ಕೊಣಾಚಿ ಕಾಣಿ ಸಾಂಗು ತುಕಾ.......

ಕೊಣಾಚಿ ಕಾಣಿ ಸಾಂಗು ತುಕಾ.......

ಕಾಣಿ ಸಾಂಗ್ ಮುಣ್ತಾಯ್ ರೆ ಪುತಾ .. ಕಾಣಿ ಸಾಂಗ್

ಕಾಣಿ ಕೊಣಾಚಿ ಸಾಂಗು ತುಕಾ......  

ಮ್ಹಜಿ ಕಾಣಿಗಿ.... ? ಯ್ಯಾ

ಸಂಸಾರಾಂತ್ ಜಾಂವ್ಚ್ಯಾ ಅನಿತಿಚಿ ಕಾಣಿಗಿ.......?

1. ಆಪ್ಲ್ಯಾ ಕುಟ್ಮಾಖಾತಿರ್ ದೀಸ್ ಬರ್ ಘೊಳ್ನ್

ರಾತ್ಚ್ಯಾ ನಿದೆಕ್ ಆಶೆಂವ್ಚ್ಯಾ ಮನ್ಶ್ಯಾಚಿ ಕಾಣಿಗಿ.....?

ದೀಸ್ ಬರ್ ಇಶ್ಟಾಸಂಗಿ ಮಜಾ ಮರೊನ್

ನಿದೆಖಾತಿರ್ ಗುಳಿಯೊ ಸೆಂವ್ಚ್ಯಾ ಮನ್ಶ್ಯಾಚಿ ಕಾಣಿಗಿ....?

ಕಾಣಿ ಸಾಂಗ್ ಮುಣ್ತಾಯ್ ರೆ ಪುತಾ .. ಕಾಣಿ ಸಾಂಗ್

ಕಾಣಿ ಕೊಣಾಚಿ ಸಾಂಗು ತುಕಾ......  

2. ವರ್ಸ್ ಬರ್ ಅಪ್ಲಾ ದನ್ಯಾಚಿ ಚಾಕ್ರಿ ಕರ್ನ್..

ತಾಚ್ಯಾ ದುವೆಚ್ಯಾ ಮೊಗಾರ್ ಪಡುಲ್ಯಾ ಚಾಕ್ರಚಿ ಕಾಣಿಗಿ.. ?

ಕಾಮಾಚ್ಯಾ ಸೊದ್ನೆರ್ ಗೆಲ್ಯಾ ಚಲಿಯೆಕ್

ದನ್ಯಾನ್ ತಾಚೆರ್ ಅತ್ಯಾಚ್ಯಾರ್ ಕರ್ನ್ ಸೊಡುಲ್ಲಿ ಕಾಣಿಗಿ....?

ಕಾಣಿ ಸಾಂಗ್ ಮುಣ್ತಾಯ್ ರೆ ಪುತಾ .. ಕಾಣಿ ಸಾಂಗ್

ಕಾಣಿ ಕೊಣಾಚಿ ಸಾಂಗು ತುಕಾ......  

3. ಪೊಟಾಚಿ ಭುಖ್ ಥಾಂಬೊಂವ್ಕ್ ಸಿಗ್ನೆಲಾಕಡೆ

ಭಿಕ್ ಮಾಗ್ಚ್ಯಾ ಬಿಕಾರ್ಯಾಚಿ  ಕಾಣಿಗಿ..?

ಆಡಂಬರಾಚೆಂ ಜೆವಾಣ್ ಜೇವ್ನ್

ಪಾಡ್ ಕರ್ಚ್ಯಾ ಗ್ರೆಸ್ತ್ ಮನ್ಶ್ಯಾಚಿ ಕಾಣಿಗಿ...?

ಕಾಣಿ ಸಾಂಗ್ ಮುಣ್ತಾಯ್ ರೆ ಪುತಾ .. ಕಾಣಿ ಸಾಂಗ್

ಕಾಣಿ ಕೊಣಾಚಿ ಸಾಂಗು ತುಕಾ......  

4. ದಾ ಬಾರಾಂ ಮಯ್ಲಾ ವಜೆಂ ವಾವೊನ್ ರಿತ್ಯಾ ಹಾತಾನಿಂ

ಪಾಟಿಂ ಅಯ್ಲ್ಯಾ ಶೆಟ್ಕಾರಾಚಿ ಕಾಣಿಗಿ.... ?

ತಾಂಚೆ ಕಡ್ಚೆಂ ಲುಟೊನ್ ಮದೆಂ …..

ಮುನಾಪೊ ಗೆಂವ್ಚ್ಯಾ ದಲ್ಲಾರಿಚಿ ಕಾಣಿಗಿ...?

ಕಾಣಿ ಸಾಂಗ್ ಮುಣ್ತಾಯ್ ರೆ ಪುತಾ .. ಕಾಣಿ ಸಾಂಗ್

ಕಾಣಿ ಕೊಣಾಚಿ ಸಾಂಗು ತುಕಾ......  

5. ಮೊಗ್ ಕರ್ತಾಂ ಮುನೊನ್

ನಿಸ್ಕಳ್ಪೊಣ್ ಲುಟುಲ್ಯಾ ಚೆಡ್ಯಾಚಿ ಕಾಣಿಗಿ.... ?

ಮೊಗಾಚೊ ಪಾಶಾಂವ್ ಖೆಳೊನ್

ವಿಶ್ವಾಶ್ ಘಾತ್ ಕೆಲ್ಯಾ ಚೆಡ್ವಾಚಿ ಕಾಣಿಗಿ.....?

ಕಾಣಿ ಸಾಂಗ್ ಮುಣ್ತಾಯ್ ರೆ ಪುತಾ .. ಕಾಣಿ ಸಾಂಗ್

ಕಾಣಿ ಕೊಣಾಚಿ ಸಾಂಗು ತುಕಾ......  

6. ಎಲಿಸಾಂವ್ ವೆಳಾರ್ ಪೊಟ್ ಪೊಶೆವ್ನ್

ಪಟ್ಕಿರೆ ಆಶ್ವಾಶಾನ್ ದಿಲ್ಯಾ ಮಂತ್ರಿಚಿ ಕಾಣಿಗಿ ...?

ಅಪ್ಣಾಚೊ ಉದ್ದೊ ಉರೊಂವ್ಕ್ ದುಸ್ರಾಂಚೆರ್

ಅಪ್ರಾದ್ ತಾಪ್ಚ್ಯಾ ಕಾಮೆಲ್ಯಾಚಿ ಕಾಣಿಗಿ...?

ಕಾಣಿ ಸಾಂಗ್ ಮುಣ್ತಾಯ್ ರೆ ಪುತಾ .. ಕಾಣಿ ಸಾಂಗ್

ಕಾಣಿ ಕೊಣಾಚಿ ಸಾಂಗು ತುಕಾ......  

7. ಸಾಂಗೊಂಕ್ ಗೆಲ್ಯಾರ್ ಮೊಸ್ತು ಅಸಾರೆ ಪುತಾ .....

ಸಾಂಗು ಜಾಲ್ಯಾರಿ ಹಾಂವ್ ತುಕಾ ಕೊಣಾಚಿ ಕಾಣಿ???  

ಹ್ಯಾಚ್ ಕಾಣಿಯಾಣಿ ಉಪ್ಯೆವ್ನ್ನ್, ಉಪ್ಯೆವ್ನ್ ಪುತಾ ‌.‌

ಝರಯ್ಲ್ಯಾ  ಹಾಂವೆ ಆರ್ದಿ ಮ್ಹಜಿ ಜಿಣಿ...........

✍    ಸುರೇಶ್ ಸಲ್ಡಾನ್, ಪನ್ವೆಲ್.