಯೊ ಉತ್ರೊನ್

ದೀಸ್ ರಾತ್ ಅಸಾಂ ಯೆಣ್ಯಾಕ್ ತುಜ್ಯಾ ರಾಕೊನ್.

ದೊಳ್ಯಾಂತ್ ಬರ್ಲ್ಯಾತ್ ದು:ಖಾ ತುಜ್ಯಾ ವೆಗ್ಳಾಚಾರನ್

ಯೆ ಮೊಗಾ ಯೆ ಬರ್ ಮ್ಹಾಕಾ ತುಜ್ಯಾ ಉಮ್ಯಾನ್

ಬುರ್ಗಿ ರಾವ್ಲಾತ್ ದಾರಾಕಡೆ ತುಕಾ ರಾಕೊನ್

ಹಾಡ್ತಾಲೊಯ್ ಮ್ಹನ್ ಇನಾಮ ಪೊತಿಂ ಬರೊನ್

ಕಾಳ್ಜಾಚೆ ದಾರ್ ಉಗಡುನ್ ರಾವ್ಲ್ಯಾ ಹಾಂವ್ ರಾಕೊನ್

ಯೆ ಮೊಗಾ ಯೆ ಬರ್ ಮ್ಹಾಕಾ ತುಜ್ಯಾ ವೆಂಗೆನ್

ಘರಾಚೊ ದಿವೊ ತುಂ ಅಸಾಯ್ ಪರ್ಗಾವಾಂತ್

ತುಜ್ಯಾ ವಿಣೆ ನಾ ಸುಖ್ ಯ್ಯಾ ಸಂಸರಾಂತ್

ತುಜ್ಯಾ ವಿಣೆ ಕಿತೆಂಚ್ ನಾಕಾ ಮ್ಹಾಕಾ ಜೀವನಾಂತ್

ಯೆ ಯೆ ಯೆ ಅಮಿ ಸಾಂಗಾತಾ ರಾವ್ಯಾಂ ಅಮ್ಚ್ಯಾ ಮಾಯ್ಗಾವಾಂತ್

ಸುರೇಶ್ ಸಾಲ್ಡಾನ್,ಪನ್ವೆಲ್ .ಅಬುಧಾಬಿ.

(ಯೆ ಮ್ಹಜೆಂ ಕವನ್, ಅಪ್ಲ್ಯಾ ಕುಟ್ಮಾಕ್ ಸಾಂಡೊನ್ ಪರ್ಗವಾಂತ್ ವಾವ್ರ್ ಕರ್ನ್ ಅಸ್ಚ್ಯಾಂಕ್ ಅರ್ಪಿತ್ ಕರ್ತಾ)