ರಚ್ಲೆಲೆಂ ಪುರಾ ಶೂನ್ಯಾ..

ರಚ್ಲೆಲೆಂ ಪುರಾ ಶೂನ್ಯಾ..

ಸರ್ವೆಶ್ಪರಾ ದೆವಾನ್

ದೆವಾನ್ ರಚ್ಲೊ ಸಂಸಾರ್

ತಾಚೊ ಆಕಾರ್ ಶೂನ್ಯಾ...

ದೆವಾನ್ ರಚ್ಲೊ ಸೂರ್ಯೊ

ತಾಚೊ ಆಕಾರ್ ಶೂನ್ಯಾ‌...

ದೆವಾನ್ ರಚ್ಲೊ ಚಂದ್ರ್

ತಾಚೊ ಆಕಾರ್ ಶೂನ್ಯಾ...

ದೆವಾನ್ ರಚ್ಲೊ ಆಕಾಶ್

ತಾಚೊ ಆಕಾರ್ ಶೂನ್ಯಾ....

ಕಾಲ್ ಚಕ್ರ್ ಬಿ ಶೂನ್ಯಾ...

ಖ್ಯೆಂ ಥಾವ್ನ್ ಸೆರ್ವೊನ್

ಖ್ಯೆಂ ಥಾವ್ನ್ ಗುಣ್ಸೊನ್

ಖ್ಯೆಂ ಥಾವ್ನ್ ಬಾಗ್ಸಿಲ್ಯಾರಿ

ಮಾಗಿರ್ ಮೆಳ್ಚೆಂ ಶೂನ್ಯಾ....

ತುಂ ಮ್ಹಣ್ಚೆಂ ಕಾಂಯ್ ನಾ

ಹಾಂವ್ ಮ್ಹಣ್ಚೆಂ ಕಾಂಯ್ ನಾ

ಹಾಂವ್ , ತುಂ ನಾಸ್ತಾನ ರಾವ್ಲಾರ್

ಜೀವಿತ್ ಏಕ್ ಶೂನ್ಯಾ...

ಜಲ್ಮಾತಾನ ಕಾಂಯ್ ಘೆವ್ನ್ ಯೇವ್ನಾ...

ವೆತಾನಾ ಕಾಂಯ್ ಘೆವ್ನ್ ವಚಾನಾ.

ಕೊಣಾಯ್ಕಿ ದಿಲ್ಲೆಂ ಕಾಂಯ್ ನಾ

ಕೊಣಾಥಾವ್ನಿ ಘೆತುಲ್ಲೆಂ ಕಾಂಯ್ ನಾ..

ಸಗ್ಳೆಂ ಆಸೊನ್, ಕಾಂಯ್ ನಾತುಲ್ಯಾ

ಹ್ಯಾ ಸಂಸಾರಾಚ್ಯಾ ಪಯ್ಣಾರ್‌..

ಜೀವಿತ್ ಬಿ ಏಕ್ ಶೂನ್ಯಾ...

✍ ಸುರೇಶ್ ಸಲ್ಡಾನ್.ಪನ್ವೆಲ್

ಬರಯ್ಣಾರಾ ವಿಶಿಂ ಜಾಣಾ ಜಾ.

ಸುರೇಶ್ ಸಲ್ಡಾನ್ಹಾ, ಪ್ರಸ್ತುತ್ ಆಭುದಾಬಿಂತ್ ವಾವ್ರ್ ಕರ್ನ್ ಆಸ್ಚೊ ಗೂಂಡ್ ಚಿಂತ್ಪಾಚೊ ಕವಿ. ಮಾಂಯ್ ಗಾಂವಾಂತ್ ಸಕಲೇಶಪುರಾಚೊ. ಪಾಟ್ಲ್ಯಾ ವೀಸ್ ವರ್ಸಾಥಾವ್ನ್ ನವಿ ಮುಂಬಯಾತ್ಲ್ಯಾ ಪನ್ವೆಲಾಂತ್ ಆಪ್ಲ್ಯಾ ಕುಟ್ಮಾ ಸವೆಂ ವಸ್ತಿ ಕರ್ನ್ ಆಸಾ. ಹಾಚಿಂ ವಿಂಚ್ಣಾರ್ ಕವನಾಂ ಮಾಂಯ್ ಭಾಸ್.ಕೊಮ್, ಕೊಂಕ್ಣಿ ಲವ್, ಆಂಕ್ರಿ, ವೀಜ್ ಹಪ್ತ್ಯಾಳೆಂ ತಸಲ್ಯಾ ಜಾಳಿ ಜಾಗ್ಯಾನಿ೦ ಪರ್ಜಳ್ಳ್ಯಾಂತ್ ತರ್, ದಿವೊ, ಕುರೊವ್ ಆನಿಂ ಝೆಲೊ ತಸಲ್ಯಾ ಕೊಂಕ್ಣೆಚ್ಯಾ ಮಾಲ್ಘಡ್ಯಾ ಪತ್ರಾನಿಂ ಫಾಯ್ಸ್ ಜಾಲ್ಯಾಂತ್. ಕಾನಡಿ ಲಿಪಿಂತ್ ವರೆಗ್ ಕವನಾಂ ಬರಯ್ಲೆಲಿ ಹೊಗ್ಳಿಕ್ ಆನಿ ಕೀರ್ತ್ ಹಾಕಾ ಫಾವೊ. ಕೊಂಕಣಿಂತ್ ಆಯ್ಲೆವಾರ್ ಸರಾಗ್ ಬರೊಂವ್ಚ್ಯಾ ಕವಿ/ಲೇಖಕಾಂ ಪಯ್ಕಿ ಎಕ್ಲೊ ಜಾವ್ನಾಸಾ. ಫೇಸ್ ಬುಕ್, ಅಂತರ್ ಜಾಳಿ ಜಾಗೆ ಆನಿ ವಾಟ್ಸಾಪ್ ಪಂಗ್ಡಾಂನಿ ಪ್ರಸ್ತುತ್ ವಿಷಯಾಂ ವಯ್ರ್ ಬರಯ್ತಾ. ಕವಿತಾ ಕಾಮಾ ಶಾಳಾಂನಿ ಚುಕಾನಾಸ್ತಾಂ ಪಾತ್ರ್ ಕಾಣ್ಘೆತಾ. ಆಪುಟ್ ಕೊಂಕಣಿ ಮೊಗಿ ಜಾವ್ನಾಸಾ.

ರಚ್ಲೆಲೆಂ ಪುರಾ ಶೂನ್ಯಾ..

0 comments:

Post a Comment

Translate

ಪಿರ್ಗಜೆಂತ್ಲ್ಯಾ ಖೆಳಾ ಪಂದ್ಯಾಂತ್ ವ್ಹೆಳಾ/