ಮೋಗ್ - ಮೋಗ್ - ಮೋಗ್

ಮೋಗ್ - ಮೋಗ್ -  ಮೋಗ್ 

ಆಪ್ಣೆಂಚ್ ತುಂ ಜಲ್ಮಾತಾಯ್ ಕಿತ್ಯಾಕ್?

ಮೆಳಾನಾತುಲ್ಯಾ ಮಾಣ್ಕಾಂ

ತೆವ್ಶಿನ್ ಮ್ಹನಾಕ್ ಮ್ಹಜ್ಯಾ ನಾಡ್ತಾಯ್ ಕಿತ್ಯಾಕ್?

ಸುಕ್ ಯಾ ಸಮಾ

ಹಾಂಚೆ ಮದೆಂ ಪರಕ್ ನಾಸ್ತಾಂ

ಆಶಾ  ಕಿತ್ಯಾಕ್ ತುಕಾ ತಾಂಚೆ ಮದೆಂ ಗುಸ್ಚಿ...?

ಆಸಲಿಂ ಹಿಂ ಪಿಶಿಂ ಭೊಗ್ಣಾಂ ತರಿ

ಖ್ಯೆಂ ಥಾವ್ನ್ ಯೆತಾತ್ ತುಕಾ ಕಾಳಿಜ್ ಲಾಸ್ಚಿಂ ...????

                                                           
                                                             ಆಮ್ಚ್ಯಾ ಮದ್ಲಿ ಇಷ್ಟಗಾತ್

ಮೊಗಾಂತ್  ಕಿತ್ಯಾಕ್ ಬದಲ್ನಾಂಯ್ ....???

ಮ್ಹಜೆಂ ಇಷ್ಟಿನೆಕ್

ಮ್ಹಜೆಂ ಜಿಣ್ಯೆ ಸಾಂಗತಿಣ್ ಕಿತ್ಯಾಕ್ ಕರ್ನಾಂಯ್ ...??

ತಾಚೊ ಉಶ್ವಾಸ್

ಹಾಂವೆ ಕಿತ್ಯಾಕ್ ಜಾಯ್ನಾಜೊ...???

ಜವಾಬ್ ಕಳಿತ್ ತರಿ

ಪಿಶ್ಯಾ ಸವಾಲಾನಿಂ  ಕಿತ್ಯಾಕ್ ದೊಸ್ತಾಯ್..???

ತಾಕ ಆಪ್ಣಾಂವ್ಚಿಂ

ಗೊಡ್ಶಿಂ ಸ್ವಪ್ಣಾಂ ಕಿತ್ಯಾಕ್ ದಾಕಯ್ತಾಯ್...???

ಸ್ವಪಾಣ್ ಮ್ಹಣ್ ಕಳಿತ್ ತರಿ

ದೊಳ್ಯಾನಿಂ ಕಿತ್ಯಾಕ್ ದುಃಖಾಂ ವಾಳಯ್ತಾಯ್ ....???

ಪರತ್ ಪರತ್ ಉಬ್ಜೊವ್ನ್

ಯಾದಿನಿಂ ಕಿತ್ಯಾಕ್ ಮಾಕ ಬುಡಯ್ತಾಯ್ ....???

ಮೆಳನಾತುಲ್ಯಾ ದಿವ್ಟೆ ಪಾಟ್ಲಾನ್

ಮಾಕ ಕಿತ್ಯಾಕ್ ದಾಂವ್ದಾಯ್ತಾಯ್ ....???

ಆಜುನಿ ಥೊಡಿಂ ಪಿಶಿಂ ಸವಾಲಾಂ

ಉಬ್ಜಾತಾತ್ ಯ್ಯಾ ಖಡ್ಡ್ಯಾ ತಕ್ಲೆಂತ್

ಜಾಪಿಂಕ್  ರಾಕೊನ್ ರಾಕೊನ್

ಕೇಶ್ ಮ್ಹಜೆ ಪಿಕೊಂಕ್ ಲಾಗ್ಲ್ಯಾತ್ ....

ಮೊಗಾ ಕಿತ್ಯಾಕ್ ತುಂ ಜಲ್ಮಾತಾಯ್ ..???

ಗೊಡ್ಯಾ ಸ್ವಪ್ಣಾನಿಂ ಕಿತ್ಯಾಕ್ ವೆಂಗ್ತಾಯ್ ..???

ಮ್ಹನಾಂತ್ ಕಿತ್ಯಾಕ್ ಆಶೆಚೆ ಲಾಡು ಪುಟಾಯ್ತಾಯ್...???

ತಾಚ್ಯಾ ಭಂವಾರಿಂ ಪಿಸೊಳ್ಯಾಬರಿ

ಕಿತ್ಯಾಕ್ ಗುಂವ್ಡೆಯ್ತಾಯ್...??

ಇತ್ಲೆಂ ಸರ್ವ್ ಆಶಾ ದಾಕೊವ್ನ್

ಪರತ್ ತ್ಯಾಚ್ ಜಾಗ್ಯಾರ್ ಹಾಡ್ನ್

ಹಾತ್ ಕಿತ್ಯಾಕ್ ಸೊಡ್ತಾಯ್ ...???

✍   ಸುರೇಶ್ ಸಲ್ಡಾನ್, ಪನ್ವೆಲ್, ಆಭುಧಾಬಿ

(ಮೋಗ್ ಕಶೆಂ  ದೊನ್ ಕಾಳ್ಜಾನಿಂ ಉಬ್ಜಾತಾ, ಆನಿ ಮೊಗಾರ್ ಪಡುಲ್ಯಾ ಜೊಡ್ಯಾಂಚ್ಯಾ ಮ್ಹತಿಂತ್ ಕಸ್ಲಿ ಆಲೋಚನ್ ಯೆತಾ..ಮ್ಹಣ್ ಕವಿ ಆಪ್ಲ್ಯಾ ಕವನಾಂತ್ ವರ್ಣುಂಕ್ ಪಳೆತಾ)